المعروف عندك استديو الذكريات في الناصرية
من افضل المعامل واقدامها
موفعه في الناصرية يعد وزارة الخارجية وانت على شارع الناصرية بيجيك عدة استديوهات على اليمين هو بينهم اسمه الذكريات
وفيه واحد آخر في شارع الثلاثين بالعليا اسمه ريما

بالفعل استديو ذكريات من افضل المحلات في الرياض

الله يعطيكم العافية ما قصرتم ..
كيف أدخل للاستديو من طريق الملك فهد ..؟
أو أقرب منفذ أو مكان معروف قريب منه ..

السلام عليكم
انا والله جربت اشهر الاستديوهات بالرياض مثل : ريما - زماني - ذكريات
وبصراحة انا اتعامل مع ذكريات الناصرية ( مقابل الامن العام ) اكثر من 8 سنوات وهو افضل الاستديوهات حتى اني جايبهم يصورون زواجي وكان مرة ممتاز

بالنسبه للمعامل التصوير
الافضل سابقاً زماني وريما وذكريات
كانت الافضل على مستوى الرياض ومعروفه لدا الكل لكن قبل 6سنوات او اكثر.
الان الافضل بلا منازع ستديو وتصوير عجمان حالياً وهو الاكثر شعبيه في الرياض
وعنده مميزات لصور وكأن الشخص اللي بصوره مو نفسه يعني يخلي شكل الصوره رائعه وجذابه
وله عدة فروع وانا احس الفرع الجيد في شارع الثلاثين العليا
احسه مختلف عن باقي الفروع امكاناته جيده ورائعه

diplomatic_868
اسمع يا طويل العمر ...
وانت جاي بطريق الملك فهد من الشمال الى الجنوب ( يعني المملكة الفيصلية خلفك ) بيجيك مخرج الوشم
اطلع مع المخرج بتقابلك اشارة ادخل يمين من عندها وامشي سيدا بيجيك نفق انزل معه
وانت في النفق اطلع يمين مع المخرج (المخرج عبارة عن طلعة)
اذا طلعت مع المخرج اتجهه الى الامام ثم تنعطف الى اليمين ( اجباري لا يوجد الى الامام )
اذا دخلت يمين امشي تقريا ً 50 متر بتشوفة على يمينك ( ركن الذكريات ) وهو قبل فندق السعودية

من وجهة نظري الأستوديو اللي يخلي الصوره ماتعكس الشكل الحقيقي للشخص مو استوديو هذا استهبال
انا مستعد اصورك اجل واوريك صورة رامي عياش واقول شف شكلك بعد التصوير وبعيشك جو حلو
وللأسف صارت كل الاستوديوهات كذا يصورك والبشرة ماشاء الله بشرة بزر من حلاتها والخدود وردية والشكل الحقيقي اشهب املح
بالله عليكم أيعقل هذا الكلام (:

نسل الشيوخ
وانت وش اللي حارق رزك !!
ان شاء الله يخليه عمر دياب بعد
اخونا في الله سئل وحنا عطيناه خيارات
ومو كل لمسات واضافات تفهمها مثل ما تفهمها !
التصوير الاحترافي والزوايا والديكور والاضاءة واللمسات هذه كلها امكانيات تحسينية في الصورة بدون تبيض او خدود حمرا (!!)

المسافر - معالي الوزير
شكراً لكما ..
عمار الحميري
يبدو أنّك مسكت "مخرج" ..!
هل تعتقد أن العميل يجهل هذه الأمور ..؟
أقترح أن يكون اسم الأستديو بناءً على اقتراحك ..
الدجل الافتراضي في التصوير الرقمي ..