السيدة لام
06-11-2022 - 11:33 am
السلام عليكم ورحمة الله وبركاته
انا باذن الله مسافرة على اخر رمضان و حبيت اخذ رايكم خصوصا انها اول مره لي في سويسرا
رحلتي بتكون من 5اغسطس الى 10 اغسطس في مونترو
10اغسطس الى 14 اغسطس انترلاكن
14اغسطس الى 22اغسطس قارمش
بيكون معنا سيارة وقارمن بس للاسف لقيت احداثيات كثيرة خطا وما اعرف ايش الصح منهم
اول سوال ابي اعرف متى اروح كرنفال جنيف
ثاني شي ايش الحل فالاحداثيات الخاطىة ؟ هل الفنادق هناك يساعدوني بهالموضوع ؟
ثالثا انا وحده مالي فالمتاحف وهالامور ابي طبيعة وشالالات والمانيا طبعا عشان الشوبينق
لقيت اقتراحات اماكن كثيرة لين احترت وابي منكم تساعدوني بالاماكن اللي لازم ما افوتها هناك
والف شكر لكم مقدما
واذا كانت الاحداثيات خطأ اكتب اسم العنوان وويوصلك واذا حاجز في قارمش بتطلع من سويسرا وبتروح قارمش اكتب اسم المدينه واذا وصلت اكتب العنوان وهو يوصلك إن شاء الله بس حدث الخريطه ،،،
اذا كان برنامجك في قارمش 9 ايام فهي كثيرة جداً عليها ممكن تقسمينها بين قارمش وبين كونستانس والتسووق في ميونخ مارينا بلاتز ثلاث ليالي قارمش وثلاث ليالي كونستانس او بادن بادن وثلاث ليالي ميونيخ كذا افضل وبراحتك
وبالنسبه للحجوزات للفنادق هل تمت ولا باقي
تحياتي