السلام عليكم
تصحيح لمعلومة اخوي
يوجد صالة خاصة للانتظار و اعتقد انها افخم بكثير من صالة الانتظار الخاصة بفندق كونراد (هيلتون سابقا) في مطار الطائرات المائية وهي صالة فندق الفور سيزونز آت لاندا جيرافارو
و هي موجودة لدى شركة الطائرات المائية الثانية (تيما) tma ، وهي بجانت الشركة الاولى (مالديف اير تاكسي) و التي يتعامل معها فندق كونراد المالديف
هذا للتصحيح و بحكم الخبرة
تحياتي

شكل الموضوع بيكون مره خطير
ومن اولها مبين التقرير حلو
سجلني متابعة معك

الحمدلله على السلامة
وبصراحة تقرير باين من أوله إنه رهيب ماشاء الله تبارك الله
بس فيه ملاحظه ليت بس كتبت نكك على الصور
وسجلني واحد من المتابعين للتقرير
ترى فندق هلتون أو كونراد المالديف
هو حلم رحلتي القادمة
ربي يسعدك

ما شاء الله تبارك الرحمن
حلو وجميل هذا التقرير القطري
وتحمسنا كثير على اننا نتابعه للاخر
والصور روعة كمان
وربي يهنيك ويسعدك ولا تتاخر علينا ترانا مشتاقين

والله بدايه رائعة
اذا هذا الاستقبال قبل لا توصلوا الفندق
اجل كيف الفندق
ننتظر نشوف

عدنا لكم من جديد . . مشكلة المشاركين الجدد
وصلنا إلى الفندق . .
وهو عبارة عن جزيرتين موصولين بجسر . . وفي وسط الجسر منطقة الاستقبال والمغادرة للطائرات المائية . .
ما ان نزلنا من التاكسي بعد رحلة ممتعة وحارة استمرت حوالي 45 دقيقة . .
حتى جانا واحد . .
هو : السلطان باشا؟؟
انا : هيه انا . .
. . . ويش تمبى ؟؟
هو : نوّرت الكونراد يا باشا . . محسوبك زاهر . . اتفضل ورايا . .
مشينا ورا زاهر على الجسر حتى وصلنا لوبي الفندق . . وكان الخبر السعيد ( سوينا لكم ابجريد ل Spa Water Villa) . .
المهم جلسنا وجابوا لنا عصير مادري شلون شكله . . اظن جوز الهند وشي معاه . . وبالاضافة الى عسكريم ليمون . .
وبعدها بخمس دقايق جانا الاخ زاهر محملا ً بالاوراق منها خريطة الفندق ، وتأكيد حجز بعض المطاعم و، وورقة بالانشطة والرحلات وغيرها . . وعقب ما خلص من هذرته جزاه الله خير خذنا على ظهر سيارة الجولف الصغيرة إلى محل إقامتنا الميمونة لليالي الأربع القادمة . .
نترككم الآن مشاهدينا مع جولة في الفلة المذكورة . .
فيلا 403 من الخارج . .
منظر على البحر من الفيلا . .
البتاع اللي هوّه . .
واستقبال كان بالغيوم . . أولا ً . .
والرعد ثانياً ( طبعا ً ما يبين في الصورة :icon_cycl )
والأمطار ثالثا ً . .
وبالمناسبة . . بعد ما حجزت ودفعت كل شي . . اكتشفت ان شهر يونيو ( اللي سافرنا فيه ) فيه أكبر معدل لهبوط الأمطار في المالديف . . يعني شي مب شي :thumbdown . .
البتاع الثاني بتاع البتاع . .
الفيلا المجاورة لفلتنا . . كانت خالية طوال فترة اقامتنا هناك . .
هذا البحر ولا بلاش . .
الفيلا المجاورة لنا . .
الدري مباشرة من الفيلا ع البحر . .
لكن صراحة كانت في مشكلتين . .
الاولى . . المنطقة تحت الفيلا مباشرة كانت كلها صخور . . لذلك صعب الواحد ينزل بدون ما يلبس شي في ريله . .
الثانية . . وهذي ع عموم المنتجع . . بعد الساعة 3 العصر تقريبا ً السباحة تصير مستحيلة وخصوصا ً عند الفيلا بسبب الأمواج والتيارات القوية . .
قبقوب . . كان ينخش تحت الدري . . بس صار رفيجنا بعدين . .
يوتبع . . .

صور الفيلا من الداخل . .

المبيد لزوم القضاء على بعض الكائنات غير المرغوب فيها :11mmer3:

لايف جاكيت عشان محد يجيب العيد . .

عدة الغطس . . تاخذها من مركز الغوص مجانا ً طول فترة إقامتك . . والصراحة اجمل مافي المالديف بالنسبة لي كان الغطس ومشاهدة الألوان والأشكال البديعة والعجيبة الغريبة من ( السمش / السمج / السمك ) . .
يوتبع . . .

راعي المعيذر
أشكرك أخوي على تصحيح المعلومة . .
وبالمناسبة فندق فور سيزون لاندا جيرافارو كان اختياري الثاني . . لكن بناء على الريفيوز اللي في موقع تريب ادفايزر اخترت كونراد . .
وياليت اخوي بما انك زرت الفورسيزون . . تعمل لنا مقارنة ولا عليك امر بين كونراد والفورسيزون . . لكي نحقق الاستفادة القصوى من هذه المواضيع . .
تحياتي لك
ana_o_bas
حياج الله اختي
وتفضلي متابعة معانا وان شاء الله القادم يحوز على اعجابج
جامعي 1
حياك الله اخوي متابع للموضوع . . وانا على فكرة استمتعت كثير بمتابعة تقريرك المالديفي المميز ..
فسلمت يمينك . . وتابعنا وفالك طيب . .
ولد الديرة 2008
والله ياخوي اني ما احب اخليكم تنتظرون وكان بودي انزل كل التقرير مرة وحدة . .
بس تراني عضو جديد ولازم تصبرون علي شوي
لكن تابعنا وفالك طيب
الجاسر الحربي
كل اللي اقدر اقوله . . تابعنا وفالك طيب
وتشرفت بوجودك في الموضوع . .
تحياتي للكل

الحمد لله على سلامتكم
بس ليه ماطلعت الصور عندي ؟!!!