السلام عليكم و رحمة الله
بالنسبة للمولات هناك فاشن فالي مول و Utc و هورتن بلازا في الداون تاون وهذة اكبر المولات في سان ديجو عندما كنت ادرس هناك قبل 10 سنوات و يمكن طلعت مولات جديدة لا علم لي بها.
وفي ال Sea World مرة جميله وتقدر تقضي فيها يوم كامل كما هناك حديقة الحيوان ويكفيها نصف يوم.
كما توجد منطقة لاهويا وهي منطقة جداً جميله وبها عدة مطاعم رائعة على البحر.
ومنطقة الداون تاون جميله جداً.
بالنسبة للطقس في سان ديجو معظم السنة معتدل و درجة الحرارة لا تنزل تحت 10 درجات في فصل الشتاء.
هذا ما ما خطر ببالي الأن.
وعموماً سان ديجو من اجمل المدن الأمريكيه. وبالتوفيق و تروح و ترجع بالسلامه ان شاء الله

تسلم عزيزي على المعلومات الطيبة ...
أتمنى من الأخوة الأفاضل اللي زار ها المدينة قريب أو اللي يعرف عنها شي زيادة .. يخبرنا عنها ...

هلا اخوي ... أنا مسوية تقرير عن سانديغو .... حياك
بس اضغط على الرابط تحت في تقرير رحلتي إلى كاليفونيا و فيجاس ... أتمنى أن ينال على إعجابك

Luxury_Traveller
تسلمي والله أختي على الموضوع .... الأكثر من رائع..
بصراحة .. ما شاء الله عليك .. كفيت ووفيت..
أتمنى منك أختي تساعديني شوي ... ما عليه استحمليني راح أغلبك معاي.
أنا رايح لسان دييجو في منتصف شهر فبراير القادم .. تقريبا 15/2/2008
رايح أحضر مؤتمر لمدة خمسة أيام ... وراح أجلس يومين ولا ثلاثة أيام زيادة ..
راح أسكن إن شاء الله San Diego Marriot Hotel and Marina .. وراح تكون المدام معي ..
بس أنا والمدام .. ماعندنا عيال.
راح أخلص كل يوم من المؤتمر على الساعة 3 العصر ...
ممكن تساعديني .. في أحلى وأجمل الأماكن اللي ممكن أزورها في سام دييجو .. وأجمل المطاعم الموجودة فيها ... يعني استحمليني شوي بس أختي.. ممكن تحطي لي جدول بسيط بالأماكن اللي ممكن أزورها والمطاعم اللي ممكن ناكل منها .. يعني أحلى المطاعم وأجمل الأماكن .. بس علشان شوي أتدلع على زوجتي .. وكأني عارف كل شي هناك ..
ومثل ما تعرفي .. ما عندي وقت كثير أجلس فيه هناك .. فما أظن إني راح أطلع من سان دييجو.. يا دووب أتمشى فيها شوي بس..
تسلمي أختي على مساعدتك .. وأتمنى ما أتعبك معاي..
الله يحفظك انت وعائلتك الكريمة..

1. السلام عليكم أخوي MAXMAD و بالعكس هذي الساعة المباركة .............


2. وايد حلو و كبير و تقريبا يبعد عن فندقكم 40 دقيقة أو شوي أقل .

السلام عليكم أخوي MAXMAD و بالعكس هذي الساعة المباركة .............

أولاً سان ديغو جدا جداً جميلة و تنحب .... و إنشاءالله اذا الله كتب لنا نروح أمريكا مرة ثانية ضروري نمر عليها المنطقة تنحب !!
فندقك روعة ..... حاولنا نحجز فيه بس للأسف ما حصلنا حجز لأن الوقت ضيق ...... موقعه ممتاز يعني في الداون تاون ...... تقدرون تطلعون و تمشون في المنطقة الي حواليها ..... الجو وايد حلو الحين بس أكيدة يبيلكم لبس ربيعي مو صيفي و جاكيت تالي الليل .... لأن الجو يبرد ..... إحنا كنا بشهر 8 و آخر الليل كان بريدات و كنا نلبس جاكيت صيفية خفيفة .... بس أكيدة الحين يبيلكم جاكيت ثقيل لأن درجة الحرارة الحين حوالي 14 إلى 9 بالليل
قلت إنك بتخلص الساعة 3 العصر من دوامك .... ممكن تروحون المول Horton Plaza وايد حلو و كل الماركات تلقها هناك ..... و كل المحلات الكبيرة موجودة مثل Nordsorm and Macys و مو بعيد عن فندقكم حوالي 5 دقايق بالسيارة ..... ما أدري اذا بتأجرون سيارة أو لا ؟ السوق مفتوح من الساعة 10 الصبح إلى 9 الليل من يوم الأثنين إلى الجمعة أما باقي الأيام ( نهاية الأسبوع ) من الساعة 10 إلى 7 .... المول فيه مطاعم حلوة Food Court
بالنسبة للمطاعم .... فيه مطعم إيراني حلو و ماشاءالله أكله حلو اسمه Bandar و بنفس الشارع أو الشارع الي وراه بعد في مطعم إيراني .... بس أكل بندر أحلى و مكان المطعم في منطقة اسمها Gaslamp و هذي منطقة حيوية و حلوة و من المعالم المهمة بداون تاون سان ديغو وايد عالم هناك . عندك مطعم chesscake factory in Fashion Valley mall هذا بعد سوق حلو ......
أقترح عليك .... بالأيام الزيادة ( دام إنكم راح تستغلون اليوم كله ) روحوا للأماكن الكبيرة و الي تاخذ وقت حتى تخلصونها مثل Sea World و Lego land يمكن تقول إن ما عندنا يهال ليش نروح ؟ الليجولاند وايد حلوة و أكيدة شي جديد عليكم و ما شفتوه من قبل + إن في سوق كبير بجانب الليجو لاند اسمه Carlsbad Premium Outlets

وايد حلو و كبير و تقريبا يبعد عن فندقكم 40 دقيقة أو شوي أقل .

ضروري تروحون للرحلات البحرية في خليج سان ديغو !! الرحلة روعة ( لو لاحظت الصور و المعلومات الي نزلتها في تقريري عنها ) لا تفوتك الرحلة .... طبعاً في وايد رحلات و كل رحلة لها مسارها و لها وقتها ... شي بالليل و شي بالنهار بس ..... أكيدة راح تلاقون بروشور بالفندق لشركات الرحلات .... شوف كل وحدة عبارة عن شنو و تغطي أي معالم بالضبط من سان ديغو و كم سعرها .
و فيه مكان اسمه Harbor Dr وايد حلو للتمشي و مقابل خليج سان ديغو و منه تروحون للرحلات البحرية
أتمنى إني أفدتك ولو شي بسيط ...... أنا قاعدة أتذكر و أكتب لك و ولدي قاعد بحضني و مأذيني
نسيت بعد عندكم سان ديغو زو و شي اسمه يمكن wild animal park

الأخ maxmad وينك ؟

والله تسلمي يا أختي ... شرحك روعة.
أشكرك كل الشكر .... على كل المعلومات .. وأعتذر لأني ما قدرت أدخل في الأيام الماضية.
إن شاء الله راح نحاول نزور الأماكن اللي قلتي لي عنها ... بس حاس إني بضيع شوي..
ممكن أقدر أحصل على خريطة لسان دييجو في الفندق؟؟ ا أعرف إذا كانت مثل المدن الأوروبية .. تقدر تحصل على خريطة فيها كل الأماكن السياحية..
أريد أرتب جدول بسيط للرحلة ... يعني اليوم هنا وبكرة هناك .. يعني أحاول أستغل الوقت .. علما إني ما أحب النوم في السفر .. أنا 5 أو 6 ساعات بس لما أكون مسافر .. أحب أستغل وقتي أتمشى فيه ...
تسلمي أختي على المعلومات .. وأتمنى ما أكون أتعبتك معاي..

اهلينLuxury
ابسالك وش احلى سي ورد الي باورلاندو ولا الي بسان ديغو
لان انا ان شا الله رايحه لديرتين بشهر8 وما ابغى اروح للثنتين عشان الوقت
فانتي برايك شنو الاحسن
ومشكوره

بالتوفيق للجميع ومثل ماذكرت الاخت كفت ووفت
احب اضيف معلومه انه ضروري الي يروح سان دييغو لازم يزور حديقة الحيوان من جد كان ودي ازورها لكن ماكان عندي وقت
لكن من نصيحة صديق مقيم هناك الحديقه يجونها من كل امريكا لانها كبيره وشهيره ومتميزه علي نطاق امريكا كلها يعني لاتفوتونها ويبي لها يوم او بهالحدود
المدينه جوها عجيب وفيها بعض الجاليات العربيه والمسلمه المشكله اني مادل زين لانه في مطعم فلسطيني اكله حلو اعتقد اسمه علي بابا والله ماتذكر بس اكل عربي حلو