عندي أمل كبير
30-05-2022 - 09:08 pm
السلام عليكم
نفكر هالصيف نروح للنمسا
وأحنا 2 كبير وطفل عمره 11 سنه
وطفل عمره 3 سنوات
حابين ننزل بميونخ ومنها لزيلامسي وسالبورغ
ومادري نمر على فينا ولا لا؟
هل تستاهل؟
وحابين نروح لسويسرا بيت هايدي
وش رايكم كم يوم تكون رحلتنا؟!
هل يكفي 15 يوم ؟
وكم الميزانيه السفره مع التذاكر والفنادق؟
نبي فنادق نظيفه وسعرها زين
وش أفضل ناخذ سياره خاصه ولا وش تشورون علي!
سمعت أن فيه وقت تكون التذاكر مخفض عليها على الخطوط السعوديه صح ولا لا
وش أفضل وأرخص خطوط وكم سعر التذكره تقريبا ذهاب وإياب
ياليت تساعدوني لاني أول مره أروح لنمسا ولا أعرف شي فيها
وشاكره لكم
انا اعتقد انك لو تتمتعين بمتابعة تقارير الاعضاء راح تلقين اجوبة كل استفساراتك اللي سالتي عنها .. لان ماشاءالله اسئلتك شاملة كل شئ .. وصعبة ان الواحد يجلس يبحثلك في اسعار التذاكر والفنادق وافضلها لان هذا يبيله وقت .. وفي نفس الوقت ما ودي يضيق صدرك وتقولين مايبي يساعدني .. لكن هذا هو دورك انتي واذا صار في استفسار او سؤال معين نقدر نجاوبك عليه .. واتمنى اذا في احد من الاعضاء يقدر يجاوبك بالتفصيل الذي تريدين ..
ولكن مع هذا بجاوبك على بعض استفساراتك بشكل عام :
المدة مناسبة نوعا ما اذا تم التنازل عن بعض المدن ..
حسب الميزانية يتم تحديد المدة ونوعية الفنادق ..
السيارة افضل بكثير واوفر من المواصلات ..
اسعار التذاكر كلما كانت قبل فترة من السفر كلما كانت ارخص ..
واي استفسار نحن في الخدمة .. تحياتي لك