ابوسلطان222
14-10-2022 - 03:23 am
بسم الله الرحمن الرحيم
السلام عليكم ورحمة الله وبركاته :
أخواني سوف أذهب بإذن الله الى التشيك لعلاج ابني شفاه الله وراسلت مصح هناك في تبليته مصح( نوفي لازني ) وأفادوني بإمكانية علاجه لديهم لمدة ثلاثة أشهر وحاب تساعدوني باشاياء كثيرة واكون ممنون لكم :
1- طريقة السفر عن طريق اي خطوط واي شركة افضل وارخص علما انا في الرياض .
2- كم يكفي للمصاريف والسكن هناك لثلاثة أشخاص من دون الطفل علما ان العلاج متكفل فيه.
3- التأشيره وهذا المهههم .
4- كيفية الحصول على وسيلة الاتصال هناك وهل ممكن اخذ المحمول معي .
5- كيف الجو هناك انا رايح في نهاية شهر فبراير .
6- كيف المواصلات والتنقل هناك .
7- وش المسموح فيه والممنوع بالدخول لاني بصراحه مدمن قهوه عربيه هل مسموح احملها معي .
والله منحرج من كثر أسئلتي بس السموحه:36_3_15:
8- اللي عنده معلومه عن مصح (نوفي لازني) وكيف سمعته .
9-أخذ معي يورو والادولار وكم الصرف .
10- هل يوجد مترجمين هناك لاني من جنبها في اللغه .
والف شكر لكم ولا احد رجاءً يقول ادخل على مواضيع موجوده في المنتدى لانها اغلبها قديمه والامور هناك تغيرت حسب ماسمعت وقرأت، تكفون ردو وساعدوني وفقكم الله .
طلب صغير (((( ادعو الله انه يشفي ولدي وجميع المسلمين ))))))))))))))).....
شفاه الله ابنك واعادكم وانتم سالمين بإذنه
بخصوص مسئلة العلاج ومايتعلق به .. لا امتلك اي خبرة لذا اترك المجال للآخوة الآخرين لإفادتك .
اولاً : بالنسبة للخطوط ف العروض كثيرة وخاصة من القطرية والاماراتية للوجهات الاوروبية عموماً ومنها براغ .. وانتبه من الخطوط التركية لأنها سيئة هذا اولاً وفي الفترة هذي تكون غالية مقارنه بغيرها .
ثانياً : التكلفة اتوقع ان الامور تتجه في اوروبا للرخص اكثر من الغلاء ولا اتوقع ان الاسعار ارتفعت عن الصيف ولكن اكيد اكيد انها انخفضت سواءً في السكن او حتى المواد الغذائية وخاصة ان اليورو الان بحوالي 4.8 بعد ماكان 6 بالصيف والكرونا العملة التشيك كانت (4كرونا-ريال واحد ) الآن (5.3كرونا-ريال واحد) .
شوف المصاريف صعب جداً اتنبأ فيها لأن الكل متوقع تتغير الاسعار كليا بعد إنتهاء عام 2008 وانت رايح في فبراير ..وعلشان كذا انا راح اعطيك حسبة بسيطة انت عندك سكن مع مواد غذائية وتنقل ولمدة 3 شهور .. يعني اكيد التكلفة عالية جداً
السكن = 30000 ريال هذا بناء على قيمة سكن فعلية , المواد الغذائية يختلف على حسب اذا كان اكلك من مطاعم ولاطبخ في الشقة واذا كان طبخ زيد على اسعار السعودية النص يعني اللي ب 10 هناك 15 او الضعف يطلع 20 .. هذا للتقريب بس وعموماً اسعار المواد الغذائية غالية حسب ما اعرف لكن اكيد في وقتك بتكون ارخص كثيير
باقي التنقل انت موجود للعلاج وتنقلك راح يكون بسيط جداً ف اتوقع استئجار السيارة غير مجدي وراح تكتفي بالسواقين العرب المتواجدين هناك وراح تشوفهم هناك بشكل ملحوظ ومن ناحية نصب اطمأن قليل جداً .
ثالثاً : التأشيرة موجود لها عدة مواضيع ولها شرح متكامل عن الطلبات وارجع واقول وقت سفرك ماراح يكون فيه ضغط كبيير واتوقع ان الامور راح تكون اسهل ان شاء الله .. وعادة نوع التأشيرة راح يكون سياحة حتى لو كنت رايح علاج الا اذا كان عندك تقرير من وزارة الصحة او ماشابه , وعموماً التعقيد الوحيد في الفيزا هو حجز السكن لازم يكون معك من ضمن اوراق التقديم .
رابعاً : بالإمكان تاخذ المحمول وبدون مشاكل والانترنت هناك سريع جداً حسب تجربتي , والاتصال عندك شرائح فودافون بتلاقيها عند بقالة اللي يبيع فيها سوري .
خامساً : الجو راح يكون بارد جداً نهاية فبراير واكيد راح تلحق على الثلج بس الميزة ذاك الوقت يبدأ النهار يأخذ من الليل ولو انك راح تمل من طول الليل هناك بالبداية .
سادساً : المواصلات والتنقل عندك محطة قطارات في تبليتسة لكن تحتاج لغة لأني جربتهم مايعرفون انجليزي , وعندك باص او ترام يوقف بالضبط عند مصحة نوفي لازني يوديك المكان اللي تبيه سواءً الانتر شبار او الهايبر نوفا بس مايطلعك طبعاً من المدينة ومثل ماقلت لك عندك التكاسي والسواقين ..وانصحك عموماً تتعامل مع الرسيبشن تبع فندق تبليتسة بلازا لان لغتهم الانجليزية ممتازة ويعطونك فكرة حلوة واعتبرهم الانفروميشن تبع المدينة لما كنت هناك .
سابعاً : الممنوع السوائل عموماً لكن انت حطها في الشنطة لاتخليها ظاهرة والقهوة مافيه مشكلة وماالومك على القهوة على الاقل تدفى من البرد هناك .
ثامناً : ما دري وش وضعه لكن شكله جيد وكانوا يمدحونه هناك .
تاسعاً : اذا كنت تقصد لغتك الانجليزية سيئة فما لك الا تاخذ رقم واحد تتفق معاه ..واتوقع الشباب راح يفيدوك .
عاشراً : يورو طبعاً وراح تحتاج هناك للكرونا التشيكية .
لاتخاف موضوع الفيزا جديد لأن التشيك دخلت الشينجين عام 2008 وطلباتهم تقريباً وحدة في كل الدول .
وفي النهاية اللهم اشفي مريضكم ..الله اشفي مريضكم .. اللهم اشفي مريضكم .