- السلام عليكم ورحمة الله وبركاته
- زيارة جامع الشيخ زايد الكبير
- السوق الإيراني
- منتزه خليفة
- سوق السمك
- السوق الإيراني مذكور هني
السلام عليكم ورحمة الله وبركاته
الحقيقة دايما أفكر وأنا أكتب مواضيعي هني في بوابة السفر إلى أبوظبي.. إن تقضية إجازة في أبوظبي ممكن تكون مكلفة. بس مثل ما ذكرت مرة في موضوعي عن أنواع المسافرين
https://artravelers.com/p/re/887681.. في أنواع مختلفة من الناس اللي تحب تسافر والبعض منهم يحب أخذ الفرص للتوفير
ومن هالفكرة استوحيت موضوعي اليوم، هذا الموضوع يعطيكم اقتراحات لنشاطات بأسعار بسيطة أو مجانية في مدينتكم أبوظبي. سواء كنتو سايرين بميزانية منخفضة أو مارين علينا بترانزيت وحابين توفرون فلوسكم.. موضوعي هذا لكم
وحدة من الطرق اللي تعتبر اقتصادية في التنقل هي المشي على الأقدام ربي يعطينا العافية والصحة. وبما إنه كل رحلة نسيرها في الباص تكلف درهمين.. تقدرون تشترون تذاكر يومية أو شهرية من محطات الباص أو السوبرماركت.
زيارة جامع الشيخ زايد الكبير
مستحيل إنك ما تشوفه لو مريت من جسور مدينة أبوظبي، المسجد طبعا دخوله مجاني وممكن بعد تنضم للجولات المجانية اللي يقدمها المسجد.. المعلومات الوافية عن جامع الشيخ زايد الكبير هنا
https://artravelers.com/p/re/878437 السوق الإيراني
مكانه قريب على المينا وعلى سوق السمك. تشوفون التجارعلى قوارب الداو ومعهم البضاعة الإيرانية يبيعونها مكان ما ينزلونها من قواربهم، يبيعون نباتات، أواني طبخ والكثير من أدوات المطبخ البلاستيكية والعادية، غلايات قهوة، فخار.
منتزه خليفة
هذا هو أكبر منتزه في أبوظبي، فيه نوافير وحدايق وقطار.. وحوض أسماك .. ينظمون فعاليات للأطفال بعد (أحيانا يكون لها تكلفة ) وفيه حاليا فعالية "القارات الست".. معلومات المهرجان هنا https://abudhabievents.ae/ar/pages/six-continents.aspx%20
سوق السمك
تلاقونه عند المينا.. أنصحكم تزورونه الصبح بدري عشان تشوفون السمك أول ما يصطادونه ويحطونه للبيع وهو طازج من البحر.. طبعا هذا أحسن مكان لشراء السمك.. لو تدفعون زيادة شوي للي ينظفون السمك أكثر عشان يكون جاهز للطبخ.. حتى بآخر السوق تقدرون تطلبون انها تنطبخ في آخر السوق
ميناء الداو
وانتو طالعين من سوق السمك ومعكم السمك ساخن إن شاء الله تمرون على المينا وتشوفون تجمع القوارب اللي صادت السمك في السوق..
التسوق والأسواق
الحين لو أنت من اللي يقدرون يقاومون الشراء والتسوق.. المشي في مولات وأسواق أبوظبي والتعرف على البضائع اللي متوفرة وتستانس بمشاهدة المعروضات.. تقدر تشوف الأسواق التالية:
سوق الذهب: مكانه قريب من مدينة زايد للتسوق وشوف الأسواق الكبيرة للذهب
سوق الخضار والفواكه: على طريق المطار قريب على البريد
السوق الإيراني مذكور هني
وتقدرون تشوفون هذا الموضوع عن المولات: التسوّق بأبوظبي
https://artravelers.com/p/re/878071 سحر المساء في أبوظبي سره في الأضواء الحلوة لان المدينة ما تنام بدري. دور حول المدينة مشي أو بالسيارة
https://artravelers.com/p/re/887817على الكورنيش، شارع حمدان، شارع المطار، شارع اليكترا…
إن شاء الله استفدتو إخواني وأخواتي
وسنة سعيدة إن شاء الله
أصلاً التمشيه بالسياره بأبوظبي متعه بحد ذاتها