ياهلا ومرحبا حبيبي ( zyadharbi )
تفضل الأجابات على الأستفسارات :

• من جنتنغ إلى سلانجور ... سعر التاكسي ( 110 رنقت ) والتكاسي أمام الفندق بالعشرات
• سعر التاكسي من سلانجور إلى الفندق بكوالا ( 40 رنقت ) لأن المسافة أقل من 30 دقيقة
• باصات ( قو جنتنغ ) تعمل طوال الأيام وكل الأسبوع .. والزحام يزيد في السبت والأحدلأنها إجازة عندهم
• الأفضل تأخذ تاكسي من المطار إلى ( دورسيت ريجنسي ) أسرع وأريح ونفس السعر

اهلا فيك اخوي بارك الله فيك ماقصرت
لو سمحت ابي اخذ رايك
انا طالع شهر عسل وكلفتني الرحله 12 يوم شامله كل شي طيران مصاريف فنادق - دورست ريجنسي -اللاوان فيرست- صن واي- ترادوس - وستن
والغرف كلها افخم شي وترادوس جناح
كل شي كلفني من الى تقريبا 13500 ريال
هل في نظركم هذه الصرفيه تعتبر ممتازه او انا دافع كثير
مع العلم انه شهر عسل
وشكرا لكم

يامرحبا وأهلين بالغالي
بصراحة ( 13500 ريال ) على هذا البرنامج ... مناسبة جدآ ومعقولة ... أعتمد ياغلاهم
لاسيما أنها شاملة الطيران الدولي والفنادق النظيفة المذكورة ... سعر مرة حلو

الله يعطيك العافيه يا لغالي
وانا اشكرك كثير الشكر لتجاوبك السريع والله العظيم اني دورت لين تعبت في النت اسعار التكاسي من الاماكن الي انا ابغاها
لان بصراحه انا حاسب ميزانية معينه وابغا احسب صح بزيادة 20% عشان اكون فعلا متمكن من ضبط الميزانيه والتخطيط السليم
وبالمناسبه تراني قريت لك ردود كثيره واستفدت من كثير من المواضيع والردود الخاصه فيك لاعدمناك يالغالي
انا طالع من نفسي كل شي من النت سويته ولا رحت لمكتب سياحي ولا هم يحزنون وفعلا حسيت اني اقتصدت كثير
وباذن الله يوم اخلص من السفر راح اعرض لكم التقرير كامل وبطريقه ممتازه في ضبط الميزانيه وفي نفس الوقت ماتقصرون على نفسكم
انا الى الان كلفتني السفره ( مصاريف شخصيه ) + ( تذاكر طيران على الخطوط الاماراتيه ) + ( فنادق كلها ممتازه لشهر العسل + ترادوس جناح ) + ( مواصلات )
كل شي كلفني 13500 ريال
مع العلم ان 13500 داخل فيها 1000 ريال احتياط
وبعد السفر اعطيكم التقرير ان شاء الله
دعواتكم

ماشاء الله عليك أخوي ( زياد )
جدولك وترتيبك للرحلة رائع وقمة في الترتيب والجمال والإبداع
والسعر كما ذكرت لك ( مناسب ) ... وبأنتظار تقريرك بعد السفر