عليكم السلام
اخوي فيه مواقع مختصه بهذا الشئ اتفضل بعضها
http://www.homestayweb.com/
http://www.homestayfinder.com/
http://homesstay.com/
http://www.homestayagency.com/
http://www.internationalstudent.com/homestay/
http://www.ozhomestay.com.au/
http://www.sarahomestay.com/home
بالتوفيق...

ahmad059
بصراحة أذهلني سرعة ردك أخي احمد
واعجبني اسلوبك وحضورك وثقافتك
ماشاءالله عليك
متابع ممتاز
وتحب تساعد الكل بكل روح حلوة
جزاك الله ألف خير وأكثر من أمثالك
بس أنا وحده مو واحد
سلامي وتحياتي الحاره لك
وكل عام وانت بخير

طيب اذا أحد له خبرة مع أحد الاسر هناك ويعرفهم معرفةشخصية او يعرف احد هناك ممكن يدلني على هالاسرة المحترمه بدال ما أجرب حظي في اسر ماتعرفهم ولا يعرفونك
ياريت احد يفيدني اذا كان قاعد هناك او اذا سكن عند هالاسره ويدلني عليهم او على احد اصدقائهم
جزاكم الله كل خير

معليش اختي وشكرا على الاطراء >>>>مره رفعتي معنوياتي
اختي في حل بسيط وهو
انك تحجزي في البداية فندق وتقعدي فيه مدة اسبوعين
وعبر احدى المواقع الي حطيتها لك تبحثي عن الاسرة الي تناسبك وتشوفيهم
والاسرة مفيدة جدا خاصة اذا كنتي راح تسافري امريكا لدراسة اللغة
بالتوفيق...

ربي يحفظك ويخليك لنا وللمنتدى وجميع الاعضاء وشكرا ً جزيلا لك على حسن كلامك
وأحرفك الذهبية
التي خطيت بها في صفحتي
شكرا لك
بس أنا تقريبا رايحه حق علاج اقصد ولادة
فهل برأيك ممكن ان تمتنع هذه الاسرة
لو عرفو اني جايه بهدف الولاده
ويخافو
ولا عادي هم مالهم شغل فيني
ويأجرون لي الغرفه ومالهم شغل بهدف ايش أنا جايه؟؟؟
شنو تقترح علي أخي الكريم؟
وأسفه على الاطالة

اذا رايحه علاج ممكن تأجري شقه احسن وافضل لكم
اما بخصوص الاسر بعضها ما عندها مانع بس انتي اعطيهم خبر وان شاء الله يوافقو

ahmad059
مشكور على تواصلك احمد وعسى ربي يوفقك
بس حبيت استفسر منك بعد اني اخر مره في 2009 سجلت دخول ومحد طلب مني تسجيل خروجي
فهل المره هذي لمن اجي ادخل اجيب اي اثباتات باني خرجت من البلد
وهل فيها اي مشاكل لي
بصراحه اخي بنزل بروحي واختي بتحصلني عند ناس اعرفهم من قبل
وما ابغى اي مفاجأت في المطار
وخصوصا
نازلة مطار جون كيندي نيويورك
ومايمدحون فيه ابد
أرجو افادتي
وهل اذا انا حامل بتعب في هالمطار خصوصا اني سمعت
ان تريمينال وقطار من بوابه لي بوابه
وانا حامله جناطي اكيد بتعب وانا رايحه في القطار من بوابه لبوابه خصوصا اني جايه من رحله طويله
وبالنسبه للتفتيش الجديد اللي طرحتو موضوعه
في المنتدى هل ممكن يضايقوني فيه وانا حرمه ولا بس الرجاجيل؟
وماذا لو اكتشفو حملي في التفتيش؟
سوري على الاطاله

اخر العنقود سكر معقود
سوري على الاطاله
اختي ما هو تسجيل الدخول الي سويتيه ؟!
لان اغلب النساء ليس عليهم تسجيل دخول !!
القطارات للتنقل بين التيرمينال وان شاء الله ماهي متعبة
فقط تروحوا من الصالة الي وصلتم لها الى الصالة الي تودون الاقلاع منها من جديد !!
بالنسبة للتفتيش ان شاء الله ما فيه شي ومدام وصلتي مالهم دخل بالحمل !!
اتمنى لكم التوفيق

كلام مشرفنا صحيح دام انهم ما طلبوا منك تسجيل خروج يعني ما يحتاج
بالتوفيق...