ما شاء الله تبارك الرحمن..
الله يوفقك أخوي ...والله يجعلها في موازين حسناتك .
ورحلة سعيدة باذن الله .
وترجع لنا بالسلامة.

ياسلام على سويسرا وجوها صراحه فيها سحر غريب اجازه سعيده ان شاء الله ولاتنسى الشوكلاته

حابه اسالك كيف الجو الان احلى او شهر مايو
وياريت لو تنزل كم صوره تصبيره الى ان يحين موعد سفرنا ان شاء الله 0ام خلودي

.
.
أبلغ سهولها وجبالها وقممها الثلجية تحياتي وأشواقي
.
.

1. مر علينا 4 أيام غرانيالواد في أنترلاكن الرائعة

مر علينا 4 أيام غرانيالواد في أنترلاكن الرائعة

والله أنها ماتحتاج برنامج لو معاك سيارة وأنصح بالصغيرة مثل الغولف باسات عشات الطرق الجبلية الضيقة نوعا ما والمواقفأنطلق بالسيارة وكل ماتشوف مكان جميل مطل مطعم كوفي قرية وقف الشعب طيب وصراحة أنا كسعودي مايحتاج داخل بالشعب السويسري طول وعرض يكفي الأبتسامة والتعليقات
وحركاتنا حنا يالشعب السعودي رهيبة والله لو أقول لكم السوالف اللي صارت في بعض الكهوف والزحليقات وفي لوزيرن صحيح حنا شعب الأقلاع بس بأدب وأخلاق ماأقصده التنكيت
والسوالف والحركات الحلوة ووأحترام تقاليدهم والمهم النظام خاصة في القيادة طبعا لابد من من كم حركة تفحيط
في بعض الأمكان المنعزلة أهبل المدام شوي...الحقيقة القارمن مايقصرخاصة لما نضيع بالقرى الجميلة وأحلى شي خلو معكم سجادة متوسطة ودلة الشاي والقهوة وأي مكان يعجبكم وقفوا فيه وشموا هالهواء الرباني المنعشع ..وأروع شي لما تكتشف أشياء ماتدري عنها..جلسة فوق الجبل مطل جميل كوفي على البحيرة محل شاورومل محل شوبينغ...
أهم شي كثرو من الخردة أقصد فكة الفلوس المعدنية أم فرنك وفرنكين وخمسة راح تحتاجونها كثير للمواقف والحقيقة المواقف جدا سهلة ومتوفرة وماتحتاح شرح..الجو اليوم بارد وأمس وحنا راجعين من لوزرين أمطار قوية ..وليل بس متعة القيادة بين الجبال مهما كان الجو متعة...لاأنصح بالتنقل الكثير حطو أغراضكم في فندق في أنتلر لاكن قرية قرانيوالد وأنطلقوا لكل سويسرا ..كل شي جميل سبحان الخالق ربي لاتحرمنا جنة الأخرة تحياتي للجميع ...أخوكم السهلي

ياجماعة الخير التوفير زين الواحد ياخد مدة أطول بأنترلاكن عشرة أيام مثلا وبيحصل سعر خاص وموشرط ياخد شقة ياخد استديو فيه مطبخ وثلاجة وانت جاي من السعودية أو من أي بلدخليجي أو عربي حبيب وتجيب معك كم كيلو رز وبهارات وتشتري اجبان ومربى وزيت وخلافه وتعبي الغرفة وماأحلى لماتقوم الصبح والمدام مجهزة الفطور والقهوة والبلوكونة تشوف منها هداك المنظر الخيالي بدل ماتدفع مية ريال فطور للشخص
ولملترجع بعدين تضبط الكبسة أو تطبخها معاك وتاخدها بالسيارة وتكلونها باي مكان جميل...والفنادق اللي فيها شقق الغسالات والنشافات متوفرة لاحد يحتاتي الصرف المهم ترتيب التنقل يكون بسيارة مستاجرةوتكون الغرفة مليانة مأكولات للفطور وللغداء او العشاء وكثرو من المشي تراه يرد الروح ولاتستعجلون بالشراء الأسعار فيها فروقات كثيرة بالراحة كدلك انتبهوا للسرعات المحددة المخالفات غالية توصل ميتين وخمسين فرنك بس أنا لما أشوف السويسرين يدوسون ويسرعون أسرع وراهم ولمل يخففون أخفف مع الخيل ياشقراء
لأنهم يعرفون أماكن الرادارت بالطرق كدلك المطاعم بالقرى جدا رائعة واهلها بسطاء ومتعاونين وسامحوني أنا طالع الحين رغم أن الجو اليوم مطر
والجبال ماتنشاف من الغيوم بس طالعين طالعين تحياتي لكم ودعواتكم الصالحة ولله الحمد من قبل ومن بعد

يا سلام عليك يالسهلي
ربي يسعدك
انشهد انا شعب مقلع
عسى الله ييسراليوم الوطنبي بسلام الشعب عنده كم يوم (موظف قطاع خاص )

أشكرك أخوي فيصل...يديم ربي لناويطول بعمرك
أمس ركبت المدام زحليقة وهي ماتدري شسالفة وأنا وراها كان موقف يموت من الضحك ماتسمع غير الصراخ أخوك يحب المقالب أخرتها نمت بدون عشاء ههه