افضل طريقة للتنقل بسويسرا هي استخدام القطارات حيث يوجد عندهم نظام يسمى السويس باس يسمح لك بركوب جميع القطارات والباصات في اي وقت مجانا خلال فترة شرائك للسويس باس ويعطيك ايضا تخفيض يصل الى 50% على زيارة المناطق السياحية والقمم وركوب البواخر البحريه وهو يباع بالايام 4 ايام او 8 او 15 او 22 وسعر 4 ايام للشخص البالغ على الدرجة الاولى 338 دولار والدرجه الثانيه 226 دولار والكثير من الناس في الفتره الاخيره يفضل استئجار السياره لانها تعطيك حرية بالتنقل وتوفر عليك الوقت وتسمح لك بزيارة اكثر من مكان في يوم واحد ولها خصوصية حيث تتوقف باي مكان وتتفرج وتستمتع ولها مخاطرها اما بالنسبه للتكاسي فهي مكلفه جدا وانا لم اجربها تحياتي

السلام عليكم ورحمة الله وبركاته
المواصلات تعتمد احيانا على حسب عدد الاشخاص والقطارات او استئجار سياره كل خيار له عيوب وميزات ابعطيك اللي اعرفه
السياره : فيها خصوصيه + تروح وتجي على كيفيك + تسلك الطريق اللي يعجبك+مكلفه +
القطارات : رخيصه جدا+ مريحه +اذا معك عفش متعبه+المسار مقيد
انا جربت السياره وهي روعه وممتازه
الاماكن السياحيه في انترلاكن عديده وبعضها متشابه ويحدده المدة التي سوف تقضيها وميولك السياحيه
في دليل مستشار البوابه برنامج لانترلاكن
المطاعم انا جربت ماكدونالدز وشاليمار الهندي(اذا كنت من النوع اللي يحب الاكل الحار)