1. وجلست ابحث وابحث وابحث وماعرفت وش اسوي

السلام عليكم ورحمة الله وبركاته
اخواني خبراء تركيا طالبه مساعدتكم لي وعارفه انكم مارح تقصرون معي
انا وزوجي قررنا نغير جو وقلنا مالها الا تركيا

وجلست ابحث وابحث وابحث وماعرفت وش اسوي

ياليت تساعدوني مدة السفر تقريبا اسبوع بتاريخ ان شاء الله 25-9- 2010 الى 2-10-2010
بالنسبه لمكان الاقامه وترتيب الرحله ماعرفت وش اسوي وش رايكم وش تقترحون وكيف راح يكون التنظيم في اسبوع فقط !!! ايش اقدر ازور من مدن ؟؟ والمدن هذي كيف صايره؟؟!! بحر ولا طبيعه ولا شو!! يعني فهموني عن كل شي
الفنادق بحثت عن فنادق اسطنبول فقط في بوكنج ولقيت اسعار حلوه بس مدري وش افضل الفنادق !! في تقسيم او في السلطان احمد !!! وهل المناطق الثانيه فيها مبيت!! وش افضل فنادق فيها يفضل سعرها من 200الى 400 ل الليله
راح اعرض لكم اللي للقيت واتمنى تساعدوني بطريقة الترتيب والفنادق
الفنادق اللي وجدت :_
Hotel Le Piano مدة 6ليالي 2688 ريال غير مسترد 2974 ريال مسترد .. شامل الافطار + الضريبه 8%
Hotel Adonis Palace على بعد 400 متر من منطقة السلطان احمد التاريخيه ومقابل ل محطة الترام
لمدة 6 ليالي 2974 ريال غير مسترد 3289 ريال مسترد .. شامل الافطار + الضريبه 8%
Albatros Premier Hotel في قلب السلطان احمد لمدة 6 ليالي 2659 ريال مسترد .. شامل الافطار + الضريبه 8%
Raymond Hotel في قلب السلطان احمد و يقع بالقرب من معالم المدينة القديمة التاريخية مثل قصر توبكابي والبازار الكبير 6 ليالي 2278 ريال مسترد .. شامل الافطار + الضريبه 8%
Taksim Gonen Hotel في موقع جيد في ساحة تقسيم في قلب إسطنبول. إن الفندق هو بجوار جميع معالم المدينة الرئيسية 6 ليالي 3146 ريال غير مسترد 3432 ريال مسترد .. شامل الافطار + الضريبه 8%
Arden City Hotel يقع في مركز اسطنبول التاريخي حيث تم تجديده عام 2010 و هو يقدم غرف واسعة و عصرية 6ليالي 3079 ريال غير مسترد 3308 ريال مسترد .. شامل الافطار + الضريبه 8%
Tulip City Taksim فندق تيوليب ستي فائق الأناق يقع في تقسيم المركزية و على بعد 5 دقائق من محطة المترو 6 ليالي 2831 ريال مسترد .. شامل الافطار + الضريبه 8%
هذا اللي وجدت وماعرفت وين الافضل في قلب تقسيم او في السلطان احمد ؟؟!! وهل الفنادق هذي جيده ولا فيه احسن منها؟؟ ابي حدود السعر ل الليله يكون من 200 الى 400 يعني فندق 4 نجوم
وهل بوكنج مضمون؟؟؟ بصراحه ماعمري جربته يعني احجز منه وانا مطمنه؟؟!!
والجو على نهاية شهر 9 كيف راح يكون؟؟!! بارد؟ يحتاج جاكيت وملابس شتاء ولا؟!!
وكم تقريبا ممكن تكلف الرحله !! وهل الاسعار عندهم غاليه كمعيشه!! يعني صرف يومي تقريبا ل شخصين فقط ؟؟؟