سبق و سألت نفس السؤال و أغلب الأعضاء قالوا لك الشانز
التردد و كثرة تغيير الاوتيلات مو في صالحك لا في فنادق جنيف و لا فنادق باريس خصوصا إنه رحلتك قريبه
توكل على الله و احجز في اللي يناسب ميزانيتك

الشانز بلا منازع ...

حياك الله أخوي / 6am 6am
وأشكر لك مرورك ...
أحب أوضح شيء إنه هذا السؤال مهو عشان سفرتي
وأنا أبشرك حجزت والحمد لله خلصت
بس صراحة كنت حاب أعرف وجهة نظر الأعضاء
وليش مثلا يختارون منطقة الشانز أو أوبرا أو غيرها
أنا أعرف إن هذي أشهر المناطق في باريس
لكن أكيد فيه ناس يختارونها لأسباب أخرى
يعني اعتبر هذا استفتاء عام
وإطلاع على ما لدى الآخرين
دمت بحب
الأخوة
alsuroor
و
qatar2007
أشكركم على المشاركة
كان ودي لو تكتبون لو كلمتين عن السبب
في اختياركم الشانزلزية
بالتوفيق جميعا

احنا بفضل الله نختار الشانز
في سفراتنا اللي ماتتجاوز اسبوعين او اسبوع الشانز ....
عشان قرب كل شيء جمبنا ... والحياة احلى
اما الصيف عشان مدة اطول ...ونحتاج سويت وغرف اكثر واكبر
فنسكن كونكورد لافايت ...وعشان مواقف السيارات فيه بعد بالليل عليها حراسة
والحمدلله

برا الشانز ...الشانز وايد غالي..ولما أسكن برا الشانز أقدر أحصل نفس الخدمات بسعر أقل....ومهما بعدت المسافه أهم شي انه في مترو قريب من الفندق اللي اسكنه...ربع ساعة بالكثير وانا في الشانز
وبصراحه لا عجب أنه الخليجيين يقولون أنه باريس غالية ونار دامهم كلهم يصرون يسكنون في الشانز....تحياتي

انا يمكن اختلف عنكم شوي باريس ليست الشانز او الاوبرا او احدى المناطق المعروفه باريس فيها اماكن ثانية اكثر من رائعه على الاقل اذا طلعت من الفندق وحاب اروح للشانز في طريقي اشوف باقي البلد وبذلك افضل السكن في منطقه غير الشانز وكل واحد له وجهة نظرا نحترمها .. :36_3_12:

انا سكنت قرب الشانز لان ليس معي سيارة ولكن هالمره انا معي سيارة وابغى اسكن في سكن حلو ورخيص واقدر اروح للشانز وغيرة بالسيارة او بالقطار بس ياليت احد يعرف شقه حليوه ولو بعيده عن الشانز

بالترتيب :
الشانز
ايفل
الاوبرا
لاديفانس ماعمري شفتها
منطقة الايفل حلوه بالليل مره ..