- السلام عليكم ورحمة الله ....
السلام عليكم ورحمة الله ....
أخوي شفت ردودك على الإخوان هنا فقلت أطلب مساعدتك شكلك عندك خبرة ما شاء الله عليك .....
أنا طبعا راح أسافر لبنان على الأسبوع الجاي عندي كورس لمدة اسبوعين وراح أسكن ببلازا هوتيل بالحمرا ، والكورس راح يكون بمنطقة الفردان ، أنا شايلة هم المواصلات بصراحة ، يعني مو عارفة أعتمد على سواق أو أتعامل مع التاكسي شرايك أخوي من أوفر فيهم لو نفس الشي ، وعموما أنا أتمنى أروح وأرجع مشي أنا أحب ممارسة الرياضة بس هل الطريق أمان وسالك ؟
وبالنسبة لموبايلي يمشي حالها هناك لو أبدلها ببطاقة إتصال ثانية ؟
وبعد بالنسبة للتايم الوقت كم حوالي فرق التوقت بيننا وبينهم تعرف أخوي أنا رايحة أدرس يعني لازم أظبط ساعتي علشان تضبط مواعيدي
وإذا وصلت على خير مطار بيروت كم من المفترض ياخذ علي السواق من المطار للسكن لأني ما ابي احد يضربني في السعر ....
أنا ميزانيتي راح تكون ثلاثة الالاف ريال كمصروف شخصي للأكل ومصاريف التوصيل تعتقد تكفيني ؟؟ ، ويمدي أخذ منها باروكة لولدي يقول يبي يشجع المنتخب فيها !!!
وإذا حاب تنصحني بأي شي يمكن يكون غايب عن بالي ، هاذي أول مره أسافر فيها وعلى حظي بكون بروحي وأنا حالفة أني أكون بعشر رجال وأمشي أموري من أحسن مايكون بس برضوا مانستغني عن نصايحكم .....
أشكرك سلفا وتقبل أجمل تحياتي .........................
والله ياختي بالتوفيق بس الكورس كورس انجليزي ولا لا لان كورس الانجليزي المفروض تااخذيه من الامد ايست اشهر وافضل مركز للانجليزي...
الفندق الي راح تسكني فيه كم راح يكلفك ؟؟؟
ممكن ادلك على واحد ياخذ تقريبا 800 دولار بالشهر للطالب ...
اذا بالفردان الكورس خذي سرفيس بعني تدفعي 5 ريال بس له الحق انه يوقف ويركب غيرك بس بدل البهدله قولي له 6000 للفردان يعني 15 ريال بس مااتكون سياره جدده مره ...المطار ياخذ 40 دولار ممكن ارسلك سياره عاديه تااخذك ب 20 دولار وومكن تااخذي تكسي على الشاع مار بالغلط قولي له 20 دولار للحمرا للاوتيل الي راح تسكني فيه...بس مااراح يخليكي التكاسي في حالك..واذا بغيتي سياره تجي تااخذك من قدام المطار انا جاهز ارسلك واحد لحد المطار ويوقف لك قدام باب المطار مع العلم انه ممنوع الا لكبار الشخصيات والعسكرين هو طالب معي في الجماعه وسيارته تمام ننفعه ...
0الاف ريال للمصروف حلوه جدا انا اصرف ماايقارب 4000 الى 5000 ريال بالشهر 2000 منهم للسكن ويبقى لي 3000 مصروف وجوالي والسياره كل يوم على الجامعه ....هذا يعني ان 3000 ميزانيه تكفي اذا مسكتي حالك واتقصدتي في الاشياء الي مالها لازم...
افضل لك تشتري شريحه لبنانيه ام تي سي ومااتكلمي دولي واذا تبين تتكلمي دولي استخدمي شي اسمه تلي كرت بطاقه كبينه تحطيها في الكبينه الي متوفره بوفره في الشوارع وتكلمي مثل الهنود بس توفير غير طبيعي على فكره انا تقريبا اخلص 3 الى اربع كروت بالشهر لان مكالمات الجوال اللبناني جدا جدا غاليه..
اذا حابه اخر يومين تروحي الثلج ولا تتمشي في نهايه الاسبوع خذي سياره بسواق ياخذ تقريبا 85 دولار باليوم تكسي هو معه سياره كبيره تويوتا موديل 2009 ماادري 2008 مع العلم ان السياره الصغيره مثل سعر الكبيره والكبيره احسن..
واذا تبيني احجز لك ولا تبين ارقام ولا لا و اقدر انا في الخدمه...