تل العرائس في رأي عادي جدا ولا يستحق الزياره أبدا
تلفريك مقهى بيرلوتي نصيحه لا تروحو المنطقه فيها كأبه مو طبيعيه عشان منطقة قبور مو حلوه ابدا هيا الا فيها جامع
الصحابي أيوب رضي الله عنه بس عشان منطقة قبور مادري ماحبيناها ابدا
شارع بغداد سمعت انو عادي لانو في اسطنبول اسيا واسطنبول اسيا مو حلوه ابدا
قلعة روميلي حيصار ما رحتها بس شفتها في تقرير من التقارير ومره عجبتني
ومو مشهوره في المنتدى بس قلعه عظيمه ع البسفور
منطقة الأورتاكوي ع البحر حلوه
منطقة ترابيا أو طرابيا حلوه وع البحر
متحف بانوراما 1453 هوا معرض عن فتح القسطنطينيه في تقرير عنو في المنتدى شوفو يمكن يعجبك
خزان الماء الأثري تحت الأرض Yarabatan Saraye حلو وفي المنطقة التاريخيه يعني قريب من ايا صوفيا وقصر توب كابي ومسجد السلطان أحمد
بس ترا أيا صوفيا برأي عادي جدا لا يستحق الزياره
يعني زور مسجد السلطان أحمد وخزان الماء وتوب كابي متحف روعه وحديقه غولهانه بارك كلهم قريبين من بعض ومشي تنقلنا بينهم
بس أهم شي مو الثلاثاء لان توب كابي مغلق الثلاثاء
وبالنسبه للمجمعات أهمها برأي استينيا بارك فخم وجديد وجواهر مول ومترو سيتي ومول فوريوم اسطنبول لان فيه حوض السمك الكبير ومعرض المنحوتات الثلجيه بس صراحه ما زرتو بس شفتو في تقرير وعجبني
ودي خريطه مره أفادتنا
https://artravelers.com/p/re/224714
في حديقه كمان شفتها في تقرير بس نسيت اسمها ادور عليه واحط اسمها انها مره حلوه
وانتا أفضل شي احصر نفسك في أحلى الأماكن واحلى القصور
لان في بعض المناطق مو حلو
مجمع كابيتول في اسيا مو حلو كمان وصغير
في استينيا بارك مول جديد يجن لا يفوتك
مجمع جواهر من اكبر المجمعات لا يفوتك كمان

المهم في حديقه اسمها ميرجان كورسوه في دا الموضوع صور عنها وطريقة الذهاب لها
https://artravelers.com/p/re/428531

فنونه ليمونه
شكرا لك أختي
إضافتك قيمه أكيد
وشكرا للنصائح
أخوك