يجي من يفيدك ان شاء الله
اعضاء ومشرفين المنتدى مايقصرون الله يعطيهم العافيه
اتوقع افضل شي تسكنوا في مجمع
الجبل السكن فيه اسعاره تتراوح بين 400 ريال إلى 700 ويجيون الاخوان يفيدونك
تقبل مروري

.
الله يحييك هبايب شماليه ..
و يعطيك العافيه على دعواتك الحلوه ..

• - سلمكم الله سفري انا والعايله بشهر مارس وأبونا الله يحفظه رافض نروح بالي يقول

ماتنفع للأولاد لذلك قسمناها 3ايام جاكرتا و6ايام الجبل (بونشاك ) ايش رايكم
عادي .. مافي مشكلة ..
ان شاء الله جاكرتا و الجبل تفي بالغرض ..

• بالنسبه للأمان كعايله في الجبل الأفضل سكن فيلا بمجمع اولوحدها مع العلم ان ابونا طول الوقت

تغطو وأدخلو مهمه هالنقطه ردو لي فيها
بالنسبه للسكن اذا كان عددكم 5 افراد او اكثر ,, الانسب لكم فيلا ..
و يوجد فلل في مجمعات و عليها سكيوريتي و بوابات ,, مثل فلل كوتابونقا ..
بالنسبه للغطاء و النقاب فهذا شيء عادي جداً ولا تشيلين همه ابد ..
كل مره نسافر جميع اسرتنا متنقبات ولم نواجه اي احراج ..

• السايق اللي بنحجزو يكون معانا من اول الرحله اوينتهي عملو بمجرد وصولنا الجبل

على حسب اتفاقكم مع السائق ..
و اقترح عليك اول ما توصلون جاكرتا ,
من المطار تطلعون بسياره اجره للفندق اللي حاجزين فيه في جاكرتا,,
تباتون فيه ليله ترتاحون من السفر .. و خلي السواق من ثاني يوم ..
و اذا تعرفونه مسبقاً و حابين يستقبلكم , هذا بعد راجع لكم ..
وعموماً ,, سعر السواق في الجبل و باندونق اعلى شوي من سعره بجاكرتا .

• والله يحفظكم ياليت تعطوني اسم فيلا او أكثر يكون سعرها معقول مره

وهل 6000 ألآف ريال تكفي قيمة سكن في جاكرتا والجبل
و الله عزيزتي الاسعار تتفاوت حسب نوع و فخامة السكن ..
لا تتوقعين ان الاسعار رخيصة جداً .. طبعاً هي لا تقارن بالخليج , لكن بعد مو رخيصة ..
و هذا رابط موضوع لأستاذنا المصباح ,, ان شاء الله يفيدك :
خيارات السكن من فنادق وشقق ومنتجعات في إندونيسيا من خلال تجارب الأعضاء https://artravelers.com/p/re/432214
و اي استفسارآخر ... يسعدنا الرد ..
و رحلة سعيدة ان شاء الله ..
.
.
.

آآآآآآمين والله يسعدك في الدارين
الله يفتح نفسك ياأم عزيز ............معلومات جدآ جميله ومريحه ....واستفسار ثاني الله يسعدك
الحجز في جاكرتا الأفضل قبل السفر او عند الوصول وأيش رايك اذا اعتمدنا على السواق
بالحجز لنا

هبايب شمالية
جزاك الله خير عزيزتي ..
الحجز في جاكرتا يستحسن تحجزين قبل السفر ,,
و تضمنين اول ما توصلين تلاقين مكان ..
و فيه ناس تحب تحجز اول ما توصل من نفس مطار جاكرتا ,,
سواءً من مكتب كاها او من غيره ,, لكن الاضمن الحجز المبكر ,,
و النت طبعاً ارخص من الحجز المباشر من الفندق او من وكالات السفر ..
بالنسبه للأعتماد عالسواق بالحجز او بغيره ,,
ثقي عزيزتي ان بإندونيسيا بالذات للسواق نسبه من المحل او الفندق اللي يجيب له زبون ,,
و للأسف النسبه تؤخذ للسائق من الزبون نفسه ..
و حتى لو انتِ اللي دليتي السواق عالمحل ,,
فمسألة اعتمادكم عالسواق بعد مسأله نسبيه ,,
لو بفندق مثل سيروني صعب الحجز فيه ,, وودك السواق يساعدكم و يدبر لكم حجز ليش لاء ,,
لكن بجاكرتا اللي فنادقها واجد ,, اشوف ماله داعي ,,
و الرأي بعد الله لكم ..
واي خدمه عزيزتي لا تترددي ..
دعواتك ..
.
.
.

الحمدلله انتهينا من التذاكر ابغى استفسر عن عدة اشياء لوتكرمتي

• فيه اوراق غير الجوازات نسويها قبل السفر
• والأجواء بمارس فيها بروده لأن معي اطفال اثنين
• وبما ان الذهاب بتاريخ 15 مارس هذا الوقت فيه سواح كثير
• وتكفين ابغاك تشورين علينا بفندق نظام شقق مفروشه بجاكرتا نبغى نحجزه

ونلاقيه بوجيهنا اول مانوصل وعدد العائله الله يسلمتس 6

.
مرحبا ..
الحمدلله انتهينا من التذاكر ابغى استفسر عن عدة اشياء لوتكرمتي
الحمدلله ..

• فيه اوراق غير الجوازات نسويها قبل السفر ..

يوم السفر اتأكدي انكم تاخذون البودرنق ( كرت صعود الطائره ) قبلها بوقت كافي ..
وفي الطياره بيوزعزن عليكم كرت الدخول لأندونيسيا عشان استخراج الفيزا ,
يمكن تعرفينه , لكن زيادة تأكيد اتفضلي هذا الرابط :
كرت الدخول الى اندونيسيا مترجم https://artravelers.com/p/re/515644

• والأجواء بمارس فيها بروده لأن معي اطفال اثنين

اجواء اندونيسيا بصفه عامه حاره رطبه ,,
المرتفعات مثل الجبل , و ضواحي باندونق بارده بروده خفيفه فقط مساءً ..

• وبما ان الذهاب بتاريخ 15 مارس هذا الوقت فيه سواح كثير

والله ماادري بهذا التوقيت بإندونيسيا اجازه او لا ..
لكن أكدت سؤالك بالاحمر .. ان شاء الله يلفت النظر و يوصلك رد من احد الاعضاء ..
و عموماً اذا وافق هذا التاريخ اجازة في الخليج , فبتأكيد بيكون هناك سياح عرب ..

• وتكفين ابغاك تشورين علينا بفندق نظام شقق مفروشه بجاكرتا نبغى نحجزه

ونلاقيه بوجيهنا اول مانوصل وعدد العائله الله يسلمتس 6
فندق استون مارينا كثير حلو ,, و مناسب جداً لعددكم ,,
و ممكن تتطلعين على موضوع عن الفندق بالتفصيل ,, و ان شاء الله يفيدك ,,
و بعدين قرري :
https://artravelers.com/p/re/549516
و هذا موضوع اعتبريه جانبي ,, حلو تمرين عليه ..
https://artravelers.com/p/re/470906
رحله سعيده عزيزتي ..
و اي استفسار لا تترددي ..
دعواتك .
.
.
.

مشكوره الفندق روعه مثل دليلته ام عزيز
لاعدمناك ومتعك الباري بعافية البدن والسمع والبصر
بس ايش رايك ياالغلا متى أحجز الفندق احس
ان شهر مارس باقي عليه او ايش تشوفي ........
توجيهاتك مانستغني

هبايب شمالية
يعطيك العافيه ياقمر .. و دعوه حلوه عندي بالدنيا ..
بالنسبه لحجز الفندق , اذا قصيتي التذاكر احجزي ..
و لو تحجزين من النت افضل و ارخص ..
و هذا رابط موضوع صدقيني بيفيدك ,, فضي نفسك و شوفيه على رواقه ..
و دوني المهم منه :
كافيه المرأة .. شاركي معنا في كل ما يخص رحلتك ل إندونيسيا

و بالتوفيق ..
.
.
.