الباص الاحمر ظروري والتذكره بمبلغ 24 يورو وتزور فيك تقريبا 9 مواقع ومنها اللوفر وايفل ويمر بالشانز مدته ساعتين وتقدر تخليه اكثر بحيث عند كل موقع تزور الموقع وتشوفه زين وتطلع علي نفس الباص ( يوجد عدة باصات هي شركه ويحق لك ركوب اي باص من الباصات الحمراء ولمده يويمن حسب مدة التذكره )
هضبه مونمارت والحي اللاتيني شيء جميل
انا اشوف اذا يومين راح تضغط نفسك بالحيل
بس الباص بالصباح الباكر وترجع تريح وتزور الهضبطه علي الساعه 7ونص المغرب
اليوم الثاني زور اللاديفانس والحي اللاتيني وخذ جوله علي نهر السين قارب وفي الليل الشانز ولا ترى الشانز تقدر اي وقت تزوره يعني مت يما حسيت وقتك فاضي زوره
بالنسبه لروما اذا مر ابو طلال من هنا راح يقولك كم تستحق ولا اسال ببوابه ايطاليا
والله يوفقك

5 ايام باريس تلف فيها غالبية المعالم- ليله جنيف - 3 ايام انترلاكن
جدول حلو بس بما انك لوحدك اشوف الرحله كئيبه وممله الا اذا انت متعود
لان انترلاكن تبي عيله ومو وحداني
=======
جدولك جدا متعب بحيث العوده من باريس لارض الوطن اذا لسا ماحجزت لاتخلي عودتك باريس
جدا خطأأأ الايام قليله وصعب العوده مره اخرى ضياع ايام عليك
انت شوف وضعك

والله انك جبتها يا فيصل كنت شايل هم المواصلات في داخل باريس على كذا ما راح احتاج طريقة مواصلات ثانيه الا اذا بغيت اطلع برآ باريس
يعطيك الف عافيه
=======================
شموخ هاذي عادتك ما تقصرين والله
لا والله اول مره اسافر لحالي
رحلتي حاجزها على النت اذا بغيت اغير مدينة العوده يفرق في السعر كثير
خصوصاً ان فلوس السفره كانت مخصصه لسفره لاندونيسيا مع العيال بس غيرت رايي
طبعاً ما يحتاج اتكلم عن فرق الصرف بين اندويسيا و اوروبا
على العموم ايطاليا ماهي ضروريه يعني ممكن اخليها وجهه ثانيه اقرب بس ودي اشوف البندقيه و بيزا وروما
فإذا فيه وجهه ثانيه تستاهل افيدوني
تراني بسافر على خبراتكم
يعطيكم العافيه

يآآآآآآآآآآآآآآآآآآآآآآآآآآآآآآآآآآآآآآلبى قلبك يا شموخ لقيت رحله من الرياض الى باريس و العوده من روما الى الرياض
بنفس التاريخ وارخص
يلوموني في هالمنتدى والي فيه
طيب شسمه
على كذا ابي يومين في باريس
ويوم في جنيف
ويوم في البندقيه
و امر بيزا
ويومين في روما
كيف بتكون المواصلات ؟ في قطارات توصل ؟
وترا ممكن اغير في المدن
يعني ايطاليا بكبرها مابي منها الا اني اركب التكسي المائي في البندقيه و اصور جنب برج بيزا و اتسوق من الاسواق الشعبيه في روما
اما باقي المدن ازورها زياره على قولة اني شفتها
يعني ممكن اغيرها
طبعاً باريس ما استغني

و شسمه
ابي اكل بيتزا في ايطاليا ههه

ممتاز ماشاء الله تياسير من ربك
ولو هذا ماعودنا عليه موقع العرب جعله عامر ومن ازود الى ازود بالتعاون والمصداقيه
بالنسبه للمواصلات طيران داخلي افضل لك واسرع
موفق
ولاتنسى تشأر على بوابة ايتليانو

فيه عضو اسمه شفيق قال انا لحالي قلت والله راح تحس بملل
المهم الرجال طلع لحاله وانبسط
الشاهد انه لو تروح لحالك اذا انت تقدر تشغل نفسك وتزور اماكن صدقني ما راح تمل
جرب الطيران الاقتصادي زي ايزي جت رخيص الا اذا كنت تحب القطار وتشوف المناظر بس حيكون سريع

وهي كذا بطلع لحالي
ان شالله تتسهل
و بعدين بشغل نفسي من تشرق الشمس الى آخر الليل
آرجع انام بس
بدبر عمري ان شالله
شفت آيزي جت من بآريس للبندقيه ب 26 يورو
حلو السعر
بس كيف اقص التذكره ؟
لاني ما لقيت مكتب هنا يحجز طيران داخلي هناك
غير كذا لو مثلاُ بطلع من باريس لجنيف يوم حقت ابو خته على قولتهم
و اخلي رحلتي للبندقيه تصير من جنيف
تسوى علي اطلع من الصبح بالقطار من باريس لجنيف و اطلع بالليل من جنيف للبندقيه
لان على الي اعرفه ان جنيف مافيها حيآة بعد الليل !!