السلام عليكم و رحمة الله و بركاته
أول شي حاب اشكركم على الجهد اللي تبذلونه في البوابه بسرعه و احترافية قلما الواحد يحصلها
الشي الثاني ودي مساعدتكم يا اخوان في جدولي اول مره في فرنساو ارجو ان ما يكون فيه تثقيل عليكم من ناحية التكرار و ما الى ذلك
بعد تفكير عميق استقريت
رحلتي تكون 12 يوم من 15/6 الى 27/6 2011 الوصول ان شا الله من الرياض الى باريس و العودة من جنيف الى الرياض
باريس 4 أيام
كان 3 أيام
جنيف يومين
انترلاكن 3 ايام ثم العودة لجنيف و الاقلاع مباشرة للرياض
سؤالي بالنسبه للمعالم اللي في باريس و اللي اهمها برج ايفيل و اللوفر هل يمكن الوصول لها مشي لو سكنت حول الشانز
كان هل كفايه عليها 3 ايام او كثيره وش المدن المقترحه بديله لها و وين اروح فيها
جنيف اشوف كثيره عليها يومين بس ما لقيت خيار اخر
انترلاكن كيف اقضي ايامها ( سيطرح السؤال هذا في البوابه السويسريه لكن لا مانع نستفيد من خبرتكم)
الشي الاخير اثناء بحثي في اليورو ريل ما يطلع تفاصيل الرحله بالشكل المطلوب وين التبديل و كيف يكون هل فيه بديل
خاصه في سويسرا ما طلع لي رححلات بين انترلاكن و جنيف
المصروف لشخص عزوبي بدون المواصلات كم متوقع
ارجو في الاجابات مراعاة اني باستخدم المواصلات العامه غالبا المترو و القطارات اكره استخدام الباصات و افضل المشي على الاقدام
شاكر لكم و ادري طولت عليكم لكن اتمنى تتحملوني
في أمان الله