اشدعوه يا اهل باريس ردوا عاد .. على الاقل كل واحد يجاوب على السؤال الي يعرفه ..

أسألتك مهمه
خاصه سؤال المترو والجو و0000000000000000
ياليت احد يساعدنا ويجاوب على هالاسئله لاني بعد باروح لباريس الشهر الجاي..........

السلام عليكم
حياك الله أخي الكريم cofee و أرجوا المعذرة على التأخير بسبب السفر , و هذا أول يوم لي على النت ..
و أحاول إنشاء الله أرد على إستفساراتك بقدر المستطاع ...
الجو في شهر سبتمبر يكون بارد نوعا ما و يحتاج الى ملابس متوسطة الثقل .
من المطار يستحسن أن ترتب المواصلات من بلدك عن طريق شركة سياحة أو الفندق الذي ستنزل فيه .
تذاكر المترو فيه منها يومي و اسبوعي و شهري , و أنصحك بتجنبه ليلا .
اليوم يبدأ تقريبا الساعة التاسعة و حتى السابعة بالنسبة للاسواق و أماكن الزيارات , أما المطاعم و الكوفي فتتأخر بعد ذلك الوقت .
سمعت بوجود شركة هواتف جوال في شارع الشنزلزيه الا أني لم أجربه و لا علم لي بالاسعار .
أفضل طريقة لحمل الاموال هي الشيكات السياحية و لا غنى لك عن الفيزا للطوارئ فقط , و الاأمن ترك الاموال و الاشياء الثمينة في أمانات الفندق .
هذا ما تيسر لي ..
تمنياتي لك بالتوفيق .. و إجازة سعيدة .FF0099

جزاك الله خيرا يا المشرفة ... كفيتي ووفيتي
وما قصرتي واشكرج جزيل الشكر ..
واتمنى حد يرد على باقي الأسئلة

1. 4- في هناك تلفون جوال للسياح ؟ وكم اسعارها ؟

سؤال من غير رقم : الجو في شهر تسعة اشلون ؟ ملابس شتوية ولا .. ؟ا
الجو بعض الايام يكون بارد خصوصا بالليل...يعني اخذ لك بلوفر او 2..لان عندك مثلا برج ايفل بالليل يكون بارد جدا
وديزني الجو فيها بارد...وفي ايام تكون فيها مطر وبرد الصبح..يعني الجو متقلب
1- بالنسبة للمواصلات من المطار للفندق والعكس , شنهي افضل وسيلة ؟
الافضل توفر المواصلات من المكتب اللي بتحجز منه الفندق لان الطريق طويل جدا للمطار
2- تذاكر المترو .. كم اسعارها ؟ وشنو المتوافر ( يوميه ولا اسبوعيه ...) ؟ من ولغاية الساعه كم شغاله ؟
والله ماذكر الاسعار بس كانت بسيطة واوفر من التاكسي وفي تذاكر يومية واسبوعية..وشغال من الصبح لحد 10 بالليل على ماعتقد مع اني ماركبته بالليل..الافضل تقتصر استخدامه في النهار بس
3- اليوم متى يبدا عندهم .. الساعه كم ( يعني متى اقوم وابدا جولتي السياحيه )؟ ومتى ينتهي سواء في الاسواق او المطاعم والكوفي ؟
بالنسبة للسوق من الساعه 10 الصبح لحد 7 بالليل..واذا رحلات سياحية تكون من الصبح بدري...وبالنسبة للكوفي والطاعم تكون من الصبح شغالة لحد نص الليل

4- في هناك تلفون جوال للسياح ؟ وكم اسعارها ؟

مافهمت سؤالك بس اذا تقصد كرت مدفوع للجوال موجود عندهم وتلاقيه في اماكن كثيرة جدا
5- بالنسبة للاموال .. اخليها بالفندق .. ولا صندوق الامانات ولا اتعامل بالشيكات السياحية ولا الفيزا .. شنو الافضل سواء من الي ذكرته ولا غيرهم ؟ وكم ممكن يكفيني انا والمدام في اليوم .. ( تقريبا) مصروف عادي من غير تسوق ؟
الاموال ممكن تخليها في الفندق..وتاخذ مبلغ كل يوم..وطبعا راح تحتاج الفيزا والكردت..اما ا لشيكات فماعرف اتعامل بها
6- ان شاء الله راح اسكن في فندق astoria opera ثلاث نجوم .. ما ادري حد عنده فكره عن موقعه ؟
ماعرفه
7- احسن مكان للوجبات السريعة ؟ مجمع مطاعم مثلا ولا شارع فيه مطاعم ( الأكل اليومي )؟
الشانزليزيه

وعليكم السلام
ورحلة موفقه مقدماً اخوي coffee وأخوي بو سعود
بحاول اجاوب على خلفيه سابقه ومازالت ...
شوف اخوي انا مجهز الرد قبل المغرب وجا وقت الصلاة ورحت ولا رديت الا الحين ولقيت مشرفتنا القديره راده وبعد اختنا القديرة ام ياسمين بعد بس قلت والله مايروح ردي الا بحطه لكم ..
coffee
ملابس ربيعية ان شاءالله
coffee
افضل ولا أرخص على الأفضل التاكسي وبدون منازع الأوفر الباص وهذا تلاقيه اول ماتطلع من الباب الرئيسي عند محطة الباصات ... وكل منطقة ولها باصها ...
coffee
فيه يوميه وفيه أسبوعيه وفيه شهريه والأسبوعي = 25$ ويغلق المترو الساعة 12 ليلاً ..
coffee
غالباً الساعه 8 صباحاً .... الجولة اذا هي صباحية تنتهي الساعه 6 او 8 وفيه جولات ليلية نهرية ... على ضفاف نهر السين ...
coffee
فيه لكن الأسعار ما اقدر افيدك ....
coffee
اخوي كله ماشي كاش شيكات فيزه وبرضه بطاقة الصراف العادية ... اهم شي تخلي الكاش في صبدوق المانات سواء الخاص بالغرفه أو تحت لدى الرسبشن ولا تنسى أيضاً وضع الجوازات والتذاكر ....
ما مصروفك فخليه على 150$ كحد ادنى ....
coffee
للأسف لا والله ...
coffee
اذكر في منطقة الأوبرا الشارع الممتد لأوبرا كله صف مطاعم وجبات سريعه ولا تنسى الشانز والمقاهي اللي فيه والمطاعم وكلن بأسعار غاليه ...
طبعاً يمكن اجوبتي ماتفي بالغرض أو ينقصها أضافات لكن حبيت أدلو بدلوي على أحد الأحبه الكرام يطلعنا على الأنصح
تمنياتي لكم بسفره ممتعه
تحياتي

والله ما قصرتوا .. ما شاء الله عليكم ردودكم سريعة ..
جزاكم الله خير
واجوبتكم جدا واضحه ..
ادعوا الله عز وجل أن يذهب همكم ويفرج كربكم ..
اخوي بو سعود ان شاء الله تكون استفدت وياي ..
فمان الله

سلام
بالنسبه للجو فأنا أشوف انه جدا بارد.. يعني لازم تاخذ معاك جاكيتات و لبس شتوي اذا انتا رايح في شهر 9 .. اما المواصلات فالأفضل ترتب مع الأوتيل زي ما قالوا الأخوان..وما راح أضيف شي زياده لأنهم كفوا و وفوا..
صح نسيت..شريحة الجوال تلقاها عند Fnac في الشانز او اللاديفانص أو اي محلات اجهزة اتصالات و سعرها ب 20 يورو اذا ماني غلطانه بس لازم يكون معك جوازك أو أي اثبات عشان تطلع الشريحة..
أتمنى أكون أفدتك....

كرت الجوال ، Sfr تحصله ب 25- 35 يورو ،،،
وشركة Sfr تحصله في كذا مكان ،، وتحصله في شارع الشانزليزية ،،
وفي شركة اخرى هي شركة Orang غالية شوي ، لكن زينه بعد ،، والخيار لك طبعاً
احسن مطعم للوجبات السريعة مطاعم البيتزا ( وتحصلها في كل مكان ) وعندك احسن مطعم للوجبات السريعة ( QUICK )
شكراً لك