التوربيني
11-06-2022 - 01:52 am
مرحبا
يا شباب انا طالع لدبي بعد كم يوم ويا ليت خدمه بسيطه منكم
اولا : السكن دورت في المنتدى كثير ومو عارف احدد لانه الاسعار مو مذكوره فيا ليت تفيدوني ومو مهم المكان لانه الميزانيه محدوده بس لو كان قريب من مول الامارات يكون احسن
ثانيا : البرنامج لقيت اكثر من برنامج بس مو متوافق معي بسبب المده انا طالع لمدة خمسة اايام فيا ليت برنامج على هذه المده من الاخوان اللي جربوا بحيث تكون شامله اغلب الاماكن السياحيه
وللمعلوميه الرحله راح تكون لثلاثة اشخاص ولاول مره .
وانا بانتظار ردودكم
بما انه اول مره تروح لدبي ان شاء الله بتنبسط وتصير تسولف به سنه ههه
بخصوص السكن
وبما انك تبيه حول الامارات مول وتبي سعره حلو فيه شقق فندقيه يمدحه اكثر الاخوان والاخوات هنا وقريبه من موول الامارات واسمه الروز قاردن
ولو تعبت نفسك شوي بس راح تلقى تقرير عنه
وفيه كورال الخوري قريبه بعد بس شوي اغلى
قبل الموسم كان سعر الروز قاردن ب 360 وحوله
يعني هالحين زاد شوي
بس اكيد لو دورت بالتقارير او رحت لقوقل راح تلقى رقمهم وبامكانك تكلمهم وتشوف سعرهم
فيه شقق سكنت به قبل شهر بس بعيده عن مول الامارات
قريبه من برجمان مول ببر دبي
قيمه الاستديوو 200 درهم
والله الاستديو نظيف مره
صح ان مافيها خدمات بس مقارنة بالسعر شي مو طبيعي
ويمكن بما ان الموسم دخل تلقاه ب 300
اسم الشقق لندن كراون 2 ولو مو ممنوع عطيتك رقمهم
بس تقدر من قوقل تطلعه
تروح وترجع بالسلامه خيو