ياشباب وينكم.......انا داخل على الله ثم عليكم..

وعليكم السلام ورحمة الله وبركاته
ا
شارع التحليه:
1- مقاهي
2-مطاعم
الثمامه :
1-بر:البر للعوائل وللشباب
2-المنتزهات:عوائل فقط

اسفين على التأخير اخووي ..
وبالنسبه لاماكن الشباب مافيه شي مخصص لشباب الا المقهى ويسكر بعد الساعه 2 صباح ..
ماعندك الا الثمامه اذا كنت راعي كشته وجلسه في الثمامه ( البر ) ..!!
اما اماكن العوايل كل مكان تروح له مخصص للعوايل مثلا المجمعات والمولات والاسواق والمنتزهات ..!!
وانا من رائيي افضل لمنع الشباب لدخول اماكن العوائل لمنع اي مشاكل تحصل ودرء المفاسد ..!!
هذي نبذه مختصره ..
وارجو اني افادتك ..

وعليكم السلام ورحمة الله وبركاته
ياحيا الله اخونا المسافر الغريب بالعاصمه
شوف أخوي ترى الرياض فيها أماكن كثيره مسموح الدخول فيها للشباب بس الإخوان في المنتدى الله يهداهم مايشجعون على السياحه الشبابيه والمفروض يكون العكس أنا راح أذكرلك أفضل الأماكن ولك حرية الإختيار .
أولا : المولات المخصصه للشباب .
1-لوكاليز مول بشارع التحليه
2-الشعله مول
3-فنيسيا مول
4-مركز بن سليمان في البطحاء
5-سوق المعيقليه (أقمشه + شمغ وغتر + بشوت +عطورت + أحذيه + ملابس داخليه
ثانيا: المولات المخصصه للعوائل وتستطيعون الدخول لها من الصباح الى أذان المغرب راح أذكرلك أفضلها.
1-الرياض غالري
2-غرناطه مول
3-حياة مول
4- المملكه مول من السبت الى الثلاثاء تقدرون تدخلون حتى الليل في الأربعاء والخميس للعوائل
5الفيصليه مول من السبت الى الثلاثاء تقدرون تدخلون حتى الليل في الأربعاء والخميس للعوائل
ثالثا: الملاهي .
الحكير لاند يوم الجمعه مخصصه للشباب والملاهي عندهم للكبار راح تعجبكم حلوه ومنوعه
رابعا: الحدائق .
حيقة الحيوان فيه ايام لشباب وفيه ايام للعوائل ورقمهم 014779523
خامسا: الكافيهات والمطاعم الفخمه والراقيه .
1- شارع التحليه مليان كافيهات ومطاعم جونان وروقان
2-شارع الثلاثين لما تكون الفيصليه على يدك اليمين وإنت على شارع العليا إدخل يسار,الشارع نفس التحليه بس أصغر
سادسا :أماكن تستحق الزياره .
1- متحف صقر الجزيره متحف يستحق الزياره بجد
2-معرض الكتاب الذي سيفتتح يوم الثلاثاء القادم
3-سوق الزل (سوق تراثي) يرجعك لأيام زمان
4- مطل برج الفيصليه تقدر تروحله بأي وقت ليس مخصص وأنصحك تروحله بعد العصر عشان تشوف الرياض كلها بوضوح لا يفوتك المنظر خيال طبعا الدخول 25 ريال للشخص
5-الثمامه وفيها كل شي دبابات + صالات رياضيه (بلياردوا - بولنق ) + مقاهي + نفود + شاليهات +منتزهات وو....الخ
أخيرا أتمنالك رحله ممتعه وأي سؤال أنا حاضر .

ألف شكر لكي أختي مرسى الأحزان..

لا بالعكس ياشنب ماسويت شي وعلى فكره انا أخوك

معليش طوولت عليكم ...لكن ابغى أفخم صالة بياردو بالرياض واسعار معقوولة