اعشق ماليزيا
وعلشان كيذا ارشحها
موفق

مشكور أخوي
مشروع فيلسوف
على الإفادة

ارشح تايلاند للصغار والكبار

1. يتي والله يابج اختي تبين رايي ونصيحتي اكيد وانتي مغمضة استراليا وبس


2. بس لو بتقولين لي استراليا بقولج اكيد هي انسب شي


3. وبعد في رحلة للقطار البخاري وهي رحلة حلوة بعد


4. وسوق ملبورن وايد وايد حلو وفيها مجمعات كبار

يتي والله يابج اختي تبين رايي ونصيحتي اكيد وانتي مغمضة استراليا وبس

يعني شنو زلامسي وانترلاكن اشفيهم اساسن زلامسي مافيها لاا فندق واحد الي هو جراند والبحيرة وكم كوفي شوب وبس وقمة الملل فيها انا كنت رايح لها 5 ايام تخيلي من اليوم الثالث طلعنا منها ملينا وانترلاكن نفس الشي ولازم لكم سيارة وحالة علشان اتروحون للمناطق الي فيها اشويت استمتاع
بنسبة لباريس اكيد حلوة وانا شخصيا احبها بس حدها 5 ايام بس وماتصلح لليهال وايد لان مافيها الا دزني يعني تصلح للكبار اكثر شي
مليزيا حليوه بس بعد الي فيها ياحديقة زهور يا حديقة فراشات يا حديقة فواكة ياحديقة طيور يا حديقة حيوان كلها حدائق والله شي يملل وجوهم حار مع ذالك هي حلوة
بنسبة لتركيا انا مارحت لها لهشي ماقدر احكم بس اتوقع انها للكبار اكثر شي كلها متحاف واماكن اثرية

بس لو بتقولين لي استراليا بقولج اكيد هي انسب شي

لان غولد كوست عائلية وتصلح للصغار والكبار فيها مدن ملاهي اكثر من 4 مدن ملاهي كبار وفيها رحلات سفاري وعروض ليليه للخيل وفيها رحلات للمدن القريبه منها وفيها اشياء وايد حلوة ومن غير المدينة تعتبر سياحية وساحليه يعني على البحر اتشوفون البحر والشاطئ روعه نظيف وحلو وجوهم بارد وحلو ان بكون شتى عندهم يعني الصباح الجو زين حتى مب لازم تلبسون جاكيتات وبليل لا البسو جاكيتان لان ابرد اشوي ومع ذالك بردهم حلو وفيها ابراج ومطاعم وكوفيات وفيها بعد اماكن ترفيه في وسط المطاعم والكوفيات صالات العاب الكترونيا وفيها بيت دراكولا وفيها متاهت انفنتي وفيها الباص البرمائي اشياء اتونسكم حتى في جولتكم الخفيفة وسط المدينة
وبعدها عندكم منطقة سدني مع ان معظم العوائل يروحون لغولد كوست وبعدها يرجعون بس بنسبة لي ماتهون علي استراليا اذا ماشفت سدني فهي مدينة راقيه وحلوة ومن اجمل 10 مدن بلعالم وانصح بزيارتها
وهي حلوة وتنفع للسوق والتمشي ومشاهدت الحياة العصرية وفيها رحلات حلوة للجبل الازرق واشياء ثانيا انا ناسيها
وبعدها عندكم مدينة ملبورن هي حلوة وبعد تستاهل الزيارة ولاكني افضل غولد كوست وسدني عليها وهي طابعها اوربي سوان بشكل ولامنها مطوره وفيها رحلات لجبل الثلح وهي رحلة طويلة ولاكنها حلوة ومسلية

وبعد في رحلة للقطار البخاري وهي رحلة حلوة بعد

وسوق ملبورن وايد وايد حلو وفيها مجمعات كبار

وممكن اتمرون على دول شرق اسيا سوان بروحه ولا برده اترانزيت يعني وترتاحون فيها يومين انا مريت على سنغافورة وعلى تايلند والصراحه روعه يعين سنغافورية شي خيال بنسبه لتايدلن او بانكوك بتحديد ماحبيتها لان تخيلي انتي جايه من استراليا وبعدها بتقعدين في بانكوك يعني اشوي تنقرفين ولاكنها حليوه وسوقهم حلو لتقليد بس اما الماركات العالمية فغاليه عندهم لان ظرايبهم عالية واشوف ان عندنا ارخص منهم وحتى بسنغافورة وماليزيا ارخص من تايلند من نايحة الماركات العالمية ولاكن كحياة لا تايلند ارخص
واي استفسار انا بلخدمة

ارشح باريس للصغاروالكبار ممتازه

انا شفتهم كلهم و ارشح لك باريس + سويسرا
طبيعه و تسوق و ترفيه

هلا أخوي حلو ومدلع وبعد إذن أختي لآلئ الكويت
أنا الود ودي بأستراليا أكثر من أوروبا لأن أوروبا أحسها مثل ما كتبت بسرعة نتملل منها وأنا جيت ألمانيا وخصوصا فرانكفورت بصراحة ديره مافيها سهر ولا ترفيه الحياة تنقطع بعد ال 7 و5 أيام بالأسبوع شغالين ويومين نحط إيدنا على خدودنا ههه
والخطه الصيفيه يقول الوالد الله يطول بعمره يا ماليزيا أو النمسا وسويسرا وألمانيا وفرنسا بس أحس النمسا و سويسرا مو مرغوبه
وعاد قلت للوالد ماليزيا 3 ليالي سيلانجور ومن بعدها أستراليا 20 ليلة ومن بعدها أسبوع ماليزيا (لنكاوي هي حلم ماليزيا بس 3 ليالي وأربع ليالي كوالالمبور
والمدن الإسترالية هي سيدني وجولد كوست وهل ملبورن تستاهل وأبيها بس علشان الجسر الزجاجي ما أعرف أسمه
والمدن الثلاث كم تبعد عن بعض وشلون ننتقل لها بس على الطيران ولا في قطار
وسامحني على كثرة الأسئله والله لأني محتارة وين نروح
وبما أنت خبير لندن بعد ما شاءالله مطار هيثرو هذا إلي تنزل عليه طيران البريطاني إذا قدرت وحاولت أقنع أبوي لأمريكا ونقعد كم يوم فيها بالروحه والردة
وأحس أستراليا ولا أمريكا أكثر وناسه لنا من أوروبا لأن ترفيهية أكثر ماهي ثقافية لأن أوروبا أكثر شئ متاحف

طاب يومكم ..
أختي هدوء العالم .. أستراليا ما فيها زود بقوه لكن حلو الواحد يكتشفها .. سدني
فيها أكواريوم وسوقها حلو وفيها حديقة حيوان ونشاطات كلها في غابات وبحر للي
يحب هالنوع من النشاطات ومو شرط تكون مناسبه للأطفال .. قولد كوست فيها السهر
والتمشي وملاهي .. ملبورن تحسينها مكان عمل وصناعات وعلم ..
اذا تبين ترفيه ووناسه على طول سوق وتمشي وعروض متنوعه وغريبه وأسعار ممتازه بكل شيء الجواب
أمريكا وبس ولو فيه مجال أن فيزتها تطلع من دون مواعيد وغربله
كان صارت المقصد الدائم للجميع ..
بالتوفيق للجميع .. وعذراً لصاحبة الموضوع بس اخذنا الحديث لكذا مكان .
تحياتي .

مرحبا عزيزتي وبلعكس اهلا وسهلا فيج
بنسبة لامريكا فهي حلوة ولاكن للامانه انا مارحت لها ومكان مارحت له ماقدر افتي فيه واعرف ناس كل سنه يروحون لها بس اسمع انها حاره اشوي بصيف
على العموم بكلمج عن استراليا وهي المكان الي رحت له وهي حلوة وتستاهل الزيارة بنسبة للمسافات بين المدن لازم طيارة لانهم ابعاد ومافي قطارات يعني بسيارة اكثر من 20 ساعه لهشي لازم اتروحون بطيارة
واحلى المدن هي الي انتي ذكرتيهم بنسبة لغولد كوست فمثل ماقلتي هي مناسبة للعائلة وكلها رحلات ووناسه ومدن ملاهي بنسبة لسدني فهي حلوة وفيها شوق حلوة وسهر بعد وفيها اكواريوم وفيها رحلات مثل للجبل الازرق وغيره
بنسبة لملبورن بعد فيها مجمعات تجارية وحلوة وفيها رحلة القطار البخارية وهي حلوة وايد وفيها رحلة جبل الثلج ومن غير التمشي في شوارعها لان شوارعها اتشابه شوارع اوربا
وبنسبة لدول الي اتزورونها اترانزيت فهيا على حسب الطيران يعني لو بتروحون على الماليزيا ممكن اتمرون ماليزيا وهي اختيار حلوة بس انا انصح ممكن اتمرون سلانجور يومين منها ترتاحون واتشوفونها وهي عبارة عن مدينة مائية و3 فنادق ومجمعات تجارية يعني حدها ليلتين وبعدها اتروحون استراليا وبرده اتمرون على ماليزيا بس مانصح اتروحون لانكاوي ولا حتى بنع صح لانكاوي حلوة ولاكنها حارة وشاطئها مو مثل شاطئ غولد كوست ومافيها شي فحرام انا اقول تقعدون 3 او 5 ايام في كوالالمبور اتسوقون اهناك لانسوقهم حلو وحتى ماركاتهم ارخص واتشوفون مجمعاتهم وايد احلى وهاي نصيحتي
وممكن اتزورون سنغافورة لانها حلوة وايد وممكن بانكوك مع انها اشوي مب نظيفه يعني سنغافورة وايد انظف
وعلى العموم اي اسفسار انا بلخدمة