أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمه الله وبركاته
اخواني ابغى استفسر عن افضل نادي
يقدم خدمه تخفيف الوزن
وياليت لو احد يخبرني عن محل يبيع ملابس رياضيه للاشخاص اللي احجامهم مثلي " حجم عائلي "
للمعلوميه انا ساكن في شرق الرياض
تحياتي
مو شرط نادي معين اذا تبي تخف وزنك
ركز علي هل نقاط وبتشوف كيف خف الوزن بوقت قباسي
1- السباحه لمدة ساعه
2- المشي لمده ساعه
3 - تدرج في القفز علي الحبل يعني لين توصل ربع ساعه واكثر
طبعا يوميا القفز و المشي
اما السباحه الافضل اغلب ايام الاسبوع
واذا تبي نظام غذائي مجرب انا حاظر او انك تشترك في مطاعم متخصص في الرجيم
ثابر وان شالله توصل للوزن المثالي
عاشق زلامسي
الله لا يهينك يالغالي
بس انا للاسف جربت كل الطرق اللي قلتها
واخيراً قررت ادخل نادي بعد التعب اللي سببته لي السمنه
طال عمرك انا انسان بثر يدي تحكني اذا شفت اكل
حسبي الله على ماك بس
قبل شوي اتصلت على نادي بودي ماستر يقول اربع شهور ب 900 ريال
كيف السعر كويس او فيه بدائل ارخص ؟
ولا تنسون ياشباب الله يرحم والدينكم من وين اشتري ملابس .. تراني طول حياتي ثوب وشماغ بس
اسعفوونا
هلا اخوي
االسعر بصراحه ممتاز اربع اشهر ب 900 ريال يعني تقريبا 65 دينار كويتي
اخوي انا مشترك في نادي بسيط بالاربع تشهر 120 دينار
اشوف السعر حيل مناسب
بس اخوي اهم شي انه يكون فيه حوض سباحه لانه السباحه هي الي بتقط عنك كيلوات واجده
طال عمرك انا انسان بثر يدي تحكني اذا شفت اكل
ههه
الكلام هذا ماينفع تقول بثر وبتدخل نادي والله لو تدخل برنامج الرابح الاكبر ماكو فايده
اذا تبي وزنك مثالي لازم رياضه + رجيم >>>ولا باي باي تخفيف وزن
الافضل من اول ما دخل نادي
انه يكون لك نظام غذاء معين يعني الفطور في وقت محدد والغداء والعشاء قبل النوم باربع ساعات
اسف يمكن قرقت واجد بس بجد حاب اساعدك
يوجد نادي ممتاز جديد وكبير على شارع الإمام الشافعي قبل قصر المنار للاحتفالات على اليمين
تدخل الشارع وانت جاي من طريق خريص وجهك شرق بعد وكالة الجميع كاديلاك وقبل السدحان
يجيك النادي على اليسار وفيه جنبه بعد نادي ثاني جديد لكنه أصغر بتشوف الناديين واضحة
وفيه النادي اللياقي مخرج 15 مقابل ماكدونالدز نادي ممتاز ومجرب
مهند
يامهند الله يهديك ابعدنا عن ماك !!
موفق حبيبي بس حاول انك ماتأكل وانا اشوف انك تروح لطبيب يسوي لك حمية ويقيس نشاط الغدة الدرقية جدا مهم واغلب مشاكل السمنة منها
وانا بانتظار سماع اخبار حلوة عنك
اهلين اخوي الله يخفف عنك وعني وجميع المسلمين حشى بتنحف كل العالم
صراحه السعر جدا حلو لو حنى يالحريم كان اربع شهور باالفين وهذا نادي عادي
ليش متشوفلك مستشفى زي التخصصي الطبي او رياض الهجن
ولد اخو زوجي كان مشاء الله مره سمين انهبلت يوم شفته يوم العيد كانه واحد ثاني
مره نحف على الله ثم على رياض الهجن
ولاتسمع كلام مهند ترا تطلع جوعان مايحتاج اتعب نفسك قدامك ماك
الله يوفقك اخوي
اللي يسمعكم يقول ما فيه ماك ولا مطعم الا قدام هالنادي
الرياض المطاعم فيها أكثر من البيوت
بعدين ما فيه أكثر إغراء من أكل البيت
هي مسألة قوة إرادة
أنصحك بريجيم السعرات جداً ممتاز ومريح ما يتعب كثير
يعني تاكل على راحتك بس دايم تجنب الزيادة والأكل الدسم
وإذا أكلت وجبة دسمة خلي باقي الوجبات دايت قوي
طبعاً مع النادي والرياضة مهم جداً حتى تساعدك بضبط السعرات اليومية
مو شرط نادي معين اذا تبي تخف وزنك
ركز علي هل نقاط وبتشوف كيف خف الوزن بوقت قباسي
1- السباحه لمدة ساعه
2- المشي لمده ساعه
3 - تدرج في القفز علي الحبل يعني لين توصل ربع ساعه واكثر
طبعا يوميا القفز و المشي
اما السباحه الافضل اغلب ايام الاسبوع
واذا تبي نظام غذائي مجرب انا حاظر او انك تشترك في مطاعم متخصص في الرجيم
ثابر وان شالله توصل للوزن المثالي