Bufaisal
16-06-2022 - 11:19 am
ناوي السفر الى ماليزيا
وأرجو المشوره في الفنادق الي أخترتها بعد سؤال وفحص وتجربه من قبل مسافرين سابقين لهم نفس الميول السياحي الذي اطمح له.... الرحله كتالي
الوصول 22 نوفمبر
كوالالمبور 3 ليالي في MANDARIN ORIENTAL
جنتنج ليلتين GENTING HTL
كاميرون هاي لند ليلتين Strawberry Park Resort
بننبج 3 ليالي Mutiara Beach Resort Pen
فرري Pen/Lgk-Economy Class
لنكاوي 3 ليالي Pelangi Bch Rst Lgk
طيران الى كوالالمبور شخصين
سنويلاجون ليلتين (1 bed room villa still) Sunway Lagoon Resort Hotel
كوالالمبور ليلتين REGENT HTL
المطار 9 ديسمبر
الأقامه 17 ليله
كل الفنادق مع الفطور والمواصلات
التكلفه الأجماليه للطيران والسكن والمواصلات بين الفنادق 14035 ريال سعودي
حياك الله اخوي بوفيصل ويامرحبابك
بعد اذن حبايبي ابوغدي وابومحمد الشتيوي
وحبيبي الاتحاه المعاكس اسقط على اساتذتي بأستحياء
اعذرني على ثقالة دمي في موضوعك اخوي بوفيصل وودي
اوجه رسالة شكر لكل من ارسل لي رسالة خاصة او على الايميل
او اتصل على واعذروني الله يخليكم كلكم .. تراني انشغلت
مع والدتي ربي يحفظها لي ويخليكم لحبايبكم
كل واحد من اللي راسلني له 3 بوسات واحد على راسه
والثاني في خشمه والثالثة في خده
والمعذرة المعذرة من قناة السويس لمضيق المندب
دحين ارد عليك برواقة اخوي بوفيصل
تبغى رأي المجربين في الفنادق .... طيب .
ماندرين اورينتال ...فندق روعة ... اللي مايعجبه العجب
راح يعجبه هالفندق الرائع ... وغرفهم كلها حلوة ولكن حبذا
لو تاخذ المطلة على الحديقة
جنتنغ هوتيل ... هو صراحة افضل الموجود ...معطينه 5 نجوم
لكن في تظري الشخصي مايستاهل ... لكن ما حتلقى احسن منه
بجنتنغ ... جنتنغ فنادقها مش فخمة ... تديه 4 نجوم
لكن اختيار موفق لانه افضل الموجود .
كاميرون ... اخذت ستروبري ...الفراولة .. هو صراحة
مابه شيء ..يعني مشي حالك ...4 نجوم ... طيب ليه ما تاخذ
شيء احسن منه وموقعه احلى والفرق بسيط جداً ..اللي هو
فندق اكواتوريال .
بينانغ ....موتيارا ... جيب يدك احسنت الاختيار
راسا ساينغ ممتاز ولكن فيه اصلاحات ..فبديله الجميل موتيارا
صح موقعه بعيد شوي عن قلب الحركة ولكن فندق يستاهل .
لنكاوي ...بلانغي ... من القمم ...ممتاز .. الافضل موجود
ولكن بلانغي يعتبر من الفنادق التوب ... مانستهين ببلانغي .
سلانجور ... صن واي لاغون ... شيء قمة .
كوالا ... ريجنت ... من الثلاثي المرعب اللي على شارع العرب
فندق ممتاز ورائع واحسنت الاختيار .. وراسه براس ماريوت
وويستن ولكن واحد اشقر والثاني عينه زرقاء والثالث طويل
اقصد انه الفرق بينهم بسيط ولكن كلهم حلوين
ولا كأني صائم اللهم اني صائم .
الخلاصة ... برنامجك ممتاز .. ولكن تحتاج مراجعة في كاميرون .
السعر .. اخونا ابو محمد اقدر مني في معرفته للسعر ومناسبته
لأنه عنده الاسعار الجديدة واسعار التذاكر وان بغيت تأخذها
من مكتبه الحمدلله منها كلكم تستفيدوا ومنها معرفة خير
موفق يا اخوي بوفيصل بأذن الله ورحلة سعيدة ياربي
وان كان شهر عسل ... الف مليون مبروك ومبارك عليكم
اتزوجتم ولا باقي بارك الله لكما وبارك بينكما وجمع بينكما في خير .
تحياتي لكم جميعاً وترجهون لنا بالسلامة والسلام عليكم .
ورمضان مبارك عليك اخوي وعلى القارئين