لحد الحين محد رد على الاساله مشكورين ولحد يبخل علينا
لايكون الردود ناس وناس بعد

أبشر بسعدك
أوقات الصلاة بتلقاها متوفرة سواء من الجرائد اليومية كالشرق الاوسط مثلا ومتوفرة يوميا فالاكشاك اللي فالشانز , الأمان لاتحاتي أبدا فالديرة أمان أمان حتى بليلها كأنك تتمشى العصر فالفروانية ولا الفحيحيل , ههه ضحكتني بسالفة أول ماننزل نروح وين أنت بباريس يابونويصر شوف برنامج وامش علية وبما ان اللغة عندك الله بالخير فماوصيك ابيك تقعد كم يوم تقرأ بهالمنتدى لين تعرف كل شي , واذا ضاعت علومك فراح تلقى ابوفواز قريب منك لاني بعد كم يوم هناك وبقعد شهر وزيادة والله يقدرني على توضيح بعض الامور الخافية عليك . انت بس تعال ولاتحمل هم شي واللي تبي بساعدك علية

abofawaz
الله يعطيك الصحه والعافيه يا بوفواز ومشكور على المرور وتروح وترد بالسلامه ان شاءالله
وبدرجها لين الله يفرجها

هذا الرابط يوجد برنامج الاذان بامكانك الاعتماد عليه
لمواقيت الصلاة
كل ما عليك الا ننزيل برنامج الاذان من الموقع واختيار المدينة اللي انت فيها
بشرط ان تضبط الوقت بالكبيوتر
وضيعة ما هناك ضيعة
بالتوفيق
يمكن نشوفك هناك وناخذلك صور وانت ضائع ههه
[http:/http://www.islamicfinder.org/index.php?lang=arabic

الله يسعدكم ورحلة موفقة

اخواني اهم شيء تكون معك الجوازات وبها الفيز
ومستوفين الشروط ...
تاكد من رقم سفارتكم في باريس ماهو عشان شيء الا بس احتياط
اصرف يورو يعني خل معك فئات صغيرة

خل معك تاكيد حجز الفندق وعنوانة عشان تاصل له اول ماتوصل باريس بسهولة
حط اسم الفندق في جوجل وابحث عن اقرب الاشياء له
تاكد ان يكون معك سجادة الصلاة ... والمصحف
تاكد تاخذ معك جوال اضافي وشاحن عشان تحط به كرت فرنسي وانصحك تستخدم
خط شبكة اورنج اوفر واسهل من خط سفار ...ومتوفرة التعبئة في كل مكان
والخط تقدر تشترية من محل فناك جمب سيفورا الشانز تقريبا 30 يورو
وربي يحفظكم ...لاتنسون المظلات لان مرات تمطر والشمس اشكبرها في السماء
لاتنسى تشرب كوفي فينس في قهوة الفوكيت بالشانز
الفوكيتdata_travel/data/500/2601078229_683d6a610a.jpg
واحلى مكرون وكافية لاتية في لادورية الشانز
هذي كلها من لادوريه الصور

واحلى بيتزا في بيتزا بينو الشانز....
واحلى باستا ورزتو في مونتو كرستوا المقهى اللي جمب
فندق ماريوت الشانز ....
مقهى المونتو كرست

وطبعا نصيحة تشترون من عطورات غيرلان اللي جمب فندق الماريوت بالشانز
وخصوصا العطورات الخاصة بمحل باريس في الدور الثاني بالمحل
وتجرب سندويش جبنة امونتال في الباجيت الفرنسي عند ليناز وفروعة منتشرة في كل مكان
وانصحك تمر محل احلى قهوة اسبريسو سويسرية فروعة في العالم كلة وعندهم فرع من دورين كبير
بالشانز قبل محل ال في (لوي فيتون ) تقدر تجرب انواع الكوفي عندهم

3- اماكن سياحيه حلوة
عند سفارة قطر اللي اول الشانز

تلقون الباصات المكشوفة اللي تاخذكم لااهم معالم باريس وترجعكم نفس المكان وكل شوي يوقف الباص اذا احد يحب ينزل ...يعني ماهنا مشكلة ترجعون نفس المكان ...
هذا الرابط ممكن يفيدك
https://artravelers.com/p/re/228766
طبعا برج ايفل روعة

اللوفر كنيسة نوتردام فرساي ساحة الكونكورد نهر السين
انصحكم تمرون مطعم البودبار روعة
وهذا الرابط بفيدكم كثير
https://artravelers.com/p/re/220427
هذا من مقهى قدام محل كارتير اللي مقابل فندق الشاتو بالشانز

وانصحكم بقوة تجربون حلويات وشوكلاتة احلى محل شوكلاتة في باريس عندي انا
هذا من محل الشوكلات ماميزون دو شوكلاته قادام فندق الشاتو بالضبط بس يوم الاحد مايفتح

هذا لمقهى المدريجال قبل تغيير اسمة

ومن عند فندق الفوكيت اللي جمب مقهى الفوكيت الشهير اللي بالشانز بتحصلون ماركات كثيرة
واهمهم ماركتي المفضلة هيرمس

وبتلقون بولغري كبير جديد مفتوح ومحلات كثيرة للماركات ...على اليمين واليسار
طبعا لازم تمرون فندق الفورسيزن (الجورج سانك)
هذا الرابط بيفيدكم
https://artravelers.com/p/re/242345
التكاسي وباريس ماتحتاجون تكاسي كثير اذا مشاويركم في الشانز والافنيو مونتال قريب
اما اذا بتروحون اللاديفانس (سوق الفصول الاربع ) او جاليري لافايت وجمبة برنتومب تحتاجون تاكسي
وافضل اسالوا قبل لاتطلعون من الفندق الكونسيرج يعطونكم العنوان مكتوب في ورقة ترونها التاكسي
وكذلك اذا المكان اللي ودكم به يحتاج تاكسي او لا ...ولازم تخلون كرت الفندق عنوانة معاكم اذا رحتم عشان ماتضيعون
ودعواتي لكم برحلة ميسرة والله الله بالتقرير

السلام عليكم اخوي وانشاله ماكو الا الخير السالفه سهله كلش اهم شي عندك عنوان الفندق ودايم خله معاك طبعا الي في فرنسا ومطار فرنسا مو صعب اول ما تنزل اكيد تمشي مع الناس الين توصل عند الجوازات علشان ختم الدخول يمكن يسالك عن الفندق والمده الي بتسكن فيها حاول اتجاوبه واذا ماعرفت راوه حجز الفندق وراوه التذكره علشان اعرف انك سايح وبعدين راح اتروح صوب السير مال لجنط الحقائب تاخذ الاغراض وسلام عليكم بعدين تطلع قبل ما تلطع من المطار في مكان اسمونه information center هذا اعلمك كل شي اساله عن سعر التاكسي يعني جم تدفع له بحدود جم علشان لا ينصب عليك التاكسي وانشاله توصل الفندق بسلام وبعدين كل شغلك مع الرشبشن اي مكان بتروح اسالهم يعني الطريق وجم الاسعار ادري في مشكله اللغه بس تره في لبنانيين بس خل بالك من العرب الله اسامحهم االاغلب ينصب ويستغل وطبعا هم اخذ معاك ميزانيه اشوي رايهه لان الديره اشوي غالي وانت رايح باريس اغلى منطقعه بفرنسا والله اوفقكم

خلاص بعد شتبي يابونويصر ضبطتك الأخت المميزة qatar2007 حاطة لك خوش تقرير اتمنى تحجز الفندق قبل السفر عشان ترتاح
ضروري تشتري خطين موبايل فرنسي سعر الشريحة 29 يورو لانك راح تحتاجة
اكرر على القراءة فالمنتدى كثيرا وانا متأكد انك راح تستفيد حيل بس شد حيلك فالقراءة ولازم تعرف ان الديرة غالية جدا جدا ولاتقارنها باسعار ديرتك مايذبحنا الا المقارنة
اتمنى لك سفرة موفقة

ههه
معليش على الضحكه انا مثل ابو نويصر ولا الموعد نفس الموعد والله متقصر يابو فواز بس عندي لك ر آي وش رايك تسوي قروب وترى انا اول المشاركين فيه انا وابو نويصر ............
واذا لقيت حل يابو نويصر سجلني معك .............تحياتي للجميع والله يعيننا على الرحلة

الغالب
والله ماهي بشينة
خلني اطلع فلوس بهالسفرة
وين طرت عليك هالفكرة و خلاص بعتمد القرووب وبستعين بصديق (ابومالك) وقد احتاج للاتصال بصديق ( بعدين أسافر ) وام سيف المخططة و qatar2007 المديرة التنفيذية
بس كملوا 10 أشخاص ودعوا لنا القيادة استمتعوا بالرحلة
والله كديت خير يابوفواز