السلام عليكم ...
صباح النور والسرور اخوي خالد والف الف مبروك على ok
تسلم عيونك الحلوة اخوي خالد اجل لو كانت لعيوني هون
اخوي خالد صراحة خسارة وما ارضاها لك ...ولا حق المشوار
والتاكسي والتعب وشيل ونزل ...عندي لك فكرة لو تعجبك .
تروح لكاميرون من بينانغ ...نفس اللي يسونها اغلب السياح
بأكتشاف لنكاوي لمدة يوم تسويها بكاميرون ...وترى المكاتب
السياحية يسونها ... وعلى ما اعتقد اخوي خالد انك نازل ببينانغ
في فندق بي فيو ...اجل عندك الموظفة الهندية اللي جنب الاصنصير
تراها ماليزية لكن اصلها هندي .. كلمها وخلها تنادي لك مستر جون
يسوي لك جولة ما بعدها جولة ويخليك تقابل شيخ قبيلة بغابات كاميرون
ان بغيت تذوق كاميرون ... لا تغصب نفسك اخوي ...ما صارت هالسنة
ان شاء الله السنة الجاية تصير ....املنا في الله كبير .
م ..افاموزا ...يمديك ...لكن حرك بدري مثلاً 8 ونصف صباح
خل التاكسي حاضر ...10 وشوية انتم واصلين بأذن الله ...
وقريب المغرب حركوا ...مثلاً6 توصلوا قريب 8 عبال ما تغير
تقدر تروح بوكيت بينتانغ تتعشوا ...ودي اقول رأيي في شيء
لكن خايف اخرب عليك وازعلك ...خذ كلامي وارميه بالبحر
وترى كلامي كله نقص ...ما اشوف انه افاموزا تستاهل هذه
الروحة والجية والهجولة ...لو انك بايت ليلة او ليلتين نقول
انها تنبلع ...لكن روحة وجية ...قريب 4 ساعات خط روحة وجية
حسب الزحام وممكن اقل...وبعدين التاكسي كيف تسوي فيه تخليه
ينتظرك 10 ساعات وتعطيه حقها ...ولا تخلي اهل افاموزا يدبرون لك
تاكسي ...ارخص تاكسي يوديك ملاكا 170 ريال ورجعة مثلها
نقول الفلوس ما هي مشكلة لكن برضه فيها تعب ...انا شايف المضار
اكثر من النفع ولو كان شيء فخم وبلغ القمة في الجمال كديزني لاند مثلاً
نقول ما عليه لكن اخاف تشوفها تنفجع
فكر وقرر وما عليك في كلامي تراني ما انفعك
موفق اخوي بأذن الله تعالى ورحلة سعيدة واسئل اللي بغيته
لكن ان شاء الله يكون عندي جوابه
تروحون وترجعون بالسلامة والسلام عليكم

مرحبا ألف يالشعيبي
يعطيك العافيه على سرعة الرد وآسف على التأخير كنت والله طالع شوي خلاص يمكن أكنسل فكرة أفاموزا لكن مافهمت قصدك تشوفها تنفجع ليش ماهي حلوه للدرجه هذي أنا أذكر إن فيه عضو راح أعتقد تعرف إسمه ahmed ws أذكر قال طلعت أنا وخويي قروب وفي باص يوم ورجعونا نفس فكرة إكتشاف لنكاوي كاتب جلسنا طول اليوم ورجعنا والباص فاضي وأنا صراحه خايف من سالفة الباص لأن معي حرمه وتعرف الدنيا مالها أمان لاسمح الله خرب الباص ولا قطاع طرق يمكن اكون مبالغ في كلامي لكن كل شي جايز
ثانيا:
إنت تفضل فكرة كوالا لنكاوي بينانج كاميرون كوالا
أو كوالا كاميرون بينانج لنكاوي كوالا
أدري طولت عليك بس قلتلك راح أغلبك معاي على قولة حبايبنا أهل جده

السلام عليكم ...
حياك الله اخوي الغالي خالد ..
افاموزا حلوة لكن ماشوف انها تستاهل هالتعب ...وانت تعرف
يا اخوي انه الناس اذواق واراء ...لكن ان اشتهيتها لا تتراجع
ورح شوفها دام انك قريب ... صدقت اخوي كل شيء جائز والدنيا
ما عاد فيها امان ومن خاف سلم .
عن نفسي ارجح فكرة كوالا ..لانكاوي ...بينانغ ..كاميرون..كوالا
تاخذها من فوق وتجي نازل ...مع انها ما تفرق معاك لانك مريح اول
بكوالا ...لكن اللي من اول وصولهم ينطلقون ارجح الفكرة اللي ذكرتها .
موفق اخوي خالد بأذن الله ورحلة سعيدة وترجعون لنا بالسلامة والسلام عليكم

تسلم أخوي الشعيبي
وأنا بعد أتمنى لك مستقبلا باهرا وإنشاءالله تعدي الكورس هذا وتجيب A مثل مامحبتك في قلوبنا ماخذه A
مشكور وماقصرت وراح أعيدالنظرفي فكرة الأفاموزا لأني ماأدري هل فيها ألعاب تصلح للكبار أو لا وياليت أخوي تقولي بكم آخذ التاكسي لها وهل إنشاءالله بحصل تكاسي عند الباب للإنتظار
هذا ولك مني جزيل الشكر

السلام عليكم ...
اللهم امين اخوي خالد وربي يكرمك والمسلمين
الله يسلمك اخوي خالد ....التاكسي غالباً ياخذ لملاكا
0ريال ...وبما انه افاموزا بملاكا وعلى حدودها
حيأخذ 170 ريال ...هذه روحة ومثلها رجعة .
التكاسي اللي تنقلك مسافات بعيدة لا بد انك تنسق
معاها من بدري ...سهلة من العاصمة لانه الفندق يدبرها
لك بأتصال مع التكاسي المتعاملين معاهم ...لكن العودة
هي المشكلة ...لو كان راعي التاكسي طيب يقول انتم تمشوا
وقريب ما ودكم ترجعوا دقوا على جوالي وانا رايح احوم وادور
بملاكا ...وترى تلقى اللي يرجعك ب150 ريال ...لكن المشكلة
انكم غير حاجزين بأفاموزا ...ولا كان الفندق نفسه او الخدمة
يدبر لكم السواق ...اجل تفهم مع اللي رحتوا معاه بالاول .
ربي ييسر امرك اخوي وترجعون بالسلامة والسلام عليكم

يعطيك مليون عافيه صراحه شرح مفصل الله لايهينك ويرحم والديك ويوفقك دنيا وآخره.