اهلا وسهلا بك اخي المسافر مصطفى
ونرحب بالاخوه الاعزاء من مصر الحبيبه
وألف مبروك الزواج ..
عزيزي بالنسبة للاجابات فهي كالتالي :
1- ارشج فندق قراند اوزتانيك
2- الجو في الصباح بيكون معتدل اما الظهر قد يكون حار والمساء اجواء جميلة
3- انصحك بزيارة سوق محمود باشا في منطقة سيركجي مقابل ميناء امينونو .
4- خذ معاك من مصر دولار واصرفها ليره اول ماتوصل .
5- بالنسبة لليل اسطنبول فانا في اغلب رحلاتي انام الساعه 9 بالكثير 10 فلا اعلم عن ليل اسطنبول شي
اتمنى لك رحلة موفقه
ولاي استفسارات نتشرف بالخدمة
تحياتي لكم

1. اما اماكن الجمله هتلاقيها فى لالالى و سوق محمود باشا و عثمان بيه

الف مبروك يا مصطفى انا ايضا من مصر و مسافرة ان شاء الله مع اسرتى فى نفس الفترة من 15 الى 22 -7
اولا بالنسبه للفندق انا السنه الماضيه نزلت فى كريستال و انصحك به جدا جدا اولا الحجرة واسعه و الفندق كله غرفه لسه متجددة السنه قبل الماضيه و الافطار فيه حلو اوى و متنوع و قريب من جميع المواصلات العامه فعلى يمينه مباشرة محطة مترو الانفاق و قريب منه جدا محطه الاتوبيس و بجانبه صرافه اسعارها ممتازة و قريب جدا من شارع الاستقلال تقريبا 5 دقائق مشى

• الجو فى الفترة دى كما قال لك الاخ ابو تركى معتدل فى النهار و حار فى الظهر و جميل جدا فى المساء
• اماكن التسوق كثيرة جدا و متنوعه و اهمها و ارخصها اولا روح اوليفيم مول دة مول اوتلت و اسعارة تحفه و فيه كل الماركات و فى فى الدور الارضى سوبر ماركت كارفور اشترى منه المياه و البيبسى ارخص و هتوفر معاك كتير للذهاب الى اوليفيم مول خد الباص من امام فندق مرمرة لمنطقه زينونبورنو (اسئل اى سائق عن رقم الباص الذاهب هناك و لما تطلع الى الباص قول للسائق اوليفيم مول هينزلك هناك)و كمان امام المول محلات بتبيع استوكات الماركات اسعارها حلوة اوى

و يوجد بازار الجمعه المقام فى منطقه فندقزادة دة سوق شعبى و اسعارة حلوة اوى اوى و هتلاقى فيه ماركات مثل زارة ب 7,30 ليرة و جينزات رجالى تحفه و كل الى فيه صناعه تركى لا يوجد حاجه صينى
و كمان فيه محلات منتشرة هناك اسمها lc wakiki دى حاجتها حلوة اوى و اسعارها كمان ممتازة و يوجد لها اوت لت فى منتصف شارع الاستقلال على ايدك اليمين
و عموما انت رايح وقت الاوكازيونات هتلاقى كل المحلات عامله تخفيضات نحفه
و كمان فى مانجو اوتلت فى شارع الاستقلال على ايدك الشمال
و روح جواهر مول فى محلات بتكون عامله تنزيلات تصل الى 70% و متنساش تنزل الدور الارضى فى سوبر ماركت كبيرة اسمها ميجروس هتلاقى فيها حاجات تحفه و اسعارها ارخص من اى مكان تانى

اما اماكن الجمله هتلاقيها فى لالالى و سوق محمود باشا و عثمان بيه

خد معاك الدولار و غيرة هناك بليرة لانهم هناك لما بيلاقوك بتدفع الدولار بيطمعوا فيك و متغيرش الدولارات من البنك ولا المطار ولا الفندق لانهم بياخذوا ضريبه عاليه اوى غيرها من الصرافه هتلاقى مكتوب عليهاdoviz و خلى بالك ان الصرافه بتغلق يوم الاحد

• بالليل ممكن تروح منطقه اورطاكوى و تجلس على البسفور هناك و كمان التمشيه فى شارع الاستقلال احلى فى الليل و الذهاب الى ميناء امينونو و اكل سندويتش السمك الرهيب هناك و عموما حاول ان تنام بدرى لان الحياة فى اسطنبول تيدأ بدرى و تنتهى بدرى الساعه العاشرة جميع المحلات و المولات تغلق

يا رب اكون افدتك و انا تحت امرك فى اى استفسار و الف مبروك مرة ثانيه

الاخت ريهام
دائما بتكونى فى عون المحتاج للمساعده
انا بأذن الله مسافر استنبول 25-6 الى 2-7
ياريت تقوليلى يا ريهام فين فندق زاده واوصله ازاى من تقسيم علشان اكسب وقت واروحله بدرى
اشكرك جدا على اهتمامك
تحياتى

ريهام كمال
معلوماتك وافية ،، استفدت كثير ،،
يعطيك العافية

من عشاق تركيا شكرا جزيلا و علشان تروح فندزادة من تقسيم خذ الباص من محطه الباصات التى امام ماك دونالذ و اسئل عن الباص الذى يذهب الى فندقزادة -اول ما تنزل عدى الشارع هتلاقى البازار امامك - البازار يفتح من الساعه 9 صباحا الى 7 مسائا و اى استفسار انا تحت امرك

دى مار الف شكر و اهم جاحهانى عرفت افيدك و لو بمعلومه صغيرة

شكرا ياريهام معلوماتك قيمه واستفدت منها كثير

الف شكر ليكى جدا يا اخت ريهام معلومات قيمه جدا بجد
يعنى اخد فندق كريستال وخلاص على ضمانتك :d وانتى هتكونى قاعده فين السنادى ان شاء الله

توكل على الله و خذة على ضمانتى انا السنه دى بصراحه حبيت اغير و بالمرة اوفر علشان كده هنزل فى السلطان احمد فى فندق حميديه
سؤال هو انت طلع مع شركه سياحه اسمها ايه