عليكم السلام ورحمة الله وبركاته
البرنامج ممتاز والتوزيع اوكيه والفنادق بعد اوكيه بس الأسعار مرتفعه جدا خاصه الفلامنقو والدوريست ريجنسي
و المفروض ماحجزت السرير الإضافي لأنك هناك ممكن ماتحتاجه و ممكن تطلبه مباشره من الإستقبال لو احتجته
ممكن بمبلغ اقل وبعض الفنادق ممكن يسوون لك سرير عادي بطانيات بدون مقابل إذا باقي ماحجزت انصحك لاتحجز السرير
وثاني شي الدوريست ريجنسي قريب جدا جدا من القراند ملينيوم ويعتبرون في نفس المنطقه اللهم انك ابعدت
شوي عن شارع العرب لأن الملينيوم في وسط شارع العرب والدوريست حدود 3 دقائق مشي لشارع العرب او اقل
الأفضل لو اخذت فندق قريب البرجين الثلاث الليال الأوله مثل تريدرز ولو حبيت رخيص عندك أمبيانا و الثلاث الأخيره
في القراند ملينيوم وسط شارع العرب
والأسعار إذا الغرف ديلوكس المفروض الفلامنقو والدوريست ريجنسي مايتعدون 350 بالكثير 400 ريال
والقراند ملينيوم غرف الديلوكس ماتوصل ل 800 ريال تقريبا من 550 إلي 600 ريال تقريبا
والأسره الإضافيه تختلف من فندق لفندق من 85 إلي 115 رنقت مع الفطور فلو الشخص صغير ممكن الفطور مجانا
والسرير يكون بسعر ارخص لو حجزته من الفندق
فندق بينانق لو فيه مجال تغيره لفندق علي الباتوفرنجي بيتش تستمتع ببينانق صحيح
الفلامنقو حلو ومجدد بس وله شاطئ خاص ولكنه ميت في الليل بعكس السكن علي شاطئ الباتوفرنجي
مثل البارك رويال والقولدن ساندس والهارد روك ولو حبيت رخيص ومش بطال الهوليدي إن والباي فيوبيتش
الباص تقصد اللي يروح من بينانق لكوالالمبور فيه اكثر من باص وافضلهم باصات الأيرولاين باص وسوسانا باص ونايس
ممكن تحجزه من محطة الباصات في بينانق او تسأل الفندق اللي بتسكن فيه هل يقدرون يحجزون لك او احد المكاتب
او تاخذ باص قريب فندق الفلامنقو رخيص بحدود رنقت او اكثر شي بسيط لمحطة الباصات في بينانق وتحجز من هناك
بس الأفضل تحجز باصات vip اريح واسعارهم من 60 إلي 75 رنقت تقريبا
وبالنسبه للخطوط الماليزيه فيها مسترد وغير مسترد انت وقت الحجز تختار الحجز والسعر والعرض اللي يناسبك
ممكن تختار غير مسترد يكون هو الأرخص او مسترد بس اغلي شوي وممكن تبحث بقوقل عن طريقة الحجز

اتفق مع اخوي zazaz في كل ما قاله
وخصوصا سالفه فندق دورست ريجنسي وفندق الميلينيوم ( فعلا يعتبرون بنفس المنطقه .. والافضل ان تسكن بمنطقتين مختلفتين .. عشان تحس بالفرق ... ام ومدام ان المده 5 ليالي بس فاشوف انك تكتفي بفندق واحد بس ... ولا بأس من تغيير الفندق بس الافضل تغيير المنطقه )

شكراً من كل أعماق قلبي zazaz و النهر الجاري على تجاوبكم معي وعلى ردودكم وأقتراحاتكم الأكثر من رائعة .. تسلمو حبايبي
بس في نقاط حاب أوضحها لكم
أنا حطت سعر السرير الإضافي على حسب ماهو موجود في موقع البوكنج بدون مايحسب علي في السعر النهائي
يعني بإمكاني انكسلها في وقتها مو مشكلة هي مجرد ملاحظة كتبتها إحتياط بس ولا الدفع في وقتها
يعني لو قلت دوريست ريجنسي بدون سرير يصبح سعر الليلة 517 بدلاً من 645
ثانياً والله ما حصلت مثل هالاسعار الي تقولون ... يعني لو جايبها من مكتب
سياحي كان قلت ممكن
أفيدونا جزاكم الله خير بمواقع حجز أرخص من بوكنج
ثالثاً : وش رائكم لو بدلت فندق جراند ملينييوم بفندق تريدرز بحيث تكون المنطقة مختلفة بعدة عن فندق دوريست ريجنسي
رابعاً : أخي zazaz المشكلة أن شاطئ الباتوفرنجي الفنادق الي عليه غالية مرة ... وش البديل عن فندق الفلامنجو

بالنسبة للباص فأنصحك بشركة نايس vip
وبالنسبة لكوالالمبور فأنصحك أنك ما تطول فيها ، خمس أيام كثيرة عليها مرة
إما تنقص منها وتزود على أيام بيينغ
أو تضيف يومين في جنتج ( براد وأمطار وروعة جداً )
وتخلي ثلاثة أيام بس لكوالالمبور
لأنها عاصمة وزحمة وقلق وما راح تستانس فيها صح
وأخيراً فندق ريجينسي هذا خايس جداً تحسفت إني سكنت فيه بصراحة
أنصحك وبقوة بفندق ( ترايدرز ) مطل على البرجين التوأم
لا يفوتك السكن بأي فندق مطل على البرجين ولو ليلة
بالتوفيق والله يسعدكم يا رب

أحترم ذوقك أخوي fhd198544
المشكلة وأنا أخوك اني معي ناس تحب التسوق فالشكو لله .... أما بالنسبة لجنتج من الممكن اروحلها بالسيارة مو بعيدة 45 دقيقة بس مو مشكلة
وسبحان الله تختلف الآراء ناس تقعد في كوالا سبعة أيام وأنت تقول خمس أيام كثيرة ... وربما وجهة نظرك محقة
أما بالنسبة لفندق ترايدز خلاص حجزت فيه بدلاً من جراند ملينييوم بس مشكلة غالي الله يعين
وغريبة فندق ريجنسي مو عاجبك مع ن أغلب الأعضاء الي هنا ينصحون فيه وبقوة .. ممكن أعرف ملاحظاتك عليه
عموماً عزيزي تبقى وجهات نظر ... وشكراً على مداخلتك القيمة ... ومنكم نستفيد

الاخ الكريم muhannad
كوالا مدينة جميلة جدا و اعتقد ما يكفيها اسبوع خاصة الناس اللى تحب التسوق و السكن بالقرب من شارع العرب افضل شئ من وجهة نظرى .
بالنسبة لفندق دورست ريجنسى هو فندق نظيف و جيد و سعره معقول جدا بالافطار و بالقرب من شارع العرب يعنى خطوات تكون بالشارع .
مساحة غرفه معقولة جدا و يمكن حظك يكون بغرفة بإطلالة جانبية على البرجين و بوفيه إفطاره متنوع و إن شاء الله يعجبك فلا تتخوف منه أنا سكنت بالفندق و اعجبنى جدا .
إذا فكرت بالذهاب إلى جنتنج ابعد عن السبت و الاحد و لابد من الذهاب بالصباح الباكر حتى لا يفوت اليوم بسرعة خاصة إذا فيها زحام .

السلام عليكم
الأفضل لو غيرت الدوريست بتريدرز و ابقيت علي الملينيوم الصراحه انه احلي من الدوريست الف مره
وموقعه وسط شارع العرب بالظبط و اللوبي حقه جميل جدا اما الدوريست عادي جدا
وبالنسبه لكوالالمبور انا اشوف ان عدد الأيام حقها اوكيه ولو عني انا مايقل عن 8 ليال ولكن 5 ليال حليوه
وبالنسبه للأسعار انا شيكت نفس وقتك في موقع آسيا ويب دايركت حصلت
البيراميد الليله ب 412 رنقت شامل الخدمه والضريبه والفطور
التانجونق سانتشوري مواجهه للبحر الليله ب 850 رنقت شامل الخدمه والفطور ومميزات ثانيه
ومواجهه للتل او الحديقه الليله ب 700 رنقت
فندق الفلامنقو بينانق غرفه ديلوكس مطله علي البحر الليله ب 343 رنقت
فندق القراند ملينيوم غرفه ديلوكس الليله ب 522 رنقت شامل خدمه وضرائب وفطور
والدوريست ريجنسي غرفه ديلوكس الليله ب 352 رنقت شامل خدمه وضرائب بدون فطور والفطور الواحد ب 23 رنقت
وفندق تريدرز نصيحه لا تاخذ إلا مطله علي البرجين وحصلت افضل سعر غرفه كلوب من افضل الغرف الليله ب 735 شامل كل شي
وفيه غرف ديلوكس ارخص بس بدون فطور ومع الفطور يطلع السعر مقارب للكلوب روم و الأفضل الكلوب روم
جميع الأسعار من موقع آسيا ويب دايركت وانت شيك علي اكثر من موقع ممكن تحصل بعد اقل ولا تقتصر علي بوكنق
http://www.asiawebdirect.com/

zazaz
والله فعلاً ... فيه فرق كبير لأن أسعار بوكنق يعطيك أسعار حلوة في أوربا لكن أسيا .. حقاً مالك إلا أسيا ويب أو أسيا ترفل
يعطيط العافية أخوي .. كلفت على عمرك ... ومشكور على النصائح القيمة .. لكن لا هنت عندي كم سؤال
الأول : هل الحجز من موقع أسيا ويب مسترد أم لا ( لأن هالنقطة تفرق معي كثير ) وهل هو سهل الأستخدام مثل بوكنق ؟
الثاني : حنا عددنا ثلاثة أشخاص كبار . وتعرف الغرفة لشخصين . هل لابد عند الحجز أكتب ملاحظة أنني بحاجة إلى سرير إضافي لشخص ثالث و لا يزود علي سعر ماله داعي مثل ما قالوا الأخوان فوق .. أخاف إذا جيتهم يقولوا الغرفة لشخصين بس ؟
الثالث : ما أدري أخوي متى شيكت وهل الغرفة متوفرة بكثرة بموقع أسيا ويب ؟
تحياتي

muhannad here
حياك الله ولا فيه كلفه
بالنسبه للحجز من آسيا ويب دايركت في مسترد وفيه غير مسترد مثله مثل غيره
وهو سهل جدا جدا خطويتين ثلاث بالكثير و الدفع في الفندق إلا إذا غير مسترد الدفع فوري
وهو يحسب الخدمه والضراب في نهاية الحسبه ومرات يخصم 10% كتأمين ولكنها من إجمالي
المبلغ يعني في الفندق تدفع الباقي وهم يوضحون كم الباقي اللي تدفعه بالفندق
بالنسبه للعدد عادي خله 2 لا تكتب وإذا وصلتوا هناك واحد يجلس باللوبي لايروح معكم عند الأستقبال
حتي لو راح مافيه اي مشكله وانتوا شوفوا الغرفه إذا وضعها اوكيه او اطلبوا سرير إضافي
والتشييك توي شيكت الصبح وقت الرد والغرف متوفره إن شاء الله