السلام عليكم ورحمة الله وبركاته
أخواني أخواتي أنا ولله الحمد زواجي في الصيفيه وراح أطلع شهر عسل بمشيئة الله على أندونيسيا ( جاكرتا وبالي والجبل ) كم يوم موزعه .
الي أبيه منكم الله يجزاكم ألف خير هو التالي :- أنا بالبدايه بكون في جاكرتا
أنا أخذت فندق الفور سيزون في جاكرتا ولكن ابيكم تساعدوني وتعطوني معلومات من ناحية الأماكن الحلوه اللي تصلح لعرسان. بالنهار وبالليل يعني مطاعم اسواق أماكن ساحليه
وعلى فكره ترانا كلنا مجنونين شي اسمه بحر يعني كل ماكانت الأماكن قريبه للبحر تطلع احلى واللي تشوفونه يناسب مو مشكله عطوني اللي تقدرون عليه من معلومات .
- بعد جاكرتا بطلع كم يوم باالجبل الأخضر واللي على حسب علمي انه أحلى شي فيه هو بونشاك لذلك ابيكم تقولون لي هالمعلومه اللي عندي صح ولا لا وبرضه ابي نفس الشي الأماكن المريحه والرايقه والرومانسيه بالجبل .
- بعدها بطلع بالي 4 ايام وابيكم عاد في بالي تدلعوني لأني قريت عنها وضعت ولا عاد دريت وين اروح له فأبي اسأل اللي رايحين لها ولهم خبره فيها وش أروع الفنادق فيها طبعا غير الفور سيزون أبي فندق تكون إطلالته عالبحر ويكون حوله كل شي يعني أمشي مو مشكله بس أبيه يكون قريب من الأماكن اللي ممكن أوسع صدري فيها في الأربعة أيام هذي .
وعلى حسب ماسمعت إن بالي فيها مانسميه حنا بالمشايه واللي هي مجموعة فنادق ومطاعم متجاوره يعني جنب بعض فما أدري إذا هالمعلومه صح ياليت إذا كان فيه فندق يعني عالبحر وحوله هالأماكن ياليت تعطوني اسمه واسماء الاماكن اللي ممكن أزورها ( أبيها أماكن مريحه ورايقه ورومانسيه ):tongue::wink:
وثانيا بما انكم من عشاق البحر انصحكم بشاطئ أنير Anyer يبعد حوالي 100 كم من جاكرتا يمتاز بشواطئه النظيفه ومطاعمه البحريه اللذيذه جداً....
وهو شاطئ ممتدو توجد فيه فنادق ولكن غاليه شوي افضل الاوقات الاجازات سبت وأحد