أم دانة و يزيد
وعليكم السلام ورحمة الله وبركاته
هلا وغلا أختي أم دانه ..
في البدايه حياج الله بين أخوانج وخواتج وان شاءالله اتفيدين وتستفيدين
الإجابات بتلاقينها تحت الأسئله باللون الاحمر ..
وإذا في شي مش واضح فأحنا موجودين وفي الخدمه

و الله لسا ما قريت ردودك علي لكن أبغى أشكرك على تفاعلك السريع ما قصرت
راح أقرأها الآن و مشكور مرة ثاني

1- أنا سمعت إن محطة الأندرقراوند على طول مشي للفدق لأني أفضل عندم إستخدام التاكسي إذا كان ممكن
2- سعر النت كل دقيقة لحال أو مجرد ماأدخل يحاسبني بالساعة حتى لو ما كملتها و هل هو وايرلس
3-هل هناك متجر مشهور للألعاب يبعون فيه شخصيات ديزني المشهوروة
4-هل تتوقع إن تذكرة اويستر تستاهل 3 أيام
5- هل تعرف موقع المطعم التركي و أسعاره في كامريدج و هل هي منطقة فعلا حلوة زي ما يقولون عليها
6-هل التذكرة من لفربول لكابريج بفس تذكرة اويستر أو رسومها ثانية

هلا اختي لندن جدآحلوه وفيها طبيعه خلابه واجواء رائعه,,بس عيبها الزحمه الشديده,,اتمنى لك قضاء اجازه ممتعه فيها,,وبالنسبه لتذاكر الباص للشخص الواحد حوالي 13باوندونص في الاسبوع,,وتستخدم ايضآنفس البطاقه للأندرقراوند,بس اذا كان استخدامك باص فقط بتكفيك اسبوع كامل,واذااستخدمتيها للاندرقراوند يكون اقل من اسبوع,,لأن الاندرقراوند اغلى شوي,,بس انصح بشراءالتذاكرهذه لاني مجربتها واوفر كثير,,وانا شخصيآعجبني الباص اكثر لأنه في مجال تتعرفين على البلد وتشوفين الناس والشوارع والاجواء الحلوه,بس الاندر قراوند تحت الارض وظلام وتطلعين درج وتنزلين درج يعني تفوتين على نفسك مناظر ومعالم البلد,,وباصاتهم جدآمنظمه تلقين عند كل محطة باص خريطه بأرقام الباصات وخط سيرها لازم تنتبهين لهاالنقطه زين واذا لغتك متوسطه بيمشي الحال ان شاء الله,وانتبهي طريق اليسار خطه غيرطريق اليمين,مثلآاذا كنت في ماربل آرش وتبين تروحين الى لندن آي(لاتفوتك)تراهاروعه,,خذي باص رقمه 148حينزلك فكتوريا استيشن,,تنزلين وتاخذين باص آخر بنفس الرقم,,بس الباص هذا مايردك,,فيه باص ثاني بس والله نسيت رقمه بس انصحك اختي اسألي سواق الباص بس هواللي يفيدك,,اناكنت اسأله كيف ارجع طبعآمع الأستعانه بالله ثم بالخرايط الموجوده عند كل محطه,,,اتمنى اكون افدتك,,تحياتي لك

بالنسبه لمتجر الألعاب موجود في اكسفورد استريت فيه كل شخصيات دزني لاند,,اكسفورد هذا لحاله يبغاله اكثر من 3ايام اذا تبين تتسوقين,,بس لايفوتك سلفردج تقريبآ5ادوار اسواق ومطاعم حتى دبنهامز,,وفيه باص كمان يوديك لمتجر هارودز نسيت رقمه اسألي عنه وروحي تفرجي خذي فكره,,تحياتي

ممتاز معلومات قيمة جدا جدا
أشكر لكم جزيلا سرعة التفاعل و دقة الملعومات مروناغلاسيه
طيب تذكرة الأويستر يعني ما تخلص لمدة أسبوع مهما ركبت أو كيف ؟؟أنا أحتاج تقريبا أركب الأندرقراوند من المطار إلى الفندق ثم إلى كامربيدج ثم العودة للفندق من كابريدج ثم من الفنق للمطار و الباقي باص (تكفي الأويتسر)
و بالنسبة للنقاط الجديدة هل لها جواب عنكم لو سمحتوا
و الله إني قبل ما أسأل قرأت الكثير من مواضيعكم و استفدت منها جدا و لخصت الأسألة بعدها في هذي النقاط (هذا بعد الاخصار و القراء ) آسفة جدا

هل محل الألعاب هو نفسه poolocks toy museum
أنا بحثت عن شارع 102 crawford street على الخريطة و لم أجده هو قريب من إيش

شكلي حسدتكم ...............................ما عاد أحد رد

1. 4-هل تتوقع إن تذكرة اويستر تستاهل 3 أيام

السلام عليكم
ههه
ماحسدتينا بس توني داخل النت لأن الرد الأول كنت في الدوام وبعدها رديت البيت على 4 العصر ونمت لين المغرب وتوني داخل النت الحين ..
ونرجع للأسئله :
1- أنا سمعت إن محطة الأندرقراوند على طول مشي للفدق لأني أفضل عندم إستخدام التاكسي إذا كان ممكن
صح..مكان المحطه عند الفندق ولكن لازم اتغيرين الأندرقراوند مرتين ( مره من بادنغتون لين نوتنق هيل قيت ومن نوتنق هيل قيت أتغيرين الأمدرقراوند إلى لانكستر ) على الرغم ان الفندق قريب واجد
2- سعر النت كل دقيقة لحال أو مجرد ماأدخل يحاسبني بالساعة حتى لو ما كملتها و هل هو وايرلس
النت عن طريق واير..ولكن ماعندي خلفيه إذا كان بالدقيقه او بالساعه ..
3-هل هناك متجر مشهور للألعاب يبعون فيه شخصيات ديزني المشهوروة
فيه محل لديزني في شارع أكسفورد ..موجود في النص وراح اتعرفينه من الزحمه الي فيه من الأطفال :8888:

4-هل تتوقع إن تذكرة اويستر تستاهل 3 أيام

إذا كنتوا اتفضلون الانتقالات عن طريق الأندرقراوند فنصحكم فيها لأنها راح اتوفر عليكم واجد وتنقلاتكم بتكون أسرع من الباصات..العيب الوحيد في الباصات هو الوقوف المتكرر ..يعني إذا عندكم وقت كافي استخدموا الباص ..
5- هل تعرف موقع المطعم التركي و أسعاره في كامريدج و هل هي منطقة فعلا حلوة زي ما يقولون عليها
ماأعرف اسعار المطعم التركي ولكن ماراح ايكون أغلى من مطاعم لندن ..
6-هل التذكرة من لفربول لكابريج بفس تذكرة اويستر أو رسومها ثانية
رسوم الرحله بين لندن ( عن طريق محطة ليفربول ) إلى كامبردج تختلف عن بطاقة الأويستر ومافي بينهم أي علاقه..وياليت اتحددين لي تاريخ الذهاب والعوده عشان اجيب السعر بالضبط
أما 102 crawford street فهو قريب من الريجنت بارك ..
وأي خدمه احنا في الخدمه ..