الله يرزقك ياربي ويكفيك شر عيون الخلق
الموقع عندك - الربوة -طريق النهضة
العليا -شارع موسى بن نصير او مساعد العنقري (لأنه منطقة حية ومطاعم وممشى وسوبرماكت(الجزيرة-السدحان ) ومافيها شقق مفروشه

الله يوفقك ويرزقك
اتوقع شقق سكنية ايجار سنوي افضل

وعليكم السلام ورحمة الله وبركاته
الشقق المفروشة مشروع ناجح وطبعا حاول تدرسه من كل النواحي والله يرزقك
بالنسبة للمناطق أنصح قريب من المجمعات والمولات الكبار لانها مواقع مطلوبة للشقق المفروشة وأيضا قريب من المستشفيات أو الأحياء الكبيرة في الرياض والي يكون فيها كثافة سكانية عالية او قريب من مناطق الشقق المفروشة لأنها تكون مشهورة ويجوها من كل مكان مثلا شارع أبو بكر الصديق مليان شقق مفروشة وكلها ناجحة تقريبا ومشهور جدا في الرياض واي احد يبي شقق مفروشة ينصاه
وفيه ناس كثير بعد ما يبني العمارة يأجرها بأيجار سنوي ويريح راسه وطبعا أذا فيك حيل على ادارتها حلو والله يرزقك
مع التحية

الله يرزقك ..
لعل اهل الرياض يفيدوك

النظافة ثم النظافة عين طاقم للتنظيف يكون ممتاز ومدرب ومايكون من الجنسية البنقالية والموقع يكون قريب من الدوائر الحكومية

اسأل الله ان يفتح لك باب الرزق والبركه
من رأيي
الموقع : شمال الرياض (ط الملك عبدالله من عندمخرج10 ) أو ( ط العليا العام من شمال )او ( الدائري لشرقي)
أوبالقرب من الدوائر الحكوميه والمستشيات والسفارات..
الأسعار : تكون معقوله يعنياذا الشقق فندقيه وخدماتها ممتازه فهي بتكون تستاهل وإذا اق من المستوى فاسعارها مابين ال 250 إلى 450 في الليله
الخدمات :
قريبه من سوبر ماركت , مستوصف , صيدليه,مطعم , اسواق أو مجمع تجاري , مدرسه (لأن الب من يأخذ الشقق يكون منتدب او معين في مدرسه ) فلو تكون قريبه من مدرسه حكوميه او كليه بيكون افضل
وايذا تكون في منطقه ممتازه او جيده بعيده عن المصانع ومحطات البنزين عن الهواء الملوث
واهم شيء تكون ف شارع يكن تجمع شباب مثل التحليه اوغيره لأنك حتتعرض لازعاج ومحد يقرب منهم
موفق بإذن الله

الله يرزقك فيها
اهم شي النظافه وموقعها قريبا من الخدمات

مثل ماقالو الاخوان اهم شيء تكون قريبه من الخدمات وبعيدة عن الاشياء المزعجة والنظافة شيء اساسي
والله يفتح عليك الرزق من اوسع ابوابه

الله يرزقك ويقويك
حاول تكون قريب من المرافق الي يتردد لها الناس ويسافرون لاجلها مثل الوزارات
والمستشفيات الحكوميه
وكذلك على الطرق الدوليه للمسافرين والعابرين مرورا بالرياض