ياريت احد يدلك لاني انا باذن الله رايحها بعد اسبوعين

احلى سوق للهدايا ( بيجن لو ) واللي يميز السوق هذا عن غيره انه يقفل الساعه 10 بالليل وتلقى فيه المقاسات المناسبة للعرب سواء ملابس او احذية اكرمكم الله اضافه لانه متنوع العروض تلقى فيه كل شي ملابس احذية شنط ماركات ساعات ماركات اكسسورارت نظارات المهم ان المحلات على شارع المشاه الرئيسي اسعارهم ثابتة واذا في عندهم تخفيض تلقاه مكتوب على واجهات المحلات 8 او 7 % يعني لاتتعب نفسك في المكاسره في الاسعار
اما المحلات الداخلية اللي في الازقه والشوارع الضيقه ،،،
تقولك ب180 رممبي قلها 20 رممبي وما عليكم من ردة فعلها التمثيليه وصدقني تاخذه بالكثير ب30 او 35 رممبي ،،، وسوي انك ماشي بتناديك اوكيلا اوكيلا موني موني

السلام عليكم ..
أخوي انا شاري هدايا من سوق الساعات ..
وهو السوق اللي في بطاقة مطعم سبأ .. ( رقم 19 ) ..
وفيه الماركات المقلدة .. تقليد درجة أولى .. وتقليد تقليد .. وفيه ساعات صينية ..
طبعا ما أدري عن مدى الرخص اللي تقصده .. لكن أنا أشوف أسعارهم حلوة ورخيصة ..
مثلا .. ساعة فندي نسائي تقليد طبق الأصل ب 100 ريممبي .. أو ساعة بولغاري رجالي طبق الأصل ب 210 ريميمبي ..
طبعا الأصلي شفت منها في مطار دبي ب 65000 درهم تقريبا .. ( أقصد البولغاري ) ...
بالنسبة لأسواق الهدايا والألعاب والنظارات ما أدري عنها .. يمكن تكون اللي في بطاقة سبأ ..
وترا سوق الساعات حوله ( محلاته الخارجية ع الشارع ) في كذا محل للنظارات ..
وللتنبيه .. وخارج عن سؤالك .. في بطاقة سبأ فيه سوقين للحقائب ( 12 ،، 13 ) ..
والاثنين قراب من بعض .. بس اللي يبي التقليد في رقم ( 12 ) ..
هذا اللي أعرفه وجربته .. وأكيد بتلاقي غيري يفيد أحسن مني ..
وشكرا ..

elegance
أخوي هذي ثاني معلومة منك وللأسف ماعرفتها الا بعد فوات الأوان ..
في بيجين لو انزعجت من كثرة اللي يوروني البروشورات للساعات والشنط التقليد وانا مطنش ..
لو أدري بكلامك كان مارحت اسواق الشنط والساعات .. على الأقل أجواء بيجين لو اللي غير ..
دام هذا هو الوضع هناك .. أنا أضم صوتي لصوتك ..
بيجين لو .. تسلية وتسوق .. وراحة نفسية ..
شكرا ع المعلومة أخوي ..

أنا قبل ساعتين تقريبا كنت في شارع بيجين لو
تعبنا ولم تجد اماكن الشنط التقليد فيا ليتكم تفيدوننا
التسوق متعب جدا في هذا البلد لأنهم مثل ما تفضل أخي elegance
يبالغون جدا بالسعر واذا قلت السعر الذي تريد ينزل السعر لك بعد التمثلية التي ذكرها أخونا آنفاً
جوانزوا شكلها حتى الآن بلد التسوق للجملة والمفرق أحس أن الخليج أرخص ( لأني أول مرة أذهب )
قد يكون هذا السبب
من يفيدني بمكان شنط التقليد فله الدعاء بظهر الغيب ( إن أمكن كرت للمحل )
لأنه يوجد 7000 محل داخل السوق الواحد ههه
وما هي أوفر طريقة للذهاب بالطائرة إلى إيو

المستفيد999
يعطيك العافية أخوي .. وبعد إذن صاحب الموضوع ...
حسب معلوماتي المتواضعة .. بيجين لو مافيه محلات تجارية تبيع عينك عينك شنط مقلدة ..
أكيد في هذا الشارع مر عليك ( وبكثرة ) ناس يعرضون بروشورات لساعات وشنط ..
وذولي مايبيعون في المحلات اللي على الشارع .. يبيعون في محلات أو شقق أو مكاتب خلفية ومخفية ..
أما السوق اللي تحصل فيه المقلد من الشنط وتتخير .. فهو السوق اللي رقمه ( 12 ) في بطاقة مطعم سبأ ...
وماتحتاج كروت .. طب وتخير .. ولا تتسرع في الشراء لين تلف السوق وتكون فكرة عن الأسعار ..
بس عاد انت وحظك .. ماتكون فيه مداهمة من الشرطة ..
لأن التقليد عندهم ممنوع ..
وإذا جت الشرطة تلاقي غالبية المحلات مقفلة وأصحابها جالسين قدامها لين تنتهي المداهمة ..
ويمكن تتلخبط خططك من ناحية الوقت لأن وقت المداهمة ممكن يطول ..
وهذا الوضع موجود في كل أسواق المقلد عندهم ..
ومنها سوق الساعات .. اللي موجود فيه إعلان باللغة الصينية فهمت منه إن فيه منع لبيع المقلد لأن في الإعلان حاطين العلامات المعروفة في الساعات ( رولكس ، أوميغا ، لونجينز ، بولغاري ، فندي ... وغيرها ) ..
ولزيادة المعلومات .. اطلع على تقارير المنتدى وبتلاقي أجوبة تفيدك ..
ومنها موضوع الأخ / البرنس 666 ... ( بالامس زرت سوق الشنط المقلده واليكم توصياتي ) ..
أدري طولت .. أتمنى أفدتك أخوي ..
ولاتنسى الدعوة عن ظهر غيب .. تراك وعدت .. وانا تكلفت في الرد عشانها ..

سوق الهدايا والالعاب انصحك بسوق Onelink International Plaza يحتاج يوم كامل .. سبع طوابق فيه هدايا من كل اللي تباه حق الاطفال والكبار ...
أما إن بغيت ساعات .. فعندك شارع بكين
أو سوق الساعات ... Zhanxi Rd .. بتحصل فيه مولات كثيره مثل ..
Southern Watch Trade Centre ...
ZhanXi KowLoon Watch Center....
وإن بغيت الشنط المقلده والساعات والنظارات في مول واحد عندك سوق الحقائب والجلديات.
Baiyun World Leather Trading Centre
وبالتوفيق ..

رحلة الشتاء
مرحبا اخوي رحلة الشتاء وخيرا فعلت بتطنيشك اللي يوروك بروشورات الساعات لانهم سماسره كل دورهم انهم ياخذوك الى محلات الساعات اللي موجوده بالشوراع الداخليه وطبعا عمولتهم ياخذوها منك بطريقة اضافتها عليك على السعر من قبل البائع

أخي رحلة الشتاء لك الشكر
ونسأل الله يتقبل ما دعونا لك
وفيت وكفيت وأشكر جميع الإخوة على الرد على جميع إسنفسارات المبتدئين أمثالنا
فلهم من الله السعادة والتوفيق