بصراحة أخي هليل الشمري أنصحك ان المدة 11 يوم في باتايا تكون طويله نوعا ما ، شخصيا اقترح تغيير جدولك و تخليها 6 ايام بوكت و 5 ايام باتايا . بوكت فيها جزر جميلة و ممكن تبات فيها ليلتان او اكثر مثل جزيرة phi phi او krabi اما باتايا ما فيها جزر قريبة تتميز بنشاطات التي تستحق المبيت فيها مثل ( koral island و koh sumit ) ، عدا جزيرة koh chang التي تبعد عن باتايا مسافة بالباص بحدود 4 ساعات و بعدها بالعبارة تقريبا نصف ساعة و هي جزيرة جميلة جدا و فيها كل الأنشطة .
اما بخصوص احتفالات عيد الماء ، الى هو عيد رأس السنة البوذية و يسمى song ran يبداء فعالياتة من 12 ابريل لغاية 17 منه . و ممكن تحتفل معاهم اذا شئت فقط اتحمل عواقب البلل و بعض المزحات احيانا تكون ثقيلة و انت برأيك .
رحلة موفقة و سعيدة ""

عندك كوه لارن koh larn القريبه من بتايا ممكن تقضي فيها يوم او اثنين فيها اماكن حلوهفي مكان رائع و مميز جداً اسمه PAUSE resort
طبعاً معظم الناس يروحو بالقارب لها ويجلسو على الشاطيء الي ينزلوه فيه القارب ولا يستكشف الجزيره ولا شواطيءها ، ممكن اول ماتوصل الجزيره تاخذلك تكسي دباب يمشيك و يوديك جوله بشواطيء وغابات الجزيره بصراحه فيها اماكن اجمل من الخيال ،
وعندك بعد كوه صامد koh samed كبيره وفيها فعاليت اكثر
بعيده تقريباً ساعه ونص بالباص ، تاخذلها باص ب 220 بات يوديك للمرفأ الي منه تروح لها
اسأل في اي مكتب سياحه عن تذاكر باص ماليبو واحجز عنده و يجيك الباص عندك فندقك،
طبعاً بالنسبه للجزر المذكوره مافيها فعاليات بالليل
في كوه صامت مطعم يقدم عروض ليليه شي بسيط جداً لكن بعد الغروب بشكل عام ماعندك الا الهدوء
اذا تبحث عن الوناسه والحفلات في جزيره يقام فيها حفل كبير بس بعيده شوي لكنها تستاهل خبرني اذا تبي معلومات عنها

بيض الله وجيهكم ( حسن الحمادي + mohluv )
وسوف أن شاء الله ينظر لما لفتوا نظري أليه