حمد لله على السلامة أخوي بندر
وبارك الله لك وعليك وجمع بينكما في خير
رحلة موفقة وأيام سعيدة ،، وخل عنك النوم وخلك شقردي ودر بالمعزبة
في قرية قراوا بجنبكم اسمه آنسي لا تفوتك

بارك الله لكما وبارك عليكم وجمع بينكما بخير
الله يرزقك الذرية الصالحة ويوفقك
أتمنى لك رحلة موفقة وسعيدة إن شاء الله
أخوك/صالات المغادرة

اخوي الطربه ( الطربه = الجميل بلغة اهل حايل )
مرورك اسعدني والله يجزاك خير ويتقبل ما دعيت ..
عزوتي ابو ريان
الله يجزاك خير واسعدتن بمرورك يا بعد حيي وميتي
بالنسبه للنوم انت خابر لازم يكثر عريس جديد
وبالنسبة لآنسي انا مرتب اني امرها بكرا بس حقيقة ما اخفيك اني ما اداني سالفة قطارات وتنقلات
وتغيير محطات .. فممكن اني اطلع لها بتكسي بعد ما استقر رايي اني ما استأجر سيارة بحكم ان الوضع
شهر عسل ولاهي زقرتيه الدعوى ( زقرتيه = شبابيه ياحيي ) بس اللي انصدمت به انهم قالو لي التاكسي
لآنسي من جنيف ب 200 فرنك سويسري ( حوالي 600 ريال ) غالي
مادري وش السالفه بس اليوم بتأكد من هالسالفة
بيض الله وجهك وابشر بالتقرير اللي يوسع الصدر بس خل ارجع ( انواع الصور )

بارك الله لكوبارك عليك وجمع بينكما بخير
اللهم أسعدهما في الدنيا و الآخرة
أخي الفاضل ...
من الممكن أن تستفيدمن الفندق إذا كان ينظم رحلات لآنسي فمن المؤكد أن اسعارهم أقل و أرخص
أو تستخدم الباصات السياحية من المكاتب السياحية ويمكن أن يتممها لك الفندق
شهر عسل عسل يا عسل

يا هلا والله وغلا بأخونا القدير والخبير والحبيب نسيم نجد
تقبل الله مادعيت وبارك فيك وجزاك الله خير على هالنصيحه الحلوه الله لا يخلينا
ابشرك مريت محطة الباصات اللي بجنب اوتيلنا امس العصر في شارع المونت بلانك ولقيتهم
ينظمون رحلات كثيره لآنسي وابشرك ان فيه رحلة دايركت بعد ومدتها 45 دقيقه فقط وتكلفتها
7فرنك سويسري لشخصين ( حوالي 81 ريال ) ويا بلاش
تسلم على هالتوجيه الله يعافيك بس تعال ابسألك انت بجنيف الحين
لأني شاك اني شفتك امس ( إذا انت هناك بقولك وين شفتك )