فندق برجايا بيتش
من قرآتي عنه انه ممتاز واسعاره زينه مقارنه بالفنادق الاخري وهو احسن مافيه الهدوء والرومانسيه
فندق تريدر
من افخم الفنادق الاربع نجوم مقابل للتون تور twin tower سعر الديلوكس سيتي فيو 99 دولار بالصيف فندق جديد شي ما من قرآتي انصح به
على فكره انا رايح انشا الله الصيف هذا وناوي احجز في برجايا وتريدر
بالنسبه لطيران اير اسيا من كوالا الى لنكاوي رايح جاي للشخص بالصيف حوالي 250 ريال وترى على فكره اسعار الرحلات تختلف بين رحله ورحله حتى لو انها بيوم واحد
ولمزيد من الاسئله انا حاضر

1. منقول


2. من احد الاعضاء الكرام

منقول

من احد الاعضاء الكرام

استاذي ابو رهف اولا اتمنى لك رحلة عمل واجازه سعيده صراحة تريدرز مره حلو موقعا وخدمة لاني كنت شغال المترجم حق الفندق من يوم مافتح في شهر 6 من سنة 2006 لما الاسبوع الي راح قدمت استقالتي لسبب انه عندي سفرية قريبه وابغى ارتاح واعيد حساباتي مع نفسي واذا سالتهم وين حسن راح يقولولك استقال يوم السبت المهم اعطيك الفندق بالتفصيل.
اولا الفندق من موظفين وادارين في قمة الاخلاق بعض الاحيان تشوف المدير العام وهو سويسري الجنسية يشيل عفش الضيوف خدومين لدرجة غير طبيعية . الغرف خذها للمطلة على البرجين لما فيها من مناظر طبيعية تريح اعصابك . الطابق الارضي يسمى conceirge وهو مسؤول عن العفش اول ما توصل امام البوابة تلاقي ناس تفتحلك باب السياره وشخص ينزل العفش من السيارة ويعطوك ورقة صغيرة فيها رقم تسلسلي خاص للعفش ويوصلوك للمصعد ويقولولك الرسيبشن في الطابق الخامس واول ماتطلع من المصعد تلاقي في وجهك احد الموظفين يوصلك لرسيبشن ويسويلك عمية الدخول وبعدها يسالك عن الورقة الصغيره للعفش ويتصل لل conceirge ويعطيهم الرقم التسلسلي ورقم الغرفة ويطلعلك العفش للغرفة مباشرة . عندك مسبح في داخل الفندق في الطابق 33 يفتح من الساعة السابعة صباحا الى السابعة مساءا وبعدها يتحول الى بار ويسمى ب skybar عندك الصالة الرياضية في الطابق 26 عندك قاعات الاجتماع في الطابق 8 و 9 وتمى busines center مجهزة بجميع الاحتياجات للمكتب مع السكرتاريره .
قريب الفندق من جهة حديقة البرجين فيه convention center وهي قاعة الاجتماعات الدولية وهناك خمس مخارج لقاعة الاجتماعات الدولية من داخل الفندق . وايضا عالم الاسماك يقع قريب الفندق من جهة حديقة البرجين وخمس دقائق مشيا من الفندق ويسمى Aqarium ويتوسط بين الفندق وسوق البرجين المسمى ب suria KLCC سوريا . وهناك خدمة جميله جدا من الفندق لضيوف الفندق وهي عباره عن سارة القولف توصل الضيوف من الفندق الى سوريا klcc وممكن الاهل يطلعوا فيها وتقفهم عند aqarium وجدولها كالتالي من الساعة السابعة والنصف صباحا الى الساعة الثانية والنصف ظهرا وتتوقف من الساعة الثانية والنصف ظهرا الى الساعة الخامسة والنصف عصرا حيث تعاود عملها الى الساعة العاشرة مساء .
اما الاسواق فعندك suria klcc وهي غالية الاسعار وعندك TIME SQUAR ويقع في شارع العرب المسى ب BUKIT BINTANGاسعاره من متوسط الى غالي وعندك SUNGAY WANG ويقع ايضا في BUKIT BINTAG وتحصل فيه اجهزة الكترونية وملابس. وعندك سوق ثاني اسمه MEGA MALL او MEDVALLY اسعاره جيده ومعقوله ويقع قريب من منطقة اسمها BANGSAR
وعندك سوق ثاني اسمه SOGO اسعاره معقوله جدا وايضا عندك سوق اسمه ONE UTAMA برضه معقول جدا اسعاره وعندك CHINA TOWN ,MASJID INDIA لكن ي هذين السوقين لازم ماتشيل معاك مبالغ طائلة وجوازات لانه الحرامية كثيره فيه وبعدين لازم تجادلو في السعر خصوصا في CHINA TOWN لانه استاذي العزيز تسال عن السعر يقولك 300رنجت تعطيه ظهرك يقولك 30رنجت. ان شاء الله افدتك واجازة رحلة عمل سعيدة.