1. وموقعة الاجمل

الهوى الدافي
عندي 3 أسأله أرجوا ممن يملك الجواب أن لا يبخل علي بالجواب
السؤال الأول : أفضل فندق بباريس قريب من الشانز وسعره رخيص ( من 100 إلى 180 يورو ) مع رابط الفندق لو أمكن
انصحك بفندق كلاريج الشانز وسعره مناسب جدا
وهذا هو الرابط
شوف السعر دايركت من الفندق ممكن ارخص
هذا عنوانهم
74, avenue des Champs-Elysées
8Paris, France
+33 1 44 13 33 33
http://paris-claridge.frasershospitality.com/
الفندق عبارة عن استوديوهات كل استوديو بعدد غرف مختلفة
ونظامهم حلو مطبخ وصالة والله يعزك حمام
ونظام فطور - بالاضافة الى توافر النت
وصراحا نظيف وراقي

وموقعة الاجمل

السؤال الثاني : كيف وضع العبايه بأوربا نحن عائله محافظه يعني ( عباية و ونقاب ) وبالمناسبه الرحله باريس ثم النمسا ( فينا - سالزبورغ - زيلمسي ) ومنها لميونخ بألمانيا يعني كيف وضع الحجاب في كل هالدول والمدن وبما تنصحون .
عادي وماهنا اي مشاكل .....
ربي يحفظكم ويستر عليكم
السؤال الثالث : ما هي أفضل طريق للسفر من باريس إلى فينا وأنا أفضل القطار لذا أرجو إفادتي كيف أحجز .
اول ماتوصلون باريس خل الكونسيرج حق الفندق يرتب لكم وشوف اسعر الحجوزات
واذا اعجبتك احجز عن طريقهم بالنت ...وحاول تطلب عروض للعايلة
وتاكد انك تحط في الحجز وجبة حلال
وأخيرا من لديه برنامج مرتب لأربعه ايام بباريس لا يبخل علينا مثال ( اليوم الاول : المكان الفلاني : اليوم الثاني : المكان الفلاني وهكذا من دون تفصيل )
شاكر ومقدر لكم وأرجوا منكم مساعدتي
وجولة في البوابة بتلقى برنامج يتناسب معكم والله يوفقكم

بصراحه اختي قطر عطتك الفندق المناسب وانا رايحه بعد اسبوعين واجيب لكم احلى الصور ان شاء الله طبعا احنا 7 اشخاص خذنا جناح الي فيه غرفتين وحمامين تكرم وصالة ومطبخ ب2050 ريال سعودي من مكتب يمكن من عندهم راح يكون ارخص مادري بس حنا نشتري راحتنا ومعا فطور طبعا لنا كلنا
من ناحية العباية والنقاب مافيه اي مشكله انا البس عباية ونقاب والجاكيت من فوق العباية لان الحين اكيد غير عن الصيف
بس البس عباية كتف اسهل للحركة وخاص ان معاي 5 اطفال صعبه امسك العباية الراس وامسك العربانه او كل ما انزلت العباية على كتفي اروح ارفعها فخليت عباية الكتف للسفر وحجاب والنقاب الي مفصول ومثبت فيه مطاط اسهل للمطعام والكافيات ولا تحاتي هالنقطة مولية والله معبود في كل مكان والله يستر عليكم
وبالنسبة للجدول لمدة 4 ايام في باريس يعتمد هل هي السفرالاولى لكم اذا هي السفرة الاولى حاولو ترتبون الرحله بحيث تشمل اهم مناطق باريس
اهم شي اليوم الاول في باريس خلها افرارة وتمشي وتفرج على الشانز ولو تركب الباص الاحمر راح يمر فيك اشهر الاماكن وتراه يوقف قدام لي كلاريج بالضبط قدام الماريوت كل ساعه ويلف فيك لمدة ساعتين وربع ويرجعك مكانك وهذي دايم انصح فيها لان توريك باريس واهم الاماكن واليوم الثاني تقرر وين تروح برج ايفل ولا اللوفر ولا رحلى بالنهر واليوم الثالث ديزني من غير منافس واليوم الرابع اما تسوق او اي مكان مريت عليه وبخاطرك تروح له
والله يوفقكم يارب ويسهل طريقكم

مشرفتنا الغاليه
لا أملك إلا هالجملتين ( الله يسعد قلبك سعاده ما تشقين بعدها في الدنيا والآخره )