السلام عليكم
ونعم ياعتيبي 511
غريبه ماعجبتك المانقروف هي تغيير عن الروتين وحلوه ولكن لو إختلاف الأذواق لبارت السلع
عموما بالنسبه لبينانق افضل شي فيها هو شاطئ الباتوفرنجي كل عصر العاب بحريه ودبابات وبارشوت
وفي الليل فرفره في شارع الباتوفرنجي سوق عادي بسطات صينيين شناط وخرابيط تقليد
وفيه بعد هضبة بينانق تقدر تطلعها بسياره جيب بحدود 80 رنقت وفي طريقك للهضبه ممكن توقف
في محل لبيع القهوه بأنواع وشوكلاته بس ماهي قهوة خولاني وهرري
لا شوكلاته بيضاء وجوز هند وغيره
وفيه شلالات بينانق إذا مارحت لشلالات لنكاوي وفيه ياطويل العمر حدائق إذا انت من هواة الحدائق مثل الفراشات والتوابل
والبقيه ماهي بذاك الزود حدائق عاديه ممكن زيارتها في كوالالمبور افضل وفيه سوق جيرني بلازا وكوينسبي مول
ولكن افضل مافي بينانق مثل ماقلت شاطئ الباتوفرنجي
وشوف هالرابط بيفيدك إن شاء الله

والنعم والله يالعتيبي وكل عام وانت بخير وعساك من عواده
شوف ياخوي انا حطيت موضوع قبل لا اجي بينانج والربع ماقصروا بمشوراتهم علي
انا عن نفسي كل مكان اخترته عجبني وقمت بجولة اليوم الصبح مدتها خمس ساعات وبعدين رديت الفندق ريحت عقب طلعت للسوق
الباتوفرنجي ( انا ساكن فيه والنشاطات اللي على الشاطئ حيل حلوه - ركوب الخيل - الجتسكي-القارب-البارشوت )
الحدائق كثيره ( النباتات-الفراشات-الفواكه ) انا اخترت الفواكه وبصراحه كان اختيار موفق
نظام حديقة الفواكه تقص تذكره للشخص ب28 رنجت تطلع جوله بالحديقه مع المرشد السياحي يعلمك على انواع الفواكه الاستوائيه ( انا زي الاطرش بالزفه يتكلم انجليزي وافهم بعض الكلمات بس 80% من كلامه ما افهمه - المهم مالك بالطويله بعدين تروح حق بوفيه فواكه وعصير فريش عجيب عجيب عجيب وهذا كله شامل مع التذكره اللي ذكرتها لك )
مصنع القهوه - والشوكلاته - والعسل كلهم جمب بعض ويستحقون الزياره خصوصاً القهوه
الشلالات حلوه
طبعاً مريت مصنع الملابس واهو عادي - ومريت السوق التايلندي : في شغلات حلوه
والسوق اللي اخترته كان كيرني بلازا وهو مجمع راقي وحلو ويستحق الزياره
وانا بصراحه تعبت من الجوله لغيت الهضبه ( معنى الشباب امدحوها - وكذلك الكومتار مادري شسمه كنسلته ) واهم يستحقون الزياره مثل ماذكرو الشاب
موفق يالعتيبي

كل سنه وانت طيب
ماعجبتك لنكاوي؟
لخلص لنا لنكاوي نحطها بالقائمة ولا بس بياننج وكولا
وربي يوفقك ويسعدك

كل عام وانت بخير
بينناق حلوة واحلى مافيها شواطيها فيها متعه كبيره وفيها الحدائق بانواعها وفيها الجورج تاون منطقه تسوق وسط البلد وفيها رحله بحريه لجزيره القرود وفيه منطقه قريبه منها اسمها على مااعتقد الجبل الاحمر تروحلها الصباح وتجلس فيها اقل شئ نص نهار وفيها تمشيه في نفس البلد ...............انت وراحتك

مرحبا بالعتيبى
الناس اذواق ......... ممكن جزيرة بينانج تعدل مزاجك و ترتاح فيها اكثر
اهم ما يميز بينانج شاطئ باتوفرنجى والانشطة البحرية البراشوت - الجيت سكى - الدباب - الخيول.
رحلة صيد و شواء " جزيرة الفرود ( لا يغرك الاسم __ كم من قرد ينقز على السواح " بحدود 280 الى 300 ريجنت
السوق الليلى ( ما نصح فيه زحمة و ممرات ضيقة و خاصة للاسر المحافظة )
حديقة الفراشات - حديقة الفواكه - معرض الشاى و القهوة - متجر الالماس والذهب (كله ممكن تاخذ لفة ب 25 ريحنت)
المجمعات التجارية مثل جيرنى بلازا - كوينزبى - كومتار
هضبة بينانج
و سلامتك
بالتوفيق