وشاح العز
14-10-2022 - 08:14 pm
السلام عليكم ورحمة الله وبركاته
أنا أكتب لكم اليوم من ربوع ماليزيا في كوالالمبور ،
لقد استفدت مما طرحه الأعضاء في هذا المنتدى ،
المزعج هو تأخر الطائرة في الاقلاع من مطار الملك خالد فقد صعدنا الطائرة الساعة الثامنة والنصف ولم تقلع إلا الساعة العاشرة إلا عشر دقائق ..
الحمد لله الأمور متيسرة بداية من استقبال المرشد السياحي لي في المطار وترتيب كل الأمور على مايرام ولله الحمد ..
مدة الإقامة شهر كامل واسبوع، سأخصص منها ثلاثة أسابيع في الدراسة في المجلس الثقافي الانجليزي (انجلش كورس ) ..
أنا الآن استخدم الأنترنت من شقتي عن طريق الواير لس حقيقة السرعة خيال ..
أنا بس اللي مسبب لي قلق المرشد السياحي ، كل ما أقوله وين نروح يقول قدامك شهر وأسبوع لا تستعجل على روحك وخبركم الواحد شفقان وماصدق يوصل .. تصدقون اليوم الصباح أخذت العائلة والأطفال وانطلقت بدري لأبراح برتوناس وصراحة ماتوقعت كل الزحمة بس اعجبني فيهم احترام النظام . بس التسوق في الأبراج غالي جدا ياليت من ينصحني بأسواق ..
بالأمس مررت على أسواق امبانج بوينت وصراحة فيه كل شيء يخطر في بالك ..
وأخذنا من محل اتصالات هناك بطاقات اتصالات على 8 رنجت لكن ما أقدر اتصل فيها للسعودية فقط اقدر ارسل رسائل ، لكن داخل كوالالمبور الاتصال بها مناسب جدا ..
على العموم هذا الموضوع على عجل ولنا رجعه .. بإذن الله
شكرا لكم
أخوكم / وشاح العز
الحمد لله على سلامتك
انا ماودي اطول عليك علشان كذا بحاول اجاوبك عليك بسرعة
بالنسبة للتمشيات اقولك لاتعتمد على المرشد كثير
الزحمة اللي في بتروناس طبيعية لكن بقية الاماكن ما رحا تشوف فيها زحمة
انصحك مبدئياً تروح للاماكن في كوالا بدون مرشد
برج منارة ...... المنظر من فوق احسن من بتروناس
مجمع تايمز سكوير ....... فيه العاب ومطاعم
خذ تاكسي وقوله ابغى اروح اتفرج على مدينة بتروجايا ( المدينة الإدارية )
تقدر تروح حديقة الحيوان ........ لاكن لاتتوقع انك بتشوف شيء مختلف زي اي حديقة حيوان
تقدر تروح لحديقة الطيور والفراشات ...... كلها جنب بعض
بالنسبة للأسواق ...... سوق البرجين غالي جداً ...... وحط في بالك بقية الأسواق ما راح تشوف فيها شيء زايد عن السعودية ........ لكن ممكن تروح لسوق ( سوقو ) تنظيمه حلو بحيث كل طابق فيه نوعية معينة من المبيعات ........ لكن ما زلت أقولك الأسواق في السعودية ممتازة ولا يعلى عليها ..... لكن روح تمشى يمكن تلاقي شيء يعجبكبالنسبة للاتصالات اشتري شريحة اسمها ( سيلكوم ) ...... ممتازة جداً وتكلم فيها من ماليزيا للسعودية الدقيقة بريال ونص ...... بس افهم منهم كيف تستخدمها علشان تتكلم الدقيقة بريال ونص ...... لازم تحط قبل الرقم في السعودية ( 131 ) يعني بهذا الشكل 13100966
بالنسبة للمطاعم لاتنسى تروح لمطعم المرجان في الدور الرابع من البرجين تراه جيد وحلو ..... وسعره ماهو مثل السوق غالي ...... بوفيه مفتوح الشخص ب 38 ريال وكل الاكل مناسب لنا
لو خطر في بالك أي سؤال حنا معاك على الخط
لاتتردد وأسأل أول بأول لا يردك إلا لسانك