1. 4- هذا السؤال المهم اللي سامع اشاعات بكثره عنه :

بسم الله الرحمن الرحيم
بعد طول عناء في اتخاذ قرار وجهة الدوله، خلاص لي أسبوع وانا مصمم على تركيا وعاد فزعتكم الله لا يهينكم على استفساراتي لأني طالع انا وعايلتي (زوجتي وبنتي عمرها سنه و 6 أشهر).
1- حجزي يوم 21 نوفمبر الى 1 ديسمبر 2009 هل هذا الوقت بارد او معتدل يعني بجاكيت او لا ؟
2- أماكن الواحد لما يصحا من الصباح بعد فطور الفندق وين يروح الى الليل علما بأني راح يكون فندقي بأسطنبول يعني مثل بعض الجزر يقول لازم لها يوم كامل يعني ودي بنشاط سياحي كامل سامحوني عارف اني حثقل عليكم وبصراحه أخوكم يحب الفله اسواق ملاهي ووناسه طلعات مطاعم على قارب عاد لا تقصرون بالجدول يالنشاما ؟ مع العلم ودي اقضي العشره ايام ساكن باسطنبول يعني اروح مشوار ساعتين او اكثر ننبصط فيها وبعدين ارجع لإسطنبول ماعندي مشكله بها الشي يعني مولازم انوع المدن لان ميزانيتي على قدي وتنويع الفنادق مكلف
3- هل يحتاج فيزا لدخول تركيا بالنسبة للشخص السعودي والشخص اليمني بتركيا اذا يحتاج كم سعرها وايش الاوراق المطلوبه.

4- هذا السؤال المهم اللي سامع اشاعات بكثره عنه :

كل ماجبت سيرة تركيا لأحد أسمع أغلبية منهم يقلك ياخي كيف تروح دوله صعب التعامل مع أهلها لأنهم ناس خشنين في التعامل مع السياح ولمن أقرا في المنتدى أحصل انه في معامله خاصه في بعض المناطق من يوم مايعرف انك من مكه ولا المدينه يعني باختصار قدامي تناقض ياريت الاخوان يوضحوه لي عشان بصراحه هذا الامر قالقني شوي
5-بالنسبه للعمله 100 ريال كم تسوى عندهم.
6- ولو اني بقعد 10 أيام كم تكفيني مصاريف فقط بدون تذاكر سفر و فندق.
الف شكر لكم مقدما وانشالله تكون اجوبتكم تساعدني على هالسفره.