عندك 19 ليله افضل وسيله تنقل السياره
ميونخ وصول فقط - 3ليالي سالزبورغ - 7ليالي زيلامسي -4 ليالي كونستانس - ليلتين رست - 3ليالي ميونخ
هذا المخطط حق سفرنا العام الماضي المسافات كلها بسيطه ما عدا من زيلامسي الى كونستانس 380 كلم
من رست الى ميونخ 380 كلم
ولكن المسافات هذي مقدور عليها
نتفق على المخطط وبعدها نتكلم بالسكن وانا افضل في زيلامس يتاخذون فيلا او شقه وتطبخون فيها لان معاكم اطفال وانا واهي نسوي هالشي
وحتى في كونستانس نفس الشي

يعطيج العافيه أختي دموع الوجد ....عندي كذا سؤال ...هل استخدم السياره من ميونخ على طول ؟؟؟يقال صعب احصل مواقف وقوانينهم في السياقه صعبه شوي او شرايج ؟؟؟؟؟
ثانيا سمعت ان يكفي ازور سالزبوغ من زل ام سي حتى لو مرتين اذا استقريت بزل ام سي او كابرون ؟؟؟
واين تقع منطقة كونستانس ؟؟؟؟
يعني ممكن اخرج من زل ام سي واستقر بكونستاس او جارمش ثم اذهب الى رست ؟؟؟؟
ارجو المساعده !!!!!!!!!!
هل في مكاتب بزل ام سي لتنظيم رحلات الى الاماكن السياحيه .صراحه زوجي متخوف من سياقة السياره في اوربا وخصوصا اول مره نذهب اليها....

الافضل انك ستكنين فيها دام عندك ايام وليش الهجوله راح تتعبون من التنقل
اذا ما معاكم سياره راح تروح اكثر المتعه
كونستانس حطيتها عشان تربط زيلامسي برست اللي فيها العاب اليورب بارك
كونستانس اقرب الى رست من جارمش
اذا ما تبغون سياره راح تعتمدون على القطارات للانتقال بين المدن والباصات للانتقال بين الاماكن السياحيه وانا ما انصحك بهالشي لانه مرات يضيع وقتكم وانتوا تنتظرون الباص يجي ولا تنحدون بالوقت وتطلعون بسرعه وحوسه بصراحه واحنا مو متعودين على الباصات والهجوله
هذا رايي وانا اشوف اذا بتروحون بالقطارات يفضل يتغير المخطط عشان اغلب المسارات فيها توقيف او تبديل وتعب
وراح نقلل المدن وانا بصراحه ما اقدر اساعدك الا اذا كانت الوسيله السياره لان ما عندي خبره بالقطارات ابدا