من وجه نظري مافي شي الواحد يروحهله بالرياض خصوصا انو انتم عرسان وتبون جو رايق مو صجه ولجه وحنا ماعندنا غير مطاعم واسواق بقولك كذا شي وان شاء الله يعجبونك

• مطعم القلوب ببرج الفيصليه لازم حجز
• مطعم 11a ببرج الفيصليه مايحتاج حجز البوفيه حقهم اكله روعه واذا ماتبون اكل ممكن تاخذون كوفي او عصير
• مطعم السبازيو ببرج المملكه لازم حجز اكلهم مو ذاك القد بس الجلسه روعه بس ممكن تاخذون كوفي او عصير
• مطعم ايطالي اسمه لي اولمبو بالتحليه تقاطع الضباب وانتي بالتحليه يجك بوجهك اذا قطعك الضباب
• مطعم فابيانو ايطالي بمركز لو كلايزر بالتحليه تقاطع شارع الدشوش معرف وش اسمه بس كثيرين يعرفونه بهالاسم
• مطعم كوفي بلان لبناني بشارع التحليه جنب مركز النخبه الطبي اكله حلو مره بس المنيو حقه مافي تشكيله كثير احلى شي عندهم لفه الدجاج والشيش طاووق والحمص والمتبل والكبه والفتوش والبطاطا الحره اشتهيته ههه
• مطعم الريف اللبناني حلو مره والمنيو حقهم متنوع وفي جلسات داخل الطعموفي بالحديقه مكانه التحليه قبل كوفي بلان على نفس الصفه
• كوفي ومطعم ايطالي بسنتيريا مول بالتحليه تقاطع العليا العام
• اذا تحبون الاكل الهندي فيه مطعم هند اكله يجنن بس جلساته مو ذاك القد ابدا اسم شيزان ورا الفيصليه من جوا الحاره
• كوفيات عاديه مثل ستار بكس ود.كيف......... موجوده بكل شارع وخصوصا ثلاثين العليا والتحليه والملك عبدالله والعليا العام
• منتزه المرسى جنب سوق غرناطه اتوقع على الدئري الشرقي
• منتزهات الثمامه بس انا لي 7 سنين مارحت هناك بس اللي اعرفه احلى منتزه هو فانتزي لاند بعد الدوار الثالث
• الاسواق اكثر من الهم على القلب مملكه, فيصليه ,صحارى, حياه مول ,غرناطه, لو كلايزر, سنتيريا ,رياض قالري........

ألف مبروك
ممكن أتلقف وأسويلك جدول صغير
أول يوم استأجر في فندق ( المملكة - الفيصلية ) اطلع العصر على أحد المطاعم اللي بالتحلية وترى في الرياض الفرفرة بشارع العليا العام والتحلية وطريق الملك فهد وطريق الملك عبدالله أحلى سياحة ( ههه ) بعد المغرب شف لك سوق قريب من الشوارع الأربعة السابقة ( المملكة - الفيصلية - حياة مول - صحارى ) ما حتخلص إلا عشر ونص شف كوفي في نفس السوق ثم إطلع على أحد المطاعم القريبة ( ماريز - البحصلي - ست الشام - كوبرا الهندي - الايطالي بآخر التحلية ) بعدها إرجع للفندق وريح إلى 2 الظهر
اليوم الثاني :
خذ لك شاليه فيه مسبح مثل سبلاش غرفة وصالة ومسبح وبحيرة في منصف الشاليه عليها جلسات الدخول 2 الظهر والخروج 2 المساء - لا تجيه إلا بعد ما تتغدى في أحد المطاعم - العصر فله وسباحة وسعة صدر المغرب ممكن تطلع على مجمع غرناطة قريب جدا من الشاليه وفرفرة إلى 11 المساء وعساك تخلص وفيه كوفيات خذ واحد وروق وإطلع على مطعم قريب .
أتمنالك التوفيق
وآسف على اللقافة بس ممكن تستفيد ولو جزء من الجدول

:dمساء الخير للجميع
أول شي مبروك لي هذي أول مشاركه بالمنتدى الرائع :8888:
ثاني شي مبروك الزواج وربي يوفقكم ويسعدكم
ندخل الحين بالموضوع :8888:
شوف يالغالي أنا بحاول أضبط لك برنامج على ذوقي وانت لك حرية التغيير والتعديل