1. السلام عليكم ...

السلام عليكم ...

أنا في طربزون من البارحة وصلت من اوزنجول والصراحة زوجي ما رضى يستأجر سيارة لان الشوارع والمرتفعات مش أمنه وفضل يأجر سيارة مع سائق ...كلم كم شخص وكم شركة المهم اليوم الصبح طرشوا لنا سيارة فان كبيرة وايد واكبر عن عددنا بعذر هالسيارة اللي متوفرة بس والسعر 250 ليره والبترول علينا...
قبلنا بالموضوع المهم السائق كان يأخذ طرق طويلة وايد للوصول لصوميلا وبالرجعه أخذ طريق ثاني وأكثر من ساعتين للرجوع لطربزون ..طلبنا منه التوجه لأكشبات ولتناول الغداء وعشان عيالي يلعبوا شوي هناك وقلت له ودينا مطعم جميل اوستا او نهاد اوستا ودانا هناك بس طوف المطعم ودخل مطعم ثاني ونزلنا واصر ان هذا مطعم تمام تمام ويمدح المهم طلبنا الغداء وكان اقل من كل مره اطلب فيها وانصدمت ان الحساب اكثر يعني الفاتورة كانت 210 بس ما ادري بالمنتدى الأعضاء كانوا يقولون ان الأسعار جيدة في هالمكان بالنسبة للخدمة والأكل ..
طوفنا وقلنا ما عليه قلت له ودينا بوستبيه وخلاص بيكون يومنا انتهى معك قال اوكي ...في الدرب وقف واصر ننزل محل نشوفه طلع محل فضه ماله وعياله يبيعون هناك وخذنا بشراع وميداف ويلبس بناتي ويغري البنات بالاساور والخواتم المهم ريلي قال خذي شي عن خاطرة عيب دام نزلنا ..خذت اسوار فضه مع خاتم صغير لبنتي وسلسلة صغيره وايد وكان السعر 250 ليرة
تضايقت وزوجي يقولي طوفي ماعليه خلاص ...المهم كان استغلال من الخاطر ..طوفنا وطلعنا بوستبيه وشربنا شاي لمدة ساعة تقريبا ولما خلصنا بننزل لقيناه جاعد هناك ينتظرنا فقال له ريلي ليش ما روحت استهبل وقال انتظركم مافي مشكلة ..انت بتطلب تاكسي وعنك اطفال واللي بيأخذه التاكسي انا بأخذه ..
ريلي قال خلاص شو نسوي خله يرجعنا وبالدرب صار موعد شيشة البترول وترس السيارة وصار يخض السيارة هو والريال اللي يعبي له بترول عشان غصب يوصلها 95 ليره والله غصب وشافني السواق عصبت وتكلمت مع زوجي يصوت عالي وقلت له هذا يستغفلنا من الصبح ويستغلنا شافنا عرب خلاص يعني ...رد السواق وقال لريلي كل شي تمام ..نو برابليم ؟؟؟ هذا الاتفاق صح ؟؟؟وريلي بالع لسانة ولا كلمه جان ارد أنا وقلت له بس هذا وايد المشوار من الصبح للحين ما خذ منك ربع التانكي ..
خلصنا والحمدلله وصلنا الفندق وانا ضغطي واصل حده ولما نزلت لحقني وقال هانم الحساب ؟؟؟ويقصد حساب انتظاره لنا في بوستبيه ...طالعت ريلي فقال عطيه وفكينا خلاص هذا استغلال الاتراك للخليجين والعرب شو بتسوي ما حصلنا غيره ومجبورين لان ما عندنا وقت .
طلب 50 ليره ..فريت عليه 25 وانا معصبة ودخلت الفندق ..فقام يخبر ريلي ان هذا تعبه وانتظاره لنا ..
الحين ريلي اتفق معاه ان باجر يأخذنا بعد لجولة في ايدر وريزا وأنا ضايقه منه ومن اسلوبة واستغلاله ...بس شو اسوي الكل يقول ما بتحصلين ارخص عن هالسعر ؟؟