حبيبي انتر ناشنال كيف حالك
هل الأمن رجع الى البلد بصوره طبيعيه
وهل بقي أي آثار للمظاهرات وتغيير الحكومه والمشاكل
يعني هل هناك جو مشحون او قلق او تخوف في البلد وشكرا

الثميري
أخي الثميري
الحمد لله أنا بخير والوضع عادي وما فيه اي شي ولا اي اثر للمظاهرات ومن هالناحيه تطمن .
أخوك / انترناشونال:smile001:

انترناشونال
ياهلا بولد الديره والنعم فيك اخوي
ويعطيك العافيه على هالخدمه
بس بسألك شلون اسعار الفنادق ببانكوك بشكل عام وفي شي يديد (سوق او مجمع او غيره )
وبعد شريحة التلفون من وين اخذتها وبجم ؟ والتكسي من المطار لفندق بانكوك بجم اخذته ؟
يعني قولنا عالسريع وين سكنت وبجم وين تسوقت وين رحت رحلات نورنا من هالمعلومات الفرش .
والسؤال المهم جم الصرف البات مقابل الدولار وبأي محل من منطقة العرب ؟
لانه بسوق المباركيه الدولار بحدود 291 والبات بحدود 8.5 مادري احس ارتفع بسرعه من شهرين واحد قايلي وايد ارخص من هالسعر
ولك جزيل الشكر

اخوى انترناشونل كيف الحال بصراحه عندنا اجازه فى 10 ابريل ودنا نسافر انا وزوجى او انا وزوجى والاولاد لمده 9 ايام تحسب قيها ايام السفر وين نروح يعنى اى مدن نروح احب اقولك حنا بصراحه مانحب البحر كثير نحب الطبيعه اكثر انا وزوجى والاولاد يحبون السباحه فى ا لبرك فى الفنادق والمجمعات لانهم بجميع الاعمار اتمنى انا تساعدين وبوكيت رايحينلها رايحينها لان الكل يمدحها الله يجزاك الف خير احب اعلمك حنا نحب الفنادق الممتازه 0000

احلام اليقظه
ياهلا وغلا بأهلنا
1. بالنسبة للفنادق مختلفة الأسعار وأنا سكنت في فندق في منطقة السغوفيت 8 قريب من منطقة العرب في فندق أسمه (citadines -apart,hotel) في منطقة السغوفيت 8 الفندق حلو والشقة اللي سكنتها 2غرفة وثلاث حمامات وصاله وكلهم صغار بالحجم بس نظيف الفندق وخدماته حلوه والسعر 4500 بات بالليلة وفي طبعاً أرخص .
2. بالنسبة للشريحة أخذتها من السفن الفن وهذا سوبرماركت متوفر في تايلند عموما ونفس اللي بأمريكا للي راح أمريكا والسعر 100 بات للشريحة للنوعية الممتازة اللي هي (AIS -1 2 CALL) أو قولهم (TH GSM) وعليه صورت ضفدع والتعبأه يكون أفضل 300 بات وفي 100 بات .
3. وبالنسبة للتكسي من المطار 550 بات ويمكن الشاطر يحصل أقل شوي والسيارة كانت كامري جديدة حسب طلبي عليهم .
4. بالنسبة للصرافة أنا أصرف في الصرافة الرسميين اللي متوفرين في الشوارع بكل زاويه راح تحصلهم لأنه أضمن وأحسن والفرق بسيط وإذا غشوك السوق السوده وعطوك مزور تروح فيها والفرق بسيط جداً وسعر الصرف الحين مقابل الدولار 3455-3470 حسب الصراف مقابل ال100 دولار طبعاً وأفضل الصرف بالكويت.
وسلامتكم / انترناشونال

solaf-mn
ياهلا بأختي وحياج الله
وبصراحة ما أدري شقولج لأن اللي ما يحب البحر لا يروح تايلند نهائيا وأنا عن نفسي يمكن ما راح أروح تايلند مرة ثانية لأني ما أحب الحر والرطوبة ملينا منها بالخليج.
ورحلات بوكيت حلوه بس ما تكرر مره ثانية لأنها ماراح تتغير وتايلند ماتصلح للعوائل وخصوصاً بانكوك ما أنصح فيها لا للسياحه ولا للتسوق وأسعارهم أغلى من عندنا ورحلتي كانت تجربه ما راح أكررها.
وعن الفنادق سكنت في فندق أسمه بومانبوري Baumanburi في بوكيت في الباتونج بيج والغرف كانت قراند ديلوكس وكان حلو الفندق وفيه حمامات سباحة على شكل دائري وحمام سباحة حق الأطفال وأنصح في هالفندق للي يبي يروح منطقة الباتونج بيج patong Beach وأفضل شاطي الكارون للعوائل أحسن للي يدور الهدوء والنظافة.
وإذا بتطيعييني أختي لا تروحين شرق آسيا نهائيا وحسافه الفلوس اللي نقطها هناك وروحي أوربا للطبيعة (النمسا أو سويسرا) قمة الهدوء والراحة والطبيعه وإذا الميزانية قليلة تركيا جو وأكل حلو وشعب طيب ومسلم .
وسلامتكم /انترناشونال

انترناشونال
هلا بالغالي
مشكور ويعطيك العافيه
بس سؤال اخير (جني اذيتك) بالنسبه للتكسي انت تقول اخذت كامري حسب طلبك عليهم شلون انت من وين ماخذ ( اسم المكتب ) ......
وعساك عالقوه
والله يحفظكم وتردون بالسلامه

الف مليون شكر حبيبي انتر ناشنال والله يجيبك بالسلامه ياغالي

ترجع بالسلامه اخوي,,,لكن اسف...قضية ان تركيا رخصيه فانت غلطان هنا...يمكن الفرق بالتذكره بس....اخوي حرام المقارنه بين فنادق تركيا وفنادق تايلند....اتمنى تزور بوابة تركيا وتشوف كيف الفنادق هناك بسيطه وغاليه على لاشيء..!!