ماعندك يالغالي الا طريقة وحده وهي التكسي..لان الباصات تروح مباشرة لجنتق حسب مااعرف ولو نزلت في القرية فانها لن تعود لك.
القرية الفرنسية واليابانية جنب بعض وتستحق الزيارة وهي في طريقك الى جنتق تمر عليها لذلك يفضل تاخذ تكسي باكرا والطريق اقل من ساعة. وتروح اول شي للقريتين وتستمتع وقد تستغرق ساعتين الى ثلاث.
ثم تخليه يوصل للتلفريك ويروح وانت استمتع بوقتك ثم ارجع مع الباصات الى محطة klسنترال ومنها للفندق.

تروح تايمز سكوير عندهم باصات تروح للقريه الفرنسيه ( بوكيت تنجي) وسعرها معقول مره او تروح لجنتق مع تكسي واذا خلصت تخلي التكسي يوديك بس ترا اكثر التكاسي ما يعرفوها وطريقها طلوع هي حلوة بس الاكل فيها متعب انا بصراحه حجزت فيها يومين وجلست اربع او خمس ساعات وجتني حاله كأبه فيها وطلعت من الفندق وقلتهم بكنسل الحجز رجعوا فلوسي قالوا توكل ع الله
نزلت ابي تكسي مافي سالت الاستقبال قالت الموظفه فيه باص يودي لتايمز سكوير الشخص 20 رنقت
جا الباص ونزل واحد اخلاقه بخشمه قال تبي اوديكم 200 رنقت
قلت اوك
واحنا بالباص العالم تدفع ع 20 رنقت ويعطيهم فواتير ونا ماعطاني وصلنا التايمز سكوير اول مانزلت صورت الباص ولوحته
ونزلت لمكتبهم قلت ابي فاتورة قالي من وين جاي قلت بوكيت تنجي وعطيته الاسم عطاني فاتوره ب 40 رنقت قلت ليه 40 انا دافع 200
وبلغ بجهازة ورجع راعي الباص وعطاني نظرة وخلاه يدفع 160 رنقت وهو مايشوف الدرب

فعلا زي ما قال اخوي في تايم سكوير باصات تروح لبوكت تنجي الي هي القرية الفرنسية واليابانية
لكن ان حبيت تاخذ تاكسي من كوالا بالساعة يوديك في جولة لين القرية الفرنسية واليابانية وبعدها يوصلك الى مزارع الفراولة وتلاقي في طريقة مزرعة للارانب والغزلان
وايضا مصنع الشكولاته مو قد كده
بس اذا رحت كوفي تري في بينانج مايحتاج تروحه
ويوصلك للتلفريك وتخليه ينزلك ويروح وانت تطلع لحد جنتنغ بالتلفريك وتتمشى وتلعب في الالعاب الداخلية وتتعشى هناك وتخرج من امام بوابة فندق فيرست ورلد تلاقي التاكسي خذ لك تاكسي بس ترى تلاقي التاكسي نوعين في ماليزيا عموما
تاكسي باللون الاحمر وهذا انصحك فيه لان اسعاره رخيصه وتكاسي باللون الازرق تكون غالية
بالتوفيق
ابو عبدالرحمن

السلام عليكم
اخوي قبل اسبوع رحت بوكيت تنجي وجنتنق
افضل شي تتفق مع تكسي ياخذك بوكيت تنقي بعدين يوديك جنتنق وينتظر الى ان تنتهي ويرجعك
انا اتفقت مع التكسي ب 250 رنقت
تحياتي

السلام عليكم اانا انصحك تروح القرية الفرنسية في يوم وجنتق في يوم ثاني لانها متعبة في نفس اليوم او اذا وقتك ضيق وماتقدر تروح الا لوحدة منها فا انصحك تروح جنتنق لان القرية الفرنسية عادية جدا