افضل شركة اتصالات بتايلند عن تجربة هي ون تو كول
طبعا روح اقرب فرع لهم واكيد راح تحصل لهم فرع في المطار عند وصولك وشوف العروض ،،
واحد من الاهل اخذ خدمة البلاك بيري ب 150 بات لمدة اسبوع اي ما يعادل 19 ريال سعودي.

يعني رايح تايلند ماسك بيدك اليمين الايفون واليسار بلاك بيري !!
ناس عجيبه غريبه
ياخي انت رايح راحه و سياحه لاتدور هالأشياء
معظم الفنادق فيها ويرلس يؤدي الغرض في حال لو كان عندك شي ضروري

mohluv
كل شخص وظروفه
والناس غير متشابهه
هناك من لدية تجارة ويتطمن عليها بكل وقت
وهناك من لديه اولاد يتطمن عليهم
بعضهم صحفي يهمه ان تصله الاخبار دائما
وانت تعرف ان كثير من الفنادق يجبرك علي دفع رسوم انترنت
اوفرلك تخليها بجوالك
ومالك ومال سيكو
يسعد صباحك

جزاكم الله خير أخواني بأذن الله أخذ البطايق من المطار
أخوي Mohluv أنا اذا سرت سياحه ما اخذ معاي حتى كيمرة تصوير لاستمتع بالمناظر وأمد النظر في الطبيعه الخلابه وأتفكر في خلق الله والتيلفونات اخليها في السيفتي بوكس واخذ معي فقط تيلفون للاحتياط
أما السفره هذي بكون مرافق لمريض وبكون أكثر الوقت بالمستشفى ولازم تكون متواصل مع الاصحاب من خلال البلاك بيري وتصفح النت من خلال الاي فون

العذر منك فهمتك غلط
بالنسبه للانترنت :
يوجد شريحة "Happy Internet "
وهي شريحة جوال مخصصه للانترنت و تقدر تسوي فيها مكالمات و رسايل
فيهاحسبة الانترنت حسب الدقيقه الإستخدام يعني لو استخدمت النت دقيقه يخصم عليك 0.25 بات
لكن يعيبها المكالمات الداخليه فيها غاليه والدوليه سعرها عادي
موجوده في سفن الفن و شحنها متوفر بكل مكان وهذا شكلها

وبالتوفيق،

طيب افضل اشتراكات البلاك بيري عند اي شركه ؟؟

mohluv
افا عليك أخ عزيز
ومشكور على هالاختيار والله يجزاك خير