أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ممكن تفيدوني لاني رايح يوم الاحد أنشاءاللة برشلونة وحجزت ع اوتيل princesa sofia Gran hotel
هل بعيد ع شارع الاامبلا , ولااغير ع أوتيل رويال.. والشكر واصل لما يفيدني
السلام عليكم ورحمة الله وبركاته
اخي الكريم الفندق موقعه جدا ممتاز وراقي وهادئ وبالنسبه لشارع الرامبلا ( ترا هذا الشارع من أسوأ وأوسخ شوارع برشلونه على حسب رأيي الشخصي)
أخوي الكريم ana hemoo اذا انت تسأل عن شارع الرامبلا ليش أقول عنه سئ
أولا الشارع صغير ومزحوم وغير نظيف ومافيه شي سوى عروض الشحاذه المعروفه فقط لاغير وهذي بمجرد المرور للمره الواحده بتمل منها وكل المحلات اللي يمين ويسار محلات هنود شوفونير العاديه
ثانيا أغلب الحراميه والمتشردين والسكارى والمنحرفين أخلاقيا بتلقاهم على هذا الشارع مع اختلاف المواقع سواءا يمينا أو يسارا بداية أو نهايه
واغلب السرقات تبدأ من هذا الشارع سواء في محطات الميترو اللي عليه أو خارجه
طبعا يختلف التواجد باختلاف الموسم والشهر
ومافيه شي صراحه يشد السائح انا وجدت اماكن كثيره احلى وانظف وارقى من هالشارع بس ماادري ليه الناس متعلقه فيه فقط مجرد عروض شحاذه
مثلا نهاية الشارع هذا قبل البحر على اليمين بتلقى مبنى St. Monica هذا يجتمع فيه الشاذين جنسيا خصوصا الويك إند
معظم الشوارع الصغيره المتقاطعه مع الشارع هذا فيها عروض بنات ليل
جميع محطات الميترو على الشارع هذا بتلقى عند الدرج انواع الحراميه اللي ينتظرون الفريسه
البعض يقولون إني أبالغ لكن هذي وجهة نظري وأنا احب انصح صراحه خصوصا العائلات مااحب يشوفون مناظر زي كذا
لأن الشارع هذا فيه ناس تقارنه بمنطقة الدومو اللي في ميلان ومنطقة الرينق والكارتنر في فيينا صراحه مافيه مجال للمقارنه من جميع النواحي سواء النظافه والا الأشكال والا سعة المنطقه
يظل هذا رأيي الشخصي ووتقبل تحياتي
