محلات الفساتين عندك مجمع الموسى في العليا وعماير السيركون وشارع العليا العام مقابل سوق الاندلس فية محلات فساتين وفية الشارع اللي مقابل الفيصلية كم محل حلوة وشارع التخصصي مليان مطاعم بعد طريق الملك عبدالله وسوق غرناطة فية مجمع مطاعم والشرق برضوه مليان مطاعم خاصة الرز وغيرة واتمنى اكون افدتك وحياك في بلدك الثاني

هلابك في الرياض
شوفي الشارع الكبير اللي عليه مركز غرناطة هو يسمى مخرج 9 او شارع الجامعة مهوب الدائري لا الثاني المهم تتجهين غرب وتلقين بعد الاشارة على اليمين مطاعم تبيع مندي ومظبي ومظغوط ...الخ
بالنسبة للملابس بنتك سهل تلقين روحي غرناطة اما لك بعد يمكن تلقين في غرناطة وفيه محلات في شارع العليا العام

تبون مطعم رز حلو على نفس طريق الامام محمد بن سعود يكون الاتجاه شرق ويصير مركز غرناطه التجاري على يدك اليسار واصلوا المسيرة حتى تجي اشاره بعد الاشاره بمسافه راح تحصلون مطعم اسمه ( بيت الشوايه ) على اليمين فيه شغل رائع وممتاز وراح يعجبكم.
اضغطي تحت
https://artravelers.com/p/re/248525
شوفي انصحكم تاخذون خريطه للرياض ولاماكن الزينه من حي العليا ونتي طالعه شمال .. اخاف تطلعون من شارع ما تعروفنه بعدين ينقلب الراس ويضيع وقتكم .. الرياض كبير جداً
وحياك الله انتي والعيال وابو العيال في الرياض وعقبال ما نروح للدوحه

في البداية اهلا وسهلا بكم في بلدكم الثاني المملكة العربية السعودية
والله يااختي الرياض كبيره وانتم سكنتم في مكان ممتاز تقريبا
عموما الأسواق مالي فيها بحكم اني عزابي الى الآن .. لكن روحوا للمولات مثل غرناطع .. حياة مول .. صحارى
والرياض غاليري واسواق طيبه والعويس والأندلس
وكلها اماكن قريبه منكم تقريبا
ممكن توضحين لنا اسم الشارع الرئيسي الي ساكنين فيه عشان نعطيكم الوصف مضبووط

جزاكم الله خير وما قصرتوا
طلعنا اليوم قلنا بنروح شارع العليا وكانت الساعة 12 ونص زحمة عجيبة
ابغي اعرف كل الاوقات كذا زحمة ولا بس الظهر وقت الذروة
وابغي اعرف هل شارع العليا اللي في محلات هو نفس الشارع اللي في فندق فورسيزون
والمولات وقت الظهر مفتوحة ولا مسكرة
وايش رايكم في مطعم الرومانسية

ابدا من الاخر مطعم الرومانسية حلو واي مطعم عليه زحمه راح يكون حلو بس مو زحمه عمال انتبهي ههه
العليا زحمه على طول بس بعد العصر مباشرة خفيف وفي اليل الايام هذه عشانها دوام وختبارات وبرد قارس رح يكون شوي زحمه بس ابعدو عنه يوم الاربعاء والخميس
والزحمه عموما في الصباح باكر ومن بعد 12 الظهر الى اذان العصر وبعد المغرب الى بعد العشاء يكون فيه زحمه في الشوارع
بالنسبة للمحلات في الشارع اعتقد تختلف عن المحلات في المجمعات
و المحلات في وقت الدوام الرسمي من السبت الى الاربعاء تقفل بعد الظهر الى العصر
الا يوم الخميس تفتح من الصباح الى اليل وخاصة في المجمعات الكبيره
وحياك واي استفسار حاضرين ,,,

شارع العليا هو اللي عليه الفيصليه
والفورسيزون انتبهي مو الشارع الكبير
طريق الملك فهد لا اللي موازيه على طول

وطني
ما عرفنا وين مكان مطعم بيت الشواية
ممكن تشرح لي من جهة فندق مركيور اللي على شكل باخرة
واتغدينا اليوم من مطعم الضاغط ما عجبني طعم الاكل

الواحه الخضراء
احنا مشينا على الشارع اللي ينزل في نفق او تحت الجسر يعني مب هذا
تفصد نروح وكأن رايحين على فندق فورسيزون