نسيت أضيف شغله ألا وهي القطار ....أنا حابه أجربه ويا الاهل
شنو أقتراكم وين ممكن أستفيد بوجود بالرحله
بمعنى آخر أبي يكون للقطار بالسفر خط سير وذلك لتجربته

راح تستخدمون القطار صعب عليكم
ليش ماتستاجرون ميني باص مع سواق افضل لكم وتقدرون تروحون كل مكان اما اذا ما معاكم سياره بيكون تحرككم محدود لان في مناطق تبعد 100 عن زيلامسي رائعه بس مهم وجود السياره
وين حجزتوا سكن في ميونخ وزيلامسي ولا لسه ماحجزتوا؟؟
واعطينا تاريخ الذهاب والعوده ؟؟
ومتى وقت الوصول الى ميونخ

اهلين اختي
ليش ماتخلي اربع ليالي في سالسبورغ علشان يكون اسهلك تتمشي في المناطق الي حوله لانه حسب بحثي فيه كثير قرى حلوه قريبه من سالسبورغ وافضل من مشوار باليل خاصه انكم 9 اشخاص يعني روحه ورجعه بنفس اليوم متعبه شوي
دمتي بود

اهلين والله فيكم لدموع الوجد و https://artravelers.com
انا بصراحه احب السفر بالسياره احب امتع نظري بالطبيعه
وبما احنا علا قولتكم مجموعه كبيره وحركتنا رح تكون بطيئه
حابه باليوم تكون الرحله لجيهه واحد بالكثير موقعين قريبين
وبصراحه إذا احنا خططنا صح الجميع مرح يعارض التخطيط
الوصول لميونخ بتاريخ 24-6
بعدها زلامسي 25-6 لمدة 8 ليالي
وبعدها ميونخ 3 ليالي
بس عندي سؤال وين مغارة هتلر عندنا شباب حابين تكون بالخطه
واشكر مروركم

طيب اذا كان وصولكم بدري ميونخ ليه ماتروحون مباشره لزيلامسي وخلوا الاربعه ليالي بالاخير في ميونخ؟؟
هل حجزتوا سكن ولا لسه؟؟
يعني بتستاجرون سياره ولا بستخدمون القطار؟؟

أنا معاج انا وصولنا بدري لميونخ بس بصراحه حابه الرحله تكون ممتعه
ويكون التحرك فيه بترتيب,,,, بصراحه رح اقولج ليش رح ابات ليله بميونخ
أنا والشباب اللي معاي ماأبي أضايقهم بالاطفال اللي معاي
وحاب كل واحد يستعيد نشاطه بعد رحله الترانزيت من الكويت لقطر وبعدها ميونخ
القطار سألت عنه ورد علي أحد الاخوه مشكور بأن العدد كبير والافضل سيارة مع سايق
بس محتاره التأجير يبدأ من اول يوم وصول ولا بين الدولتين وداخل كل دوله استغل الباص
والقطار مواصلات ,,لاني مثل ماقلت سابقا أحب اتنقل وأجرب الأكثر من وسيله بالتنقل
لازم القطار يكون لي تجربه فيه وهذا الطلب من كم فرد بالمجموعه وهم الطفله والمراهقين
يرغبون بهذي التجربه للذكري
واشكر مساعدتكم لي

شوفي استاجروا السياره مع سواق لان عددكم اكبر من 9 اشخاص مافي سياره تكفيكم او يسمحون لكم ياخذها كل هالعدد ماشاء الله
ويكون ينتظركم في مطار ميونخ اول ماتوصلون
وبعد ماتخلصون من سالزبورغ وزيلامسي وانتوا بالرجعه و لما توصلون ميونخ خلاص ينتهي دوره معاكم
وتصير الثلاثه ليالي تستخدمون المترو والترام
وبعدين تروحون للمطار بتاكسي
الباص متعب جدا وبيضيع عليكم اليوم وانتوا تنتظرون الباص وحوسه
اما اذا سواقكم وسيارتكم معاكم ترتبون جدولكم على كيفكم

حبيبتي دموع الوجد
ماوضعتي لنا القطار بالرحله أنتي شنو رايج
اتصدقين أنا حاسه أن القطار رح يكون صعب ليش ماأدري
انزين ممكن تكلفت السايق رح تكون كم يوما بالتقريب
هل السواقين يعرفون اللغه الانجليزيه ولا في سواقين عرب
وهذولا السواقين ثقه يعني مرتبطين بمكتب يعرف تنقلاتهم
ولا يشتغلون لحسابهم الخاص؟؟؟؟

والله ياغاليه هالموضوع اسالي عنه اخوي علي المشرف
انا اسمع انه ممكن تستاجرين من الشركات سياره بسواق بس مو متاكده من هالموضوع وطبعا فيه سواقين عرب بسياراتهم بس انا اتوقع انه اسعارهم غاليه جدا الافضل انكم تستاجرون سياره بسواق تكون ميني باص على ما اظن لكم
القطار انا احسه صعب ومكلف لكم والافضل السياره توقفون مكان ماتبغون