- اللوت تن أقل مستوى بكثير من غيره .....
السلام عليكم ....في بيننانق مجمع كومتاار حلو وأسعاره مناسبة اللي حاط في باله يتسوق لا يفوته لأنه أرخص من كوالا بشيء بسيط...
بالنسبة لكوالا افضل مجمع سنقي وانق وهو متصل بسوق بيبي فيه محل اسمه G2 بالدور الثاني ومحل ثاني اسمه OG يفصل بينهم محل فينشي يميزهم البلايز والملابس النسائية واسعاره ماتتعدى 30 وفيه بعد محل اسمه هوت بنفس الدور اللي فيه باتا للأحذية فيه شغلات حلوة نفس نظام الدايسو...محلات الجزم كثيرة عد واغلط..
اللوت تن أقل مستوى بكثير من غيره .....
سوقو موسم التخفيضات حسب اللي شفت بالعروض من 4 الى 21 جولاي وفيه بعض المحلات الى شهر اوغست يتميز بملابس الاطفال بالدور الرابع والدور الارضي واللي بيروح مع اطفاله فيه مكان مخصص للاطفال بالدور السابع الساعة بخمسة رنقت للطفل حط العيال فيه ولا تشيل هم والله يعينك على شيل الأكياس ..
وفيه بعد بالدور الثامن ألعاب أطفال وبلاي ستيشن ..
سوق الماينز حلو للأطفال فيه محل اسمه the world of cartoon فيه بجامات حلوة للأطفال... الصدليات فيها أشياء حلوة بعد وهي منشرة في كل مجمع...
التايم سكوير حلو وأسعاره قريبة من سنقي وانق .... فيه كريسبي كريم درزنين ب 38 كلاسيك ومشكل ..
بالنسبة للشارع الصيني...كلن ونظرته انا بالنسبة لي ماجاز لي زحمة وتلوث وبضاعة ردئية مافيه درجة أولى تقليد ...فيه شارع خلف البيبي فيه نفس البضاعة تقريبا...
بالنسبة للماركات فيه البافيلون فيه ماركات مو موجودة عندنا ...
ملاحظات عامة:1-يعيب على الأسوق قلة المصليات رغم صغرها عليه يلزم التنبية.
2-الموسيقى الصاخبة بكل مكان بصراحة شيء سلبي ويضيق الصدر.
3-فيه جامع كبير في بينانق على اليمين بحوالي 100 متر بعد فندق بارك رويال تقام فيه صلاة الجمعة واللي قريب عنده مسجد انصحه مايفوت الصلوات فيه.
4-شارع العرب تغير كثير عن أول وصار مزدحم بشكل كبير لا انصح به بعد الساعة العاشرة ليلا..تجمعات لصغار السن ومناظر مخزية وبصراحة استغرب الحرية المتاحة لهم بهذا الشكل.
4- المطاعم الشرق اوسطية تقريبا افضل شيء هناك ناب وبعده طربوش ..وفيه بقاله تبيع منتجات سعودية جبن المراعي عند ستار بوكس
5- اللي بيسكن في امبيانا كوالا ..فيه باص هوب اون هوب اوف يقوم بجولة تشمل 22 توقف مختارة منها سوقو والشارع الصيني والمنارة تقدر تستخدم التذكرة لمدة اربع وعشرين ساعة يعني من الساعة 11 اليوم الى الساعة 11 من بكرة موقفهم مقابل الفندق مباشرة رقم 4 يفصل بينهم شارع والتذكرة من الرسبشن تبع الفندق..
6- اللي بيسكن في بيلانقي بيتش لانكاوي لا يفوت تجربة قيادة السياكل بين ممرات الفندق وفيه على فكرة البراشوت والسكاي جت على امتداد الشاطئ..وفيه بعد البوفيه المفتوح المسائي المفتوح بالهواء الطلق والنسمات العليلة الشخص ب 80 رنقت يصلح للعرسان ..
7- اللي بيسافر هناك انصحه ياخذ معه أشرطة سي دي قرآن ويوزعه على أصحاب التكاسي وبيفرحون كثير خاصة المالاويين ..
8- وأنت بالطيارة اطلب من المضيف كرت الدخول الى ماليزيا واطلب منه استمارة مرض انفلونزا الخنازير لكل فرد وخل أرقام الجوزات حاضرة .
9-التسعيرة من المطار الى كوالا موحدة والتذاكر موجودة بعد الخروج من سير العفش مباشرة .
تحياتي وبالتوفيق للجميع ..
