السلام عليكم ورحمة الله وبركاته
اخواني أخواتي اعضاء منتدى العرب المسافرون
أشكر كل الاعضاء والقائمين على هذا المنتدى الرائع
على مايقدمونه من خدمات لزوار هذا الموقع جعل الله ذلك في ميزان حسناتكم
انا مسافره في آخر يونيو لماليزيا بإذن الله نحن عائله عددنا7 5بالغين و2اطفال 12و6
وزي ماقلت لكم في العنوان هذي أول مره أروح لها
وعندي بعض الاستفسارات ياليت تساعدوني فيها
احنا رحلتنا على الخطوط السيرلانكيه..مع انا ماكنا نبيها بس قدر الله حجزنا متأخرين ومالقينا الا هي
- كيف مستوى الخطوط السيرلانكيه ؟
- كم يسمحون اقصى حد بوزن العفش؟وفي الرجعه اكيد بنتسوق ونشتري اغراض وشلون نحسبها بعد من نفس الوزن ....وحده ناويه تعبي الشناط
وبعد في التنقل بالخطوط الماليزيه الداخليه بين الجزر كم الوزن المسموح
ياليت تقولون لنا تجاربكم في هالشي؟
- واجهتنا مشكلة في حجز الفنادق وهي انهم مايسمحون في الغرفه اكثر من 2 بالغين وحنا 5
اضطرينا انا نكتب 4 وقلنا بعدين اذا قالوا شي ندفع لهم بس انا خايفه مايرضون حتى لو دفعنا
وماادري وش الحل؟ لان كل فنادق تم حجزها بهالطريقه
الفنادق هي بالترتيب
آسكوت ..في كوالا-باي فيو بتش.. بينانج-هوليدي فيلا.. لنكاوي-سويس قاردن ..كوالا
- الشي الثاني التنقلات وش المناسب لنا كعائله؟الباص والا التاكسي ؟مع العلم انا 7 اشخاص يعني هل تكاسيهم واسعه تشيل عدد كبير والا ماتناسب؟
اخر شي وش الأماكن اللي تنصحوني فيها وتناسبنا كعائله؟؟
موفقة أختي أم البطل
بالنسبة للتنقلات تحتاجون ميني باص أكيد و متوفر عندهم سواء من المطار أو في الفنادق اطلبي ميني باص و هم يسألون عن عددكم
بالنسبة لسكوت شقق راقية و نظيفة ممكن تحجزين ثلاث غرف و صالة مع سرير إضافي
بس أنا حسيته إنه ما له داعي سرير إضافي لأنه الكنبة اللي في الصالة تغني عنه
أما بالنسبة للفنادق الثانية اسمحي لي ما حجزت فيها
الله يسعدكم و يسر أموركم
رحلة ممتعة
ملاحظة : لست عضوة جديدة بس انلغى اسمي القديم